નિફ્ટી CPSE ઇન્ડેક્સમાં20 ટકાની તેજી આવવાની છે?
નિફ્ટી CPSE ઇન્ડેક્સમાં20 ટકાની તેજી આવવાની છે? NTPC, ONGC અને અન્ય શેર પર નજર રાખી શકાય, રોકાણકોરો તક ઝડપી શકે
162 દિવસના કન્સોલિડેશનના લાંબા ગાળા પછી Nifty CPSE Indexમાં બ્રેકઆઉટ જોવા મળ્યો છે. રસપ્રદ બાબત એ છે કે ફિબોનાચી ટાઈમ સાઇકલ પ્રમાણે પણ આ સમયગાળા બાદ તેજી આવવાની સંભાવના દર્શાવવામાં આવી હતી. પોઇન્ટ એન્ડ ફિગર ચાર્ટમાં ‘બુલિશ કેટાપલ્ટ’ પેટર્ન અને સાપ્તાહિક હાઇકિન આશી કેન્ડલ્સ મજબૂત ટ્રેન્ડની પુષ્ટિ કરે છે. વિવિધ ટાઇમફ્રેમના સંકેતો એકસરખા દેખાતા હોવાથી આગામી મહિનાઓમાં લગભગ 20 ટકા સુધીનો ઉછાળો આવે તેવી શક્યતા જોવામાં આવી રહી છે.
સેક્ટર રોટેશન
બજારમાં સેક્ટર રોટેશન શાંતિથી ચાલે છે. હાલમાં CPSE શેરોમાં ધીમે ધીમે મજબૂતાઈ દેખાઈ રહી છે. PSU શેરો લાંબા સમય સુધી સ્થિર રહી અચાનક તેજી પકડતા હોય છે. ચાર્ટ મુજબ હાલમાં એ જ તબક્કો શરૂ થતો દેખાઈ રહ્યો છે.
સાપ્તાહિક હાઇકિન આશી સંકેત
સાપ્તાહિક ચાર્ટમાં બ્રેકઆઉટ ઝોન ઉપર સતત બુલિશ હાઇકિન આશી કેન્ડલ્સ બની રહી છે.
તેનો અર્થ એ થાય છે કે બજારમાં મજબૂત ટ્રેન્ડ રીસ્ટાર્ટ થઈ રહ્યો છે. બીજું, હેલ્ધી પુલબેક પછી નવી તેજી શરૂ થઈ રહી છે. ત્રીજું, ખોટા બ્રેકઆઉટની શક્યતા ઓછી છે.
162 ટ્રેડિંગ દિવસ અને ફિબોનાચી ગોલ્ડન રેશિયો
તાજેતરની કન્સોલિડેશન અવધિ 162 ટ્રેડિંગ દિવસની રહી છે. આ અવધિ ફિબોનાચી થિયરી મુજબ ગોલ્ડન રેશિયો ગણાય છે. આ સ્થિતિ સૂચવે છે કે કન્સોલિડેશન પૂર્ણ થવા આવ્યું છે. સેલિંગ પ્રેશર એટલે કે વેચવાલીનું દબાણ પૂરું થવા આવ્યું છે. ટ્રેન્ડ સ્ટ્રક્ચરમાં ફેરફાર આવી રહ્યો છે. કમજોર હાથ બહાર જઈ રહ્યો છે. મજબૂત રોકાણકારો અંદર આવી રહ્યો છે. પ્રાઈસ કરેકશન અને ટાઈમ કરેકશન બંને સાથે આવે ત્યારે લાંબી અવધિનો ટ્રેન્ડ સર્જાય છે.
પોઇન્ટ એન્ડ ફિગરમાં ‘બુલિશ કેટાપલ્ટ’
પોઇન્ટ એન્ડ ફિગર ચાર્ટમાં ‘બુલિશ કેટાપલ્ટ’ પેટર્ન જોવા મળી રહી છે. ડબલ ટોપ બ્રેકઆઉટની શક્યતા જણાઈ રહી છે. નાનો પુલબેક પણ આવી શકે છે. ફરીથી અગાઉના હાઈ ઉપર બ્રેકઆઉટ આવી શકે છે. આ પેટર્ન દર્શાવે છે કે સપ્લાય શોષાઈ ગઈ છે અને ડિમાન્ડ મજબૂત બની છે.
CPSE ઇન્ડેક્સમાં નેતૃત્વ કરનારા શેર
હાલમાં ઇન્ડેક્સમાં આગળ રહેતા મુખ્ય શેરોમાં NTPC, ONGC, NLC India, Power Grid Corporation of India, Bharat Electronics Limitedનો સમાવેશ થાય છે. ઊર્જા, પાવર ટ્રાન્સમિશન અને ડિફેન્સ થીમમાં મજબૂત ભાગીદારી દર્શાવે છે કે તેજીનો વ્યાપક આધાર પર છે.
CPSE શેરો ચક્રિય-ચઢાવ અને ઉતારનો સ્વભાવ ધરાવે છે. મજબૂત ઓર્ડર બુક, ટેક્નિકલ બ્રેકઆઉટ અને ફિબોનાચી ટાઈમિંગને જોતા 20 ટકા સુધીની સંભાવિત તેજી નકારી શકાય તેમ નથી. છતાં, રોકાણ પહેલાં ઓર્ડર ફ્લો, અમલીકરણ અને માર્કેટ મોમેન્ટમ પર નજર રાખવી જરૂરી છે.
