ચાંદીનો ભાવ રૂ. 4.40 લાખના મથાળેથી તૂટીને 2.90 લાખના તળિયે
ઐતિહાસિક ‘લિક્વિડિટી વાઇપઆઉટ’માં ચાંદીના ભાવ 30% તૂટ્યા, $80થી નીચે પહોંચ્યા, વિશ્વબજારમાં ગાબડાં પડતા ભારતનું બજાર પણ તૂટ્યું
ચાંદીના ભાવમાં 30મી અને 31મી જાન્યુઆરીએ ઐતિહાસિક ગાબડા પડતા કિલોદીઠ ભાવમાં અંદાજે રૂ. 1.50 લાખ ઘટી ગયા છે. એક તબક્કે રૂ. 4.40 લાખની સર્વોચ્ચ ભાવ સપાટીએ પહોંચેલી ચાંદી 31મી જાન્યુઆરીએ તૂટીને રૂ. 2.90ના તળિયે આવી ગઈ છે. વૈશ્વિક બજારમાં ચાંદીના ભાવ લગભગ 30 ટકા સુધી તૂટી ગયા છે. પ્રતિઔંસ 114 ડૉલરની ઉપર પહોંચેલા ચાંદી 31મી જાન્યુઆરીએ વિશ્વ બજારમાં તૂટીને $80 પ્રતિ ઔંસના તળિયે પહોચી ગઈ હતી. . ભારતમાં પણ MCX પર ચાંદીના ભાવમાં ભારે વેચવાલી જોવા મળી રહી છે. ગભરાઈ ગયેલા રોકાણકારો હવે ચાંદીમાં ફરી તેજી આવશે કે નહીં તે પર નજર રાખી રહ્યા છે.
ઉથલપાથલ ભરેલા જાન્યુઆરી બાદ ચાંદીની તેજી ઠરી
જાન્યુઆરી મહિનો ચાંદી માટે ખૂબ જ અસ્થિરતાનો રહ્યો છે.. મહિનાની શરૂઆતથી જ ચાંદીના ભાવમાં જોરદાર ઉછાળો આવ્યો હતો. વૈશ્વિક અનિશ્ચિતતા, ડોલરની નબળાઈ અને સેફ-હેવન માંગના કારણે ભાવમાં તેજી જોવા મળી હતી. મહિનાના અંત સુધીમાં ચાંદી લગભગ રેકોર્ડ લેવલ સુધી પહોંચી ગઈ હતી. 31 જાન્યુઆરી 2026 સુધીમાં ભારતમાં ફિઝિકલ ચાંદીનો ભાવ આશરે રૂ. 3.35 લાખ પ્રતિ કિલો રહ્યો હતો, જ્યારે MCX પર માર્ચ ફ્યુચર્સ રૂ. 3.95 લાખ પ્રતિ કિલોની આસપાસ ટ્રેડ થઈ રહ્યા હતા.
ચાંદીના ભાવમાં તીવ્ર ઘટાડો કેમ આવ્યો?
ચાંદીના ભાવમાં થયેલો તાજેતરો ઘટાડો અનેક વૈશ્વિક પરિબળોના કારણે થયો છે. એક, અમેરિકન ડોલર મજબૂત થતાં કિંમતી ધાતુઓની આકર્ષણશક્તિ ઘટી, છે, કારણ કે વિદેશી રોકાણકારો માટે ચાંદી મોંઘી બની ગઈ છે. બે, સોનાના ભાવમાં ઘટાડો થતા તેની અસર ચાંદી પર પણ પડી છે. બંને ધાતુઓની વધઘટ વચ્ચે ઊંડો સંબંધ હોવાથી આ બન્યું છે. ત્રીજું, અમેરિકાના રાષ્ટ્રપતિ ડોનાલ્ડ ટ્રમ્પ દ્વારા કેવિન વોર્શને ફેડરલ રિઝર્વના નવા ચેરમેન તરીકે નિયુક્ત કરતાં બજારનું સેન્ટીમેન્ટ જ બદલાઈ ગયુ હતું.
31 જાન્યુઆરી 2026: ભારતના મુખ્ય શહેરોમાં ચાંદીના ભાવ
ભારતભરમાં ચાંદીના ભાવમાં નોંધપાત્ર ઘટાડો જોવા મળ્યો છે:
- દિલ્હી: રૂ. 2,91,770 પ્રતિ કિલો
- ચેન્નાઈ: રૂ. 2,93,130 પ્રતિ કિલો
- હૈદરાબાદ: રૂ. 2,92,740 પ્રતિ કિલો
- બેંગલુરુ: રૂ. 2,92,510 પ્રતિ કિલો
- કોલકાતા: રૂ. 2,91,890 પ્રતિ કિલો
શુક્રવારે ચાંદીના ભાવમાં આવેલા આ તીવ્ર ઘટાડાએ બજારના ભાગીદારોને ચોંકાવી દીધા છે, ખાસ કરીને તે સમયે જ્યારે તાજેતરમાં જ ચાંદી રેકોર્ડ સ્તરે પહોંચી હતી.
