ગુજરાતે જાન્યુઆરીમાં જીએસટી અને વેટ મળીને રૂ. 9812 કરોડની આવક કરી
વિદ્યુત શુલ્કની રૂ. 976 કરોડની આવક થઈ, પ્રોફેશનલ ટેક્સની આવક રૂ. 22 કરોડ
જાન્યુઆરી 2026માં ગુજરાત સરકારની ગુડ્સ એન્ડ સર્વિસ ટેક્સની આવક રૂ. 7742 કરોડની થઈ છે. આ આવક જાન્યુઆરી 2025ની કૂલ માસિક આવક કરતાં 11.3 ટકા વધારો છે. રાષ્ટ્રીય સ્તરે જીએસટીની આવકમાં 11.3 ટકાના વધારા સામે રાજ્ય સ્તરે 6.2 ટકાનો આવક વધારો જોવા મળ્યો છે.
જાન્યુઆરી 2026માં ગુજરાતની વેટ-વેલ્યુ એડેડ ટેક્સની આવક રૂ. 2817 કરોડની થઈ હતી. તેમ જ વિદ્યુત શૂલ્કની રૂ. 976 કરોડની આવક થઈ હતી. તેમ જ પ્રોફેશનલટેક્સની માસિક આવક રૂ. 22 કરોડની થઈ છે. જીએસટી અને વેટ મળીને રાજ્ય સરકારને ગુજરાતમાંથી રૂ. 9712 કરોડની માસિક આવક થઈ છે. તદુપરાંત વિદ્યુત શુલ્કની રૂ. 976 કરોડની અને વ્યવસ્યા વેરાની રૂ. 22 કરોડની આવક થઈ છે.
ગુજરાત જીએસટી કચેરીના મોબાઈલ સ્ક્વોડે તપાસની કામગીરી કરીને રૂ. 26.8 કરોડની જીએસટીની આવક કરી છે.ગયા વરસે જાન્યુઆરીમાં જીએસટીની ચોરી પેટે રૂ. 13.13 કરોડ પકડાયા હતા. આ વરસે તેનાથી 105 ટકા વધુ રકમ પકડાઈ છે.
