ઇરાને હિન્દમહાસાગરમાંના અમેરિકા-બ્રિટનની સૈન્ય છાવણી પર હુમલો કર્યો
અમેરિકા અને ઇઝરાયેલે સાથે મળીને ઇરાન પર કરેલા આક્રમણના વીસ દિવસ બાદ આજે વહેલી સવારે ઇરાને હિંદ મહાસાગરમાં અમેરિકા–બ્રિટનની સૈન્ય છાવણી પર મિસાઇલ હુમલો કર્યો હોવાના હેવાલો મળી રહ્યા છે.
પરિણામે મધ્ય પૂર્વમાં ચાલી રહેલું અમેરિકા–ઇઝરાયેલ અને ઇરાન વચ્ચેનું યુદ્ધ હવે વધુ ગંભીર બની ગયું છે. ઇરાને હિંદ મહાસાગરમાં આવેલી અમેરિકા અને બ્રિટનના સંયુક્ત સૈન્ય મથક પર મિસાઇલ હુમલો કર્યો હોવાનું અહેવાલ છે.
અમેરિકાએ હાલના સંજોગોમાં ક્રૂડ તેલના પુરવઠાને સરળ બનાવવા માટે ઇરાનના સમુદ્રમાં અટવાયેલા ક્રૂડ તેલના વેચાણ પર 30 દિવસની છૂટછાટ આપી છે. તેની સાથે જ અમેરિકા તેના સ્ટ્રેટેજિક પેટ્રોલિયમ રિઝર્વમાંથી 45.2 મિલિયન બેરલ ક્રૂડ ઓઈલ-કાચા તેલનું વિતરણ કરવાની તૈયારી પણ કરી રહ્યું છે.
ઇઝરાયલે તેહરાનમાં હુમલા કર્યા પછી ઇરાને મિસાઇલ છોડી હોવાનું જાણવા મળી રહ્યું છે. તેની સાથે જ ઇરાને વિશ્વભરના પ્રવાસી સ્થળો પર પણ હુમલાની ધમકી આપી છે. ઇરાનના કારજ અને ઇસ્ફહાન જેવા વિસ્તારોમાં હુમલાની માહિતી પણ મળી રહી છે.
અમેરિકા-ઇઝરાયલ અને ઇરાન વચ્ચેના યુદ્ધને પરિણામે કતારની LNG નિકાસમાં લગભગ 17 ટકા ખોરવાઈ ગઈ છે. પરિણામે તેને અંદાજે 20 અબજ ડોલરનું વાર્ષિક નુકસાન થવાની શક્યતા છે. બીજીતરફ વિશ્વ બજારમાં ક્રૂડ ઓઈલ અને અને સોનાના ભાવમાં ભારે ઉછાળો આવી રહ્યો છે.
બીજી તરફ હેઝબોલ્લાહે ઇઝરાયલ પર હુમલા કર્યા હોવાના અહેવાલ આવી રહ્યા છે. અમેરિકા વધુ યુદ્ધજહાજ અને 2500 સૈનિકો મોકલી રહ્યું છે. સાઉદી અરેબિયા અને કુવૈતે મિસાઇલ અને ડ્રોન હુમલા અટકાવ્યા છે.
હોર્મુઝ જળમાર્ગ પર તણાવ
આ યુદ્ધને કારણે હોર્મુઝની ખાડી પર તણાવ વધી રહ્યો છે: ઇરાને જાપાનના જહાજોને પસાર થવા દેવાની તૈયારી બતાવી હોવાના અહેવાલો મળી રહ્યા છે. અન્ય દેશોના જહાજો પર નિયંત્રણ રાખવામાં આવી રહ્યું છે. અનેક દેશોએ આ જળમાર્ગ સુરક્ષિત રાખવા સહકાર આપવાનો વાયદો કર્યો છે.
યુદ્ધની ક્રૂડ તેલના બજાર પર અસર
બ્રેન્ટ માર્કેટમાં ક્રૂડ તેલનો ભાવ $70 થી વધીને $119.50 પ્રતિ બેરલ બોલાઈ રહ્યો છે. એરલાઇન કંપનીઓને ભારે નુકસાનની શક્યતા નિર્માણ થઈ છે. પરિણામે એરલાઈન્સ તેમના ભાડાંમાં જંગી વધારો કરી દે તેવી સંભાવના છે. ક્રૂડ તેલનો ભાવ આગામી મહિનાઓમાં વધીને પ્રતિબેરલ $175 સુધી જઈ શકે છે એવી ચિંતા દરેક દેશોને કોતરી ખાઈ રહી છે.
બીજીતરફ અમેરિકાના પ્રમુખ ડોનાલ્ડ ટ્રમ્પે કહ્યું છ કે હાલ યુદ્ધ વિરામ કરવામાં તેમને કોઈ જ રસ નથી. અમેરિકા પોતાના લક્ષ્યની નજીક છે. યુદ્ધની કાર્યવાહી “ધીમે ધીમે બંધ કરવાની” વિચારણા ચાલી રહી છે
આમ ઇરાન અને ઇઝરાયલ તથા અમેરિકા વચ્ચેનું યુદ્ધ હવે વધુ ખતરનાક તબક્કામાં પહોંચી ગયું છે. વૈશ્વિક તેલ, ગેસ અને અર્થતંત્ર પર અસર પડી રહી છે. અમેરિકા યુદ્ધ સમાપ્ત કરવાની વિચારણા કરી રહ્યું છે. પરિસ્થિતિ હજુ પણ અનિશ્ચિત અને તણાવપૂર્ણ છે.
