આજે શેરબજારમાં શું કરશો?
આજે ખરીદવા લાયક શેરમાં IOCLનો સમાવેશ થાય છે. તેનો ભાવ રૂ.172.75ની આસપાસનો છે. વર્તમાન સપાટીએ તેમાં લેણ કરી શકાય છે. કારણ કે ઇન્ડિયન ઓઈલ કોર્પોરેશન લિમિટેડ (IOCL) માટે ટૂંકા ગાળાનો દૃષ્ટિકોણ બુલિશ છે. બુધવારે શેરમાં આવેલા લગભગ 3 ટકાના ઉછાળાએ ભાવને રૂ. 166ના મહત્વના રેઝિસ્ટન્સ લેવલથી ઉપર લઈ ગયો છે.
બજાર આજે કેવું રહેશે?
5 ફેબ્રુઆરી 2026ના રોજ ભારતીય શેરબજારની શરૂઆત ફ્લેટ જોવા મળે તેવી શક્યતા છે. વૈશ્વિક સંકેતો મિશ્ર હોવાથી રોકાણકારોમાં સાવચેતી જોવા મળી રહી છે. હવે બજારનું ધ્યાન RBIની આવનારી મોનેટરી પોલિસી બેઠક તરફ ખસ્યું છે. વિશ્લેષકો માને છે કે બજારમાં હાલ કન્સોલિડેશનનો સમય ચાલતો રહેશે. ઉદ્યોગ જગત તરફથી બજેટ 2026 અંગે મિશ્ર પ્રતિભાવ મળ્યો છે. AI અને ટેક્નોલોજી પર સરકારના ભારને કારણે રિટેલ, ફેશન અને ઇ-કોમર્સ જેવા ક્ષેત્રોમાં ડિજિટલ વિકાસને વેગ મળશે.
KPILના Q3 પરિણામોમાં આવકમાં 16 ટકાનો વાર્ષિક વધારો નોંધાયો છે અને કંપનીનો ઓર્ડર બુક રૂ.63,287 કરોડ સુધી પહોંચ્યો છે. Transport Corporation of India (TCI)એ પણ Q3માં 9.3 ટકા રેવન્યૂ ગ્રોથ અને 13.4 ટકા વેરા પછીના નફા-PATમાં વૃદ્ધિ દર્શાવી છે.
આજે IndiGo, BEML, Marico, Angel One, Newgen Software, NIIT Learning, Coal India, Greenply, Ashok Leyland અને Royal Orchid જેવા શેર ખાસ ફોકસમાં રહેશે કારણ કે તેમાં મહત્વના બિઝનેસ અપડેટ્સ સામે આવ્યા છે. સારાંશરૂપે, IOCLમાં ટેકનિકલ રીતે મજબૂતી જોવા મળી રહી છે અને ટૂંકા ગાળાના ટ્રેડર્સ માટે BUY કોલ આપવામાં આવ્યો છે, જ્યારે સમગ્ર બજાર RBI પોલિસી અને બજેટ 2026ની અસરને ધ્યાનમાં રાખીને સાવચેત મૂડમાં છે.
- આઈસીઆઈસીઆઈ સિક્યોરિટીઝનું કહેવું છે કે વરુણ બીવરેજિસમાં રોકાણ કરેલું હોય તો તે જાળવી રાખજો. શેરનો ભાવ વધીને રૂ. 470 સુધી જઈ શકે છે. બ્રોકરેજ હાઉસ જે.એમ. ફાઈનાન્સ તેમાં રૂ. 550ની ભાવ સપાટીએ લેણ કરવાની ભલામણ કરી રહ્યું છે
- કંસાઈ નેરોલેકમાં વર્તમાન સપાટીએ લેણ ચાલુ રાખી શકાય. ભાવ રૂ. 250નું મથાળું બતાવી શકે છે એમ આઈસીઆઈસીઆઈ સિક્યોરીટીઝ કહે છે.
- જે.એમ. ફાઈનાન્બશિયલ કહે છે કે બજાજ ફાઈનાન્સમાં લેણ કરી શકાય છે. ટાર્ગેટ ભાવ રૂ. 1125નો છે.
- અદાણી પોર્ટ્સમાં લેણ કરવાની જેએમ ફાઈનાન્શિયલની ભલામણ છે. ટાર્ગેટ ભાવ રૂ. 1800નો જણાય છે.
- એડબ્લ્યુએલ એગ્રીબિઝનેસમાં લેણ કરવા આઈસીઆઈસીઆઈ સિક્યોરિટીઝ જણાવે છે. ટાર્ગેટ ભાવ રૂ 300 છે.
