આજે શેરબજારમાં 24 કંપનીઓના શેર્સમાં નવા જૂની જોવા મળી શકે
એન્વિરો ઇન્ફ્રા એન્જિનિયર્સ લિમિટેડને મહારાષ્ટ્રમાં બે મોટા ઇન્ફ્રાસ્ટ્રક્ચર પ્રોજેક્ટ માટેના કામ આપવા માટેની પેનલમાં સ્થાન આપવામાં આવ્યું
લાર્સન એન્ડ ટુબ્રો, નેશનલ થર્મલ પાવર કોર્પોરેશન, હુડકો, એનબીસીસી, ઝેગલે, એસ્ટ્રાઝેનેકા, ઓપોલો હોસ્પિટલ્સ, શેબ્લી, ટીજીવી સ્રાક સહિતના ચોવીસ શેર્સ આજે લાઈમ લાઈટમાં રહે તેવી સંભાવના છે. એન્વિરો ઇન્ફ્રા એન્જિનિયર્સ લિમિટેડને મહારાષ્ટ્રમાં બે મોટા ઇન્ફ્રાસ્ટ્રક્ચર પ્રોજેક્ટ માટેના કામ આપવા માટેની પેનલમાં સમાવેશ કરવામાં આવ્યો હોવાની જાણ કરતો પત્ર મળ્યો છે. આ ઓર્ડરોની કુલ કિંમત અંદાજે રૂ.972.19 કરોડ છે. આ પ્રોજેક્ટ્સ સ્વચ્છ ભારત મિશન-અર્બન 2.0 હેઠળનો છે અને 1 લાખથી ઓછી વસ્તીવાળા 306 શહેરી વિસ્તારોમાં સ્યૂએજ ટ્રીટમેન્ટ પ્લાન્ટ અને સ્યુઅર નેટવર્ક વિકસાવવાના કામકાજ પર ફોકસ કરતાં પ્રોજેક્ટ્સ પર કેન્દ્રિત છે.
એડવાન્સ એગ્રોલાઈફ લિમિટેડને નેશનલ ફર્ટિલાઈઝર લિમિટેડ તરફથી રૂ.0.38 કરોડના કૃષિ રસાયણ સપ્લાય માટેની જાણ કરતો ઇરાદા પત્ર-લેટર ઓફ ઇન્ટેન્ડ મળ્યો છે.
મોડર્ન એન્જિનિયરિંગ પ્રોજેક્ટ્સ લિમિટેડને ટાટા સ્ટીલ તરફથી રૂ. 60 કરોડનો રોડ કન્સ્ટ્રક્શન ઓર્ડર મળ્યો છે.
ફેબટેક ટેક્નોલોજીસ ક્લિનરૂમ્સ લિમિટેડે માર્ચ સુધી રૂ. 9.82 કરોડના નવા ઓર્ડર મેળવ્યા છે. તેમાં ફાર્માના રૂ.7.67 કરોડના અને રિન્યુએબલ એનર્જીના રૂ. 2.13 કરોડના ઓર્ડરનો સમાવેશ થાય છે.
સ્ટ્રેટેજિક પહેલ
નેશનલ થર્મલ પાવર કોર્પોરેશન લિમિટેડની સહાયક કંપની ટીએચડીસી ઇન્ડિયા લિમિટેડે ટેહરી પમ્પ્ડ સ્ટોરેજ પ્લાન્ટ-1000 મેગાવોટનું છેલ્લું યુનિટ શરૂ કરી દીધું છે. આ ભારતના રિન્યુએબલ એનર્જી ક્ષેત્ર માટે મહત્વપૂર્ણ છે.
હૂડકો અને એનબીસીસી ઇન્ડિયા લિમિટેડ વચ્ચે વચ્ચે બે સમજૂતી કરાર થયા છે. તેમાંથી એક કરાર દિલ્હી સ્થિત ઓગસ્ટ ક્રાન્તિ ભવનના વિસ્તારનો રીડેવલપમેન્ટનો છે. બીજો કરાર સસ્ટેનેબલ પ્રોજેક્ટ્સ માટે સહકાર આપવાને લગતો છે.
મંગલમ ઇન્ડસ્ટ્રીયલ ફાઈનાન્સ લિમિટેડે આર્ટિફિશિયલ ઇન્ટેલિજન્સની ટેક્નોલોજીનો આશરો લીધો છે. તેના થકી ક્રેડિટ અસેસમેન્ટ, ફ્રોડ ડિટેક્શન અને લોન પ્રોસેસિંગની કામગીરી કરાવશે.
બીજીતરફ ઝાગલે પ્રીપેઈડ ઓસન સર્વિસે એ જનરલ સેન્ટ્રલ ઇન્સ્યોરન્સ કંપની લિમિટેડ સાથે કરાર કર્યો છે. તેમ જ ટીવીજી સ્રાક લિમિટેડે તેની ઉત્પાદન ક્ષમતા વધારી છે.
આંતરરાષ્ટ્રીય વિસ્તરણ
મોનાર્ક સર્વેયર્સે ઓસ્ટ્રેલિયાની જીએમ એન્ડ એફઈ રાયન પીટીવાય લિમિટેડને ખરીદવાનો નિર્ણય કર્યો છે, આ કંપની એન્જિનિયરિંગ અને લેન્ડ સર્વે ક્ષેત્રમાં કાર્યરત છે.
જમીન સોદા
એસ્ટ્રાઝેનેકા બેંગલુરુમાં 64 એકરમાં પથરાયેલો પ્લાન્ટ વેચવાનો વિચાર કરી રહી છે, જેમાંથી રૂ. 3,400 કરોડની આવક થવાની શક્યતા છે. બીજીતરફ લાર્સન એન્ડ ટુબ્રોની સબસિડિયરીએ ગુરુગ્રામમાં રૂ.1,123 કરોડમાં જમીન ખરીદી છે. એવરેસ્ટ ઇન્ડસ્ટ્રીઝે તમિલનાડુમાં જમીન વેચીને રૂ. 100.83 કરોડ મેળવ્યા છે.
હેલ્થકેર-ફાર્મા અપડેટ્સ
લ્યુપિન લિમિટેડે અમેરિકામાં ડેપાગ્લિફ્લોઝિન ટેબ્લેટ લોન્ચ કરી છે. એપોલો હોસ્પિટલે તેની એએચએલએલ સબસિડીયરી સંપૂર્ણ રીતે પોતાના હસ્તક લઈ લીધી છે. ટોરેન્ટ ફાર્માસ્યૂટિકલ્સના પ્લાન્ટને USFDA તરફથી ઝીર ઓબ્ઝર્વેશનનું પ્રમાણપત્ર મળી ગયું છે. શેલ્બી લિમિટેડના અમદાવાદ સ્થિત કૃષ્ણા યુનિટને કિડની ટ્રાન્સપ્લાન્ટ માટે મંજૂરી મળી ગઈ છે. પેનેશિયા બાયોટેક લિમિટેડને ભારત સરકાર તરફથી રૂ. 20.79 કરોડનો વેક્સિન સપ્લાય ઓર્ડર મળ્યો છે.
