આજે શેરબજારમાં શું કરી શકાય?

Cummins India માટે ટૂંકાગાળાનો દૃષ્ટિકોણ તેજીભર્યો (Bullish) છે. સોમવારે આવેલી તેજી છેલ્લા એક અઠવાડિયાથી ચાલી રહેલી ટૂંકી કન્સોલિડેશન પ્રક્રિયાનો અંત સૂચવે છે. રૂ.4,400 થી ₹4,300 વચ્ચે મજબૂત સપોર્ટ ઝોન જોવા મળે છે. આ સ્તર આસપાસ નવા ખરીદદારો માર્કેટમાં પ્રવેશ કરે તેવી શક્યતા છે, જેના કારણે ભાવમાં વધુ ઘટાડો મર્યાદિત રહી શકે છે. વર્તમાન ભાવ: ₹4,520, લક્ષ્યાંક (Target): ₹4,800 – ₹4,830, સપોર્ટ ઝોન: ₹4,400 – ₹4,300

હાલના લેવલ પરથી ખરીદી કરવી યોગ્ય ગણાય છે. સ્ટોકમાં આગળ વધવાની શક્યતા છે, જ્યારે યોગ્ય સ્ટોપ-લોસ રાખીને જોખમ નિયંત્રિત કરી શકાય છે.

17 ફેબ્રુઆરી 2026 માટેના લાઇવ અપડેટ્સમાં ભારતીય શેરબજારના તમામ મુખ્ય ફેરફારો, શેર ભાવ, તથા માર્કેટ ટ્રેન્ડ્સ આવરી લેવામાં આવ્યા છે — જેમાં Bombay Stock Exchange અને National Stock Exchange of India પર ચાલતા ટ્રેડિંગ પર ખાસ નજર રાખવામાં આવી રહી છે.

• બ્રોકરેજ હાઉસ આઈસીઆઈસીઆઈ સિક્યોરિટીઝે ઓએનજીસીના શેર્સમાં રૂ. 332ના ભાવે લેણ કરવાની ભલામણ કરી છે. બ્રોકરેજ હાઉસ એમકે ગ્લોબલે ઓએનજીસીના શેર્સમાં રૂ. 300ની ભાવ સપાટીએ લેણ કરી શેર્સ એકત્રિત કરવા જણાવ્યું છે.
• બ્રોકરેજ હાઉસ આઈસીઆઈસીઆઈ સિક્યોરિટીઝે ઇન્દ્રપ્રસ્થ ગેસના શેરમાં રૂ.250ના ભાવે લેણ કરવાની ભલામણ કરી છે.
• બ્રોકરેજ હાઉસ આઈસીઆઈસીઆઈ સિક્યોરિટીઝે ઇન્ડિગો પેઈન્ટ્સમાં રૂ.1200ના ભાવે લેણ કરવાની ભલામણ કરી છે.
• બ્રોકરેજ હાઉસ એમકે ગ્લોબલે લ્યુપિન લેબોરેટરીઝના શેર્સમાં રૂ. 2500ના ભાવે લેણ કરવાની ભલામણ કરી છે.
• બ્રોકરેજ હાઉસ એમકે ગ્લોબલ મારિકોના શેર્સમાં રૂ. 850ના ભાવે લેણ કરવાની ભલામણ કરી છે.

કીરી ડાઈઝ અને વિધિ સ્પેશિયાલિટી

ડાયઝ અને પિગમેન્ટ્સ સેગમેન્ટમાં વર્ષ દરમિયાન એક સ્પષ્ટ સીઝનલ પેટર્ન જોવા મળે છે. જાન્યુઆરી–ફેબ્રુઆરીમાં આ ક્ષેત્ર નબળું રહે છે અને માર્ચથી તેજી શરૂ થાય છે. ઐતિહાસિક ડેટા અને ટેકનિકલ ચાર્ટ્સ દર્શાવે છે કે ફેબ્રુઆરીનો ઘટાડો જોખમ લેવા માટે સારો સમય બની શકે છે. કેમિકલ સેક્ટરનો ડાયઝ અને પિગમેન્ટ્સ ભાગ. આ ક્ષેત્ર વર્ષના શરૂઆતમાં નબળું રહે છે અને માર્ચ બાદ મજબૂત થવાનું વલણ ધરાવે છે.

અમદાવાદ સ્થિત કંપની કીરી ઇન્ડસ્ટ્રીઝ-Kiri Industriesના શેર્સમાં જાન્યુઆરીમાં 8.94 ટકા અને ફેબ્રુઆરીમાં 4.88 ટકાનો ઘટાડો જોવા મળ્યો છે. જોકે માર્ચથી જુલાઈના ગાળામાં તેમાં પોઝિટિવ રીટર્ન મળવાની સંભાવના છે. આ રિટર્ન 11.96 ટકા સુધીનું મળી શકે છે. આ રહ્યા તેના કારણો..

• સ્ટોક 2023ના હાઈ ઉપર ગયો હતો અને હવે ફરી એ લેવલ ટેસ્ટ કરી રહ્યો છે
• Golden Cross સ્ટ્રક્ચર દેખાય છે (લાંબા ગાળાની એવરેજ ટૂંકા ગાળાની ઉપર)
• ભાવ 200-વીક EMA નજીક બેઝ બનાવી રહ્યો છે આ ફેબ્રુઆરીમાં ધીરજપૂર્વક એક્યુમ્યુલેશન માટેનો ઝોન ગણાય છે.

વિધિ સ્પેશિયાલિટી ફૂડ ઇન્ગ્રેડિયન્ટ્સ-Vidhi Specialty Food Ingredientsનો શેર બ્રેકઆઉટની સપાટીએ હોવાનું જણાય છે.

વિધિ સ્પેશિયાલિટીના શેરમાં ગયા વર્ષના જાન્યુઆરી અને ફેબ્રુઆરીમાં સરેરાશ 4.78 ટકા અને 3.38 ટકા રિટર્ન રહ્યા છે. પરંતુ માર્ચમાં સરેરાશ 7.7 ટકાનો ઉછાળો જોવા મળ્યો હતો. ત્યારબાદ તેમાં સપ્ટેમ્બર સુધી પોઝિટિવ બાયસ રહે છે.

• ભાવ 2023ના લો નજીક મહત્વપૂર્ણ સપોર્ટ ધરાવે છે.
• વીકલી RSI ઓવરસોલ્ડ ઝોન (30)માંથી ઉપર વળી રહ્યો છે
• સપોર્ટ + RSI રિવર્સલ + સીઝનાલિટી = બાઉન્સની વધુ શક્યતા છે.
• જો સપોર્ટ તૂટે તો વિચાર બદલવો જરૂરી છે.

આજે બજાર કેવી રીતે ખુલશે?

એશિયન અને US સંકેતો નરમાશ ના હોવાતી આજે GIFT Nifty નબળું ખૂલી શકે છે. તેમ જ સોનું–ચાંદીમાં ભારે ઘટાડો જોવા મળી શકે છે. આજે વૈશ્વિક બજારો નકારાત્મક માહોલમાં ટ્રેડ થઈ રહ્યા છે. GIFT Nifty 66 પોઈન્ટ ઘટીને 25,635 પર ટ્રેડ થઈ રહ્યો છે, જે ભારતીય બજાર માટે નબળી શરૂઆતનો સંકેત આપે છે. સોમવારે ભારતીય બજાર મજબૂત બંધ થયું હતું National Stock Exchange of India પર નિફ્ટી 212 પોઈન્ટ ઉછળી બંધ રહ્યો હતો, જ્યારે BSE Limited સેન્સેક્સ 650 પોઈન્ટ વધીને 83,277 પર બંધ થયો હતો.

એશિયન બજાર

મંગળવારે એશિયન બજારો ફ્લેટથી નકારાત્મક ઝોનમાં રહ્યા હતા. જાપાનનો Nikkei Inc. સૂચકાંક લગભગ 0.5 ટકા ઘટ્યો હતો. ચીન, હોંગકોંગ, સિંગાપુર, તાઈવાન અને દક્ષિણ કોરિયાના બજારો લ્યુનર ન્યૂ યર કારણે બંધ રહ્યા હતા.

અમેરિકન બજાર

US ફ્યુચર્સ મિશ્ર સ્થિતિમાં રહ્યા હતા. S&P 500 અને Nasdaq ફ્યુચર્સ નબળા રહ્યા હતા. બીજીતરફ Dow ફ્યુચર્સમાં હળવો ઉછાળો જોવા મળ્યો હતો. સોમવારે Presidents’ Day હોવાથી US બજારો બંધ હતા.

આજના સોનાં–ચાંદીના ભાવ

• 24 કેરેટ સોનું: ₹1,54,950 પ્રતિ 10 ગ્રામના રહ્યું છે. તેમાં 0.8 ટકાનો ઘટાડો થયો છે.
• ભારત ખાતે ચાંદી: ₹2.40 લાખ પ્રતિ કિલો 1.92% ઘટાડો જોવા મળ્યો છે.
• Multi Commodity Exchange of India પર એપ્રિલ ડિલિવરી સોનું રૂ.1.54 લાખ આસપાસ
• COMEX પર ચાંદીમાં લગભગ 3.5 ટકા ઘટાડો થયો છે.

FII–DII ડેટા

વિદેશી સંસ્થાગત રોકાણકારો (FII) રૂ. 972 કરોડના નેટ વેચનાર રહ્યા છે. જ્યારે સ્થાનિક સંસ્થાગત રોકાણકારો (DII) રૂ. 1,666 કરોડના નેટ ખરીદદારો રહ્યા છે.

ક્રૂડ ઓઈલ

WTI ક્રૂડ $63.69 અને બ્રેન્ટ ક્રૂડ $68.52 આસપાસ ટ્રેડ થઈ રહ્યું છે. બંનેમાં હળવો ઘટાડો નોંધાયો છે.

સેક્ટરલ ટ્રેન્ડ

સોમવારે પાવર સેક્ટરમાં સૌથી વધુ તેજી જોવા મળી. સોલાર, માઇનિંગ અને પ્લાસ્ટિક શેરોમાં પણ ખરીદી જોવા મળી, જ્યારે એગ્રીકલ્ચર સેક્ટર સૌથી વધુ ઘટ્યો.