આવકવેરાના નિયમો હેઠળ નવી નોકરીમાં જૂની નોકરીના પગારની માહિતી આપવી ફરજિયાત
તમે નવી કંપનીને માહિતી નહીં આપો તો બંને નોકરીદાતા છૂટછાટ આપી શકે છે. પરિણામે ઓછો ટેક્સ કપાશે. ત્યારબાદ ITR ફાઈલ કરતી વખતે વધારાનો ટેક્સ અને વ્યાજ ચૂકવવું પડશે.
કોઈપણ નોકરિયાત નાણાકીય વર્ષની વચ્ચે કોઈપણ મહિનામાં નવી નોકરી લઈને જૂની નોકરી છોડી દે તો નવા નોકરીદાતાને અગાઉની નોકરીની સેલેરીની વિગતો આપવી જરૂરી છે. તેમ કરવામાં ન આવે તો ટેક્સ ગણતરીમાં ભૂલ થઈ શકે છે, કારણ કે બંને નોકરીદાતાઓ અલગ-અલગ છૂટછાટ આપતા હોય તેવી શક્યતા રહેલી છે. તેથી પેનલ્ટી ભોગવવાની કે પછી વ્યાજ ભરવાની નોબત આવી શકે છે.
Income-tax Act 1961 ની કલમ 192(2) મુજબ કર્મચારીને તે જ નાણાકીય વર્ષમાં અગાઉના નોકરીદાતા પાસેથી મળેલી આવકની માહિતી નવા નોકરીદાતાને આપવી જરૂરી છે. તેને માટે સામાન્ય રીતે Form 12B ભરવામાં આવે છે. Central Board of Direct Taxesની સૂચના મુજબ જૂના નોકરીદાતા પહેલેથી TDS રિટર્નમાં તમારી સેલેરી વિગતો સબમિટ કરે જ છે. જો તમે નવી કંપનીને માહિતી નહીં આપો તો બંને નોકરીદાતા છૂટછાટ આપી શકે છે. પરિણામે ઓછો ટેક્સ કપાશે. ત્યારબાદ ITR ફાઈલ કરતી વખતે વધારાનો ટેક્સ અને વ્યાજ ચૂકવવું પડશે. આ સંજોગોમાં સમયસર વિગતો આપવી જ યોગ્ય છે.
નવા નોકરીદાતા માત્ર પોતાની સેલેરી માટે Form-16 આપી શકે?
હા, નવો નોકરીદાતા માત્ર પોતાની કંપનીમાં કામ કરેલા સમયગાળાનો Form-16 આપી શકે છે. પરંતુ કુલ ટેક્સ ગણતરી માટે અગાઉની આવક ઉમેરવી જરૂરી છે. તમે ખર્ચેલા HRA (House Rent Allowance) પર ટેક્સ લાગ્યો હોય તો શું કરવું જોઈએ? જો તમે HRA માટે લાયક હોવા છતાં ડોક્યુમેન્ટ મોડાં આપવાને કારણે કંપનીએ તેને ટેક્સેબલ ગણાવી દીધો હોય તેવું બની શકે છે. આ સંજોગોમાં તમે ITR ફાઈલ કરતી વખતે HRA પર રિફંડ ક્લેમ કરી શકો છો. કંપની તમારા HRA ને ટેક્સેબલ બતાવશે. પરંતુ તમે ITRમાં તેને exempt બતાવી શકો છો. પરિણામે તમને ટેક્સ રિફંડ મળશે. આ સંજોગોમાં શક્ય છે કે તમને ઇન્કમ ટેક્સ વિભાગ તરફથી નોટિસ મળી શકે છે. તેમને આવકવેરા ખાતાની નોટિસ મળે ત્યારે તમે ભાડું ચૂકવ્યુ હોવાના પુરાવા (rent receipts) બતાવી જવાબ આપી શકો છે.
ITR ફાઈલ કરવી ક્યારે ફરજિયાત છે?
Income-tax Act 1961 મુજબ જો કુલ આવક બેઝિક કન્ઝમ્શન લિમિટ કરતાં વધારે હોય તો તેવા સંજોગોમાં ITR ફાઈલ કરવું ફરજિયાત છે. કરદાતાની આવક આવક ઓછી હોય ITR જરૂરી નથી પત્ની કે પરિવારના નામે મિલ્કત હોય તો ટેક્સ નિયમ કયા લાગુ પડી શકે છે. જો તમે પત્નીને પૈસા આપી પ્લોટ ખરીદાવ્યો હોય અને પત્ની પાસે આવક ન હોય ITR ફરજિયાત નથી. પરંતુ પ્લોટમાંથી આવક ભાડાની કે પછી વેચાણ નફો થયો હોય તો તે તમારી આવકમાં ઉમેરાશે. ક્લબિંગની પ્રોવિઝન હેઠળ આ રકમ તેમાં ઉમેરાઈ જશે.
ધ્યાનમાં રાખવા જેવી બાબતો
કર્મચારી નોકરી બદલે તો તે પહેલા નોકરીની સેલેરી વિગતો આપવી જરૂરી આવકવેરાના નિયમો હેઠળ આપવી જરૂરી છે. HRA પર ટેક્સ લાગ્યો હોય તો ITRમાં રિફંડ મેળવી શકાય છે. સમયસર ટેક્સ ભરવાથી વ્યાજ અને દંડથી બચી શકાય છે. આવક મર્યાદા મુજબ જ ITR ફરજિયાત છે. પરિવારના નામે રોકાણ પર ટેક્સ નિયમ અલગ હોઈ શકે છે.
