બ્રોકરેજ હાઉસ JM Financialએ પાંચ શેર્સમાં લેણ કરવાની ભલામણ કરી
પાંચ કંપનીઓમાં અંબુજા સિમેન્ટ, કોરોના રેમિડિઝ, ગ્રેવિટા ઇન્ડિયા, આઈનોક્સ ઇન્ડિયા અને જ્યુપિટર લાઈફ લાઈન હોસ્પિટલના શેરનો સમાવેશ થાય છે.
બ્રોકરેજ હાઉસ JM Financialએ પાંચ શેર્સમાં લેણ કરવાની ભલામણ કરી
બ્રોકરેજ કંપની JM Financial એ શેરબજારમાં લિસ્ટેડ કંપનીઓનો અભ્યાસ કરીને પાંચ કંપનીઓના શેરમાં લેણ કરવાની ભલામણ કરી છે. સિમેન્ટ, ફાર્મા, રિસાયક્લિંગ, એન્જિનિયરિંગ અને હેલ્થકેર ક્ષેત્રની આ કંપનીઓ શેર્સના ભાવમાં આગામી સમયમાં 36 ટકા સુધી વધારાની સંભાવના જોવા મળી શકે છે. કંપનીઓના પ્લાન્ટ્સની મુલાકાતો, મેનેજમેન્ટ સાથેની ચર્ચા અને ઉદ્યોગ વિશ્લેષણના આધારે આ ભલામણો કરવામાં આવી છે. આ પાંચ કંપનીઓમાં અંબુજા સિમેન્ટ, કોરોના રેમિડિઝ, ગ્રેવિટા ઇન્ડિયા, આઈનોક્સ ઇન્ડિયા અને જ્યુપિટર લાઈફ લાઈન હોસ્પિટલના શેરનો સમાવેશ થાય છે.
અંબુજા સિમેન્ટ-Ambuja Cementsના ભાવમાં 36 ટકા સુધીના વધારાની સંભાવના
JM Financialએ Ambuja Cements માટે ‘Buy’ રેટિંગ સાથે ₹635નો ટાર્ગેટ પ્રાઈસ આપ્યો છે, જે હાલના ભાવથી લગભગ 36% સુધી વધારાની સંભાવના દર્શાવે છે. ગુજરાતના સાંઘીપુરમ પ્લાન્ટની મુલાકાત દરમિયાન જાણવા મળ્યું કે કંપની ઉત્પાદન ખર્ચ ઘટાડવા અને ઓપરેશનલ કાર્યક્ષમતા વધારવા પર ધ્યાન આપી રહી છે.
અંબુજા સિમેન્ટના પરફોર્મન્સની વાત કરવામાં આવે તો ક્લિંકર ઉત્પાદન ખર્ચને ભવિષ્યમાં રૂ. 1,500 પ્રતિ ટન સુધી લાવવાનો લક્ષ્ય કંપની રાખી રહી છે. બે, ગ્રીન એનર્જીનો વધુ ઉપયોગ કરવા માગે છે. ત્રણ, રેલવે કનેક્ટિવિટી દ્વારા ટ્રાન્સપોર્ટ ખર્ચ ઘટાડો કરવાનું લક્ષ્યાંક છે. ચાર, અંદાજે 100 કરોડ ટન લાઈમસ્ટોન રિઝર્વ પડ્યો છે. આ જથ્થો 100 વર્ષથી વધુ ઉત્પાદન માટે પૂરતો છે.
રોકાણ કરવાને લાયક બીજી કંપનીમાં Corona Remedies-કોરોના રેમેડિઝનો સમાવેશ થાય છે. તેના શેરનો ભાવ વર્તમાન સપાટીથી 18 ટકા સુધીના વધારાની સંભાવના જોવામાં આવી રહી છે. JM Financialએ Corona Remedies માટે રૂ. 1,866નો ટાર્ગેટ પ્રાઈસ સાથે ‘Buy’ રેટિંગ આપ્યું છે. આમ તેમાં લગભગ 18 ટકા વધારો થવાની સંભાવના દર્શાવવામાં આવી છે. કંપનીએ છેલ્લા કેટલાક વર્ષોમાં ટૂંકા ગાળાના રોગોના ઉપચારથી દૂર જઈને ક્રોનિક અને સબ-ક્રોનિક સારવાર પર ધ્યાન કેન્દ્રિત કર્યું છે. કંપનીએ હવે ડાયાબિટીસ, કાર્ડિયક કેર, વેઇટ મેનેજમેન્ટ દવાઓના કામકાજ ચાલુ કર્યા છે.
ઇન્વેસ્ટમેન્ટ કરી શકાય તેવો ત્રીજો શેર ગ્રેવિટા ઇન્ડિયા-Gravita India છે. તેનો ભાવ વર્તમાન સપાટીથી 30.8 ટકા ઉપર જવાની સંભાવના દર્શાવે છે. Gravita India માટે JM Financialએ રૂ. 2,010 ટાર્ગેટ પ્રાઈસ આપ્યો છે, જે લગભગ 30.8 ટકાનો સુધારો થવાની સંભાવના દર્શાવે છે.
કંપનીના પરફોર્મન્સને વેગ આપે તેવા પરિબળોની વાત કરવામાં આવે તો બેટરી રિસાયક્લિંગ અને વેસ્ટ મેનેજમેન્ટ માટે કડક નિયમો કંપનીને લાભ અપાવી શકે છે. કંપની પાસે ભારતમાં સૌથી મોટું ઓર્ગેનાઈઝ્ડ રિસાયક્લિંગ નેટવર્ક છે. London Metal Exchangeના માધ્યમથી હેજિંગ સિસ્ટમને કંપની લાગુ કરી રહી છે. કંપનીએ તાજેતરમાં Rashtriya Metal Industries ખરીદી છે, તેની મદદથી કંપની હવે કોપર રિસાયક્લિંગ સેગમેન્ટમાં પ્રવેશી રહી છે.
ખરીદવા લાયક અન્ય શેરમાં આઈનોક્સ ઇન્ડિયા-INOX Indiaનો સમાવેશ થાય છે. આ શેરના ભાવમાં વર્તમાન ભાવસપાટીથી અંદાજે 24.5 ટકાનો વધારો થવાની શક્યતા જોવા મળી રહી છે. JM Financialએ INOX India માટે રૂ. 1,470 ટાર્ગેટ પ્રાઈસ સાથે ‘Buy’ રેટિંગ આપ્યું છે. કંપની નીચેના ક્ષેત્રોમાં વધતી માંગનો લાભ લઈ શકે છે. આ ક્ષેત્રોમાં સેમિકન્ડક્ટર, સ્પેસ ટેક્નોલોજી, ઇન્ડસ્ટ્રીયલ ગેસના ક્ષેત્રનો સમાવેશ થાય છે. INOX India હવે ગ્લોબલ બ્રૂઇંગ કંપનીઓ માટે બેવરેજ કેગ્સ સપ્લાય કરવાની શરૂઆત પણ કરી રહી છે. તેને Heineken અને Molson Coors તરફથી મંજૂરી મળી છે.
Jupiter Life Line Hospitals-જ્યુપિટર લાઈફ લાઈન હોસ્પિટલ્સના શેર્સના ભાવમાં પણ 34.6 ટકા વધારો થવાની શક્યતા જણાઈ રહી છે. JM Financialએ Jupiter Life Line Hospitals માટે રૂ. 1,734 ટાર્ગેટ પ્રાઈસ આપ્યો છે, જે લગભગ 34.6 ટકાના વધારાની સંભાવના દર્શાવે છે. શેર્સના ભાવમાં વધારો આવવાની સંભાવના માટેના કારણોમાં ઊંડા ઉતરીએ તો ડોમ્બિવલી હોસ્પિટલ બે વર્ષમાં EBITDA બ્રેક-ઈવન સુધી પહોંચવાની શક્યતા છે. પુણે અને ઇન્દોર હોસ્પિટલ્સ હવે પરિપક્વ સ્ટેજમાં આવી ચૂકી છે. શેર ભાવમાં તાજેતરમાં લગભગ 20 ટકાનો ઘટાડો આવ્યો છે. પરિણામે તેનું વેલ્યુએશન આકર્ષક બની ગયું છે
JM Financialના મતે આ પાંચ કંપનીઓમાં ઓપરેશનલ સુધારા, નિયમનકારી ટેકો અને મજબૂત માંગને કારણે આગામી વર્ષોમાં આવક અને શેર ભાવમાં વૃદ્ધિ થવાની શક્યતા છે. જો કંપનીઓ પોતાની યોજનાઓ સફળતાપૂર્વક અમલમાં મૂકે તો રોકાણકારોને નોંધપાત્ર રિટર્ન મળી શકે છે.
