સહકારી બેન્કો માટે આર્ટિફિશિયલ ઇન્ટેલિજન્સનું કવચ બનાવવા અમિત શાહે વિચારણાં કરી
RBI, NABARD, NUCFDCનો સંયુક્ત પ્રયાસથી સહકારી બેન્કોમાં થતાં નાણાંકીય વહેવારોને મહત્તમ સુરક્ષિત બનાવવાની દિશામાં સહકાર મંત્રાલય સક્રિય
સહકારી બેંકિંગ ક્ષેત્રમાં ડિજિટલ ગવર્નન્સ અને નાણાકીય સુરક્ષા મજબૂત બનાવવા માટે એક મહત્વપૂર્ણ પગલાં તરીકે, સહકાર સચિવ આશિષ કુમાર ભૂતાણીએ અટલ અક્ષય ઊર્જા ભવન ખાતે ઉચ્ચસ્તરીય બેઠક યોજી હતી. આ બેઠકમાં સહકારી બેન્કોને NCRP-CFCFRMS પ્લેટફોર્મ સાથે API ઈન્ટિગ્રેશન અને AI આધારિત ફ્રોડ ડિટેક્શન સિસ્ટમ-મ્યુલ હન્ટર આર્ટિફિશિયલ ઇન્ટેલિજન્સથી ચાલતી સિસ્ટમ સાથે જોડવાને મુદ્દે ચર્ચા વિચારણા કરવામાં આવી હતી.
પ્રસ્તુત પહેલ કરવા પાછળનો મૂળભૂત હેતુ ડિજિટલ ઈન્ફ્રાસ્ટ્રક્ચર મજબૂત બનાવવાનો છે. તેમ જ ફ્રોડ જોખમની મોનિટરિંગની વ્યવસ્થાને વધુ સંગીન અને સચોટ બનાવવાનો છે. તેમ જ સહકારી સંસ્થાઓ વચ્ચે ડેટા ઈન્ટિગ્રેશન સુનિશ્ચિત કરવાનો છે. બેન્કિંગ અને સહકારી સંસ્થાઓના તંત્ર સાથે સંકળાયેલા રિઝર્વ બેન્ક અને નાબાર્ડ સહિતની સંસ્થાઓના અધિકારીઓએ ભારપૂર્વક જણાવ્યું હતુ કે સતત વધી રહેલા સાયબર ક્રાઈમને કારણે ખાતેદારોને માથે ઊભા થઈ રહેલા જોખમ અને નાણાકીય છેતરપિંડી કિસ્સાઓ સતત વધી રહ્યા છે તે સમયમાં મજબૂત ડિજિટલ સિસ્ટમ ખૂબ જ જરૂરી છે.
શ્રી.અમિતભાઈ શાહ સાથે યોજવામાં આવેલી પ્રસ્તુત બેઠકમાં સહકાર ખાતાના, રિઝર્વ બેન્ક ઓફ ઇન્ડિયાના, નેશનલ બેન્ક ફોર એગ્રીકલ્ચર એન્ડ રૂરલ ડેવલપમેન્ટ-નાબાર્ડ, સ્ટેટ બેન્ક ઓફ ઇન્ડિયા અને ઇન્ડિયન સાયબર ક્રાઈમ કોઓર્ડિનેશન સેન્ટરના અધિકારીઓ ઉપસ્થિત રહ્યા હતા.
આ ચર્ચામાં ઉપરાંત Sahakar Sarathi Pvt Ltd અને National Urban Cooperative Finance and Development Corporation જેવા મહત્વપૂર્ણ સ્ટેકહોલ્ડર્સે પણ ભાગ લીધો હતો. ચર્ચા દરમિયાન રિયલ-ટાઈમ ડેટા શેરિંગ, વહેલી તકે ફ્રોડ ઓળખ અને સંયુક્ત નિયમનકારી દેખરેખની જરૂરિયાત પર ભાર મૂકવામાં આવ્યો હતો. MuleHunter.AI પ્લેટફોર્મ શંકાસ્પદ ટ્રાન્ઝેક્શન ઓળખવામાં અને મ્યુલ એકાઉન્ટ્સ સામે કાર્યવાહી કરવામાં મહત્વપૂર્ણ સાબિત થશે. તેનાથી ડિપોઝિટર્સના હિતોની રક્ષા થઈ શકશે.
અધિકારીઓએ જણાવ્યું કે સહકારી બેંકોને આધુનિક ફિનટેક સિસ્ટમ સાથે જોડવાથી ટેક્નોલોજીકલ ગેપ ઘટશે અને તેમને મુખ્ય ધારા બેંકિંગ ધોરણો સાથે સમન્વયિત કરવામાં મદદ મળશે. આ પહેલ “સહકારથી સમૃદ્ધિ”ના વિઝનને પણ મજબૂત બનાવશે, કારણ કે તે સહકારી સંસ્થાઓને સુરક્ષિત અને આધુનિક ડિજિટલ સાધનો સાથે સશક્ત બનાવવાની કામગીર કરે છે.
બેઠક અંતે સમયબદ્ધ અમલ અને તમામ સ્ટેકહોલ્ડર્સ વચ્ચે વધુ સમન્વય માટે આહ્વાન કરવામાં આવ્યું હતું. પરિણામે સહકારી બેન્કો નવા નાણાકીય જોખમોને અસરકારક રીતે પહોંચી વળી શકશે અને સભ્યોને પારદર્શક અને કાર્યક્ષમ સેવા આપી શકશે.
