નિકાસકારો માટે ડિજિટલ ટ્રેડ ફેસિલિટેશન બિલ આવશે

“

digital-trade-facilitation-bill” અંતર્ગત ઇલેક્ટ્રોનિક ટ્રેડ દસ્તાવેજોને કાનૂની માન્યતા, કાયદેસરતા મળશે.

બિલના મુસદ્દા અંગે 30 દિવસમાં પોતપોતાના મંતવ્યા રજૂ કરી દેવાની હિતધારકોને સૂચના આપવામાં આવી

કેન્દ્રના વાણિજ્ય અને ઉદ્યોગ મંત્રાલય હેઠળની Directorate General of Foreign Trade (DGFT)એ ફાર્માસ્યૂટિકલ પ્રોડક્ટ્સના નિકાસકારો, Pharmaceuticals Export Promotion Council of India (Pharmexcil), વેપાર-ઉદ્યોગ સંસ્થાઓ, શૈક્ષણિક વર્ગ અને કાનૂની નિષ્ણાતો પાસેથી “Digital Trade Facilitation Bill, 2026”ના મુસદ્દા-ડ્રાફ્ટ અંગે સૂચનો અને અભિપ્રાયો મંગાવ્યા છે.

DGFTના જણાવ્યા મુજબ વૈશ્વિક ડિજિટલ ટ્રેડ સિસ્ટમ્સ સાથે સંકલન માટે હાલનું કાનૂની માળખું પૂરતું નથી, કારણ કે તેમાં ઇલેક્ટ્રોનિક ટ્રેડ દસ્તાવેજોને સંપૂર્ણ માન્યતા આપવામાં આવી નથી તેમજ ક્રોસ-બોર્ડર ડિજિટલ ટ્રસ્ટ સેવાઓ માટે વ્યાપક આધાર ઉપલબ્ધ નથી. આ ખામી દૂર કરવા માટે “Digital Trade Facilitation Bill, 2026” નો ડ્રાફ્ટ તૈયાર કરવામાં આવ્યો છે.

આ બિલનો મુખ્ય ઉદ્દેશ ઇલેક્ટ્રોનિક ટ્રેડ દસ્તાવેજોને કાનૂની માન્યતા આપવાનો, વિશ્વસનીય ડિજિટલ ચકાસણી વ્યવસ્થા ઊભી કરવાનો અને આંતરરાષ્ટ્રીય વેપાર રેકોર્ડ્સના સુરક્ષિત ડિજિટલ આદાન-પ્રદાનને સરળ બનાવવાનો છે.

વિદેશ વેપાર વિભાગના Joint Director General મોઈન અફાક્યૂ-Moin Afaque એ જણાવ્યું હતુ કે આ ડ્રાફ્ટ બિલ DGFT ની વેબસાઇટ પર Trade Notice સાથે ઉપલબ્ધ છે અને તમામ હિતધારકો પોતાના સૂચનો 30 દિવસની અંદર tradefinance-dgft@gov.in પર મોકલી શકે છે.

“Digital Trade Facilitation Bill, 2026” અંતર્ગત ઇલેક્ટ્રોનિક ટ્રેડ દસ્તાવેજોને કાનૂની માન્યતા, કાયદેસરતા મળશે. તેનો અમલ કરવાનો માર્ગ મોકળો થશે. તેની સાથે સાથે જ ડિજિટલ ઓળખ અને ટ્રસ્ટ સેવાઓના ઉપયોગ, સંચાલન અને આંતરરાષ્ટ્રીય માન્યતાને નિયમિત કરવામાં આવશે.

આ કાયદો કેન્દ્ર સરકાર દ્વારા અધિકૃત ગેઝેટમાં પ્રસિદ્ધ થયાની તારીખથી અમલમાં આવશે. જો બિલમાં સ્પષ્ટ રીતે આવરી ન લેવાયેલ કોઈ મુદ્દો ઉભો થાય તો તેનો ઉકેલ ભારતમાં સ્વીકારાયેલ સામાન્ય વ્યાપારી પ્રથાઓ અનુસાર કરવામાં આવશે, તેમજ આ બિલના આંતરરાષ્ટ્રીય મૂળ અને સમાન અમલની જરૂરિયાતને ધ્યાનમાં લેવામાં આવશે.

આ બિલ Consumer Protection Act, 2019 અને Information Technology Act, 2000 સાથે મળીને વાંચવાનું રહેશે અને તે કાયદાઓની જોગવાઈઓને નુકસાન પહોંચાડશે નહીં.

આ બિલ ડેટા પ્રાઇવસી કે ડેટા પ્રોટેક્શન સંબંધિત હાલના કાયદાઓને અસર કરશે નહીં, તેમજ બિલ અમલમાં આવે તે પહેલાં જારી થયેલા કાગળ આધારિત કે ઇલેક્ટ્રોનિક ટ્રેડ દસ્તાવેજો પર પણ તેની કોઈ અસર થશે નહીં. કેન્દ્ર સરકારને જરૂર જણાય તો અધિકૃત ગેઝેટ દ્વારા First Schedule અથવા Second Schedule માં ફેરફાર કરી શકશે.