TCSના શેરમાં તેજીની ચાલ જોવા મળી શકે, વર્તમાન સપાટીથી 25 ટકા ભાવ વધી શકે
ઇન્ફોર્મેશન ટેક્નોલોજીના સેક્ટરની કંપની ટાટા કન્સલ્ટન્સિ સર્વિસીસના 2025-26ના ચોથા ત્રિમાસિક ગાળાના પરિણામો બાદ તેના શેર્સના ભાવમાં જબરદસ્ત ઊછાળો આવે તેવી સંભાવના પીએનબી પારિબાસ સહિતના બજારના નિષ્ણાતોએ વ્યક્ત કરી છે.
બ્રોકરેજ હાઉસનું અવલોકન છે કે અમેરિકાના નિર્ણયોને પરિણામે ઇન્ફોર્મેશન ટેક્નોલોજીના સેક્ટર સામે પડકારો હોવા છતાં ટીસીએસની કામગીરી અને મેનેજમેન્ટની પોઝિટીવ રહી હોવાથી રોકાણકારોનો તેના શેર્સમાં રોકાણ કરવાનો વિશ્વાસ વધુ બુલંદ બની રહ્યો છે. બીએનપી પારિબાસે TCS માટે રૂ. 3,230 નો ટાર્ગેટ પ્રાઇસ રાખ્યો છે. તે બજારના પરફોર્મન્સ કરતાં વધુ સારુ પરફોર્મન્સ આપશે તેવું જણાવ્યું છે. 2026-27ના નાણાંકીય વર્ષમાં કંપની આવક વૃદ્ધિમાં TCS તેના સ્પર્ધકો કરતાં પાછળ રહી શકે છે. પરંતુ 5 ટકા થી વધુ ડિવિડન્ડ યિલ્ડ તેને આકર્ષક રોકાણ બનાવે છે.
ટીસીએસ ઉપરાંત ઇન્ફોસિસ ટેક્નોલોજી, પર્સિસ્ન્ટન્ટ સિસ્ટમ્સના શેર્સમાં પણ રોકાણ કરી શકાય તેમ હોવાનું પીએનબી પારિબાસના બજારના નિષ્ણાતો જણાવી રહ્યા છે. કારણ કે તેની ક્લાયન્ટ કંપનીઓને ઇન્ફોર્મેશન ટેક્નોલોજી થકી જ વિકાસ થશે તે મનમાં બેસી ગયું છે. તેમને આર્ટિફિશિયલ ઇન્ટેલિજન્સમાં પણ વધુમાં વધુ ભરોસો છે. આ વર્ષે ટેક સેક્ટરમાં ઘટાડાનું એક મોટું કારણ આર્ટિફિશિયલ ઇન્ટેલિજન્સને કારણે બધાં જ કામ છીનવાઈ જશે તેવો ભય પણ હતો. જોકે ટીસીએસના નિષ્ણાતો કહે છે કે ક્લાયન્ટ્સ હવે આર્ટિફિશિયલ ઇન્ટેલિજન્સને પ્રાયોગિક ધોરણથી આગળ લઈ જઈને તેનો મોટા સ્તરે અમલમાં મૂકવા સક્રિય રહ્યા છે. તેનાથી નવા બિઝનેસનો માર્ગ ખૂલી જશે. બીજું, ક્લાયન્ટ્સ ડેટા ઇન્ફ્રાસ્ટ્રક્ચર અને એપ્લિકેશન મોડર્નાઇઝેશનમાં રોકાણ કરી રહ્યા છે. તેમ જ આર્ટિફિશિયલ ઇન્ટેલિજન્સ માટે તૈયાર સિસ્ટમ્સ બનાવી રહ્યા છે. અત્યારે કંપનીઓ ઇન્ફોર્મેશન ટેક્નોલોજી પાછળ કરવાનો ખર્ચ અટકાવવાના બદલે વધારી રહ્યા છે. તેથી જ ટીસીએસને એ.આઈ. સોલ્યુશન્સની મદદથી 2025-26ના ચોથા ત્રિમાસિક ગાળામાં 2.3 અબજ અમેરિકી ડૉલરની આવક થઈ હતી.
અમેરિકા-ઇરાન વચ્ચેના યુદ્ધને કારણે ઇન્ફોર્મેશન ટેક્નોલોજીના સેક્ટરની કંપનીઓ પર મોટી અસર જોવા મળી રહી છે. અત્યારે પણ આ અસર માત્ર ટ્રાવેલ અને ટ્રાન્સપોર્ટ સેક્ટર સુધી મર્યાદિત નથી. છતાં આઈટી કંપનીઓ માટે નવી તક વધી રહી છે. ટીસીએસના મેનેજમેન્ટે જણાવ્યું છે કે, “મોટાભાગના પડકારો હવે પાછળ રહી ગયા છે” કંપની આગામી વર્ષ માટે પોઝિટિવ પરફોર્મન્સ આપવાનો વિશ્વાસ ધરાવે છે.
પગાર વધારો કરી માર્જિનમાં વિશ્વાસ દેખાડ્યો
ટીસીએસએ પહેલી એપ્રિલથી કર્મચારીઓ માટે પગાર વધારો જાહેર કરી દઈને આગામી વર્ષમાં પણ તેના માર્જિન જળવાઈ રહેવાનો વિશ્વાસ વ્યક્ત કર્યો છે. તેના માર્જિન પર 150–200 બેસિસ પોઈન્ટ્સ એટલે કે દોઢથી બે ટકાની અસર જોવા મળી શકે છે. છતાં કંપનીને બિઝનેસ ગ્રોથ અને ડીલ ફ્લો પર વિશ્વાસ છે.
2025-26ના ચોથા ત્રિમાસિક ગાળામાં ટીસીએસએ ત્રણ મોટા મેગાડિલ્સ કર્યા છે. છેલ્લા ત્રિમાસિક ગાળામાં $12 બિલિયનના અને તેની આગળના ત્રિમાસિક ગાળામાં $9.3 બિલિયન ડોલરના ડિલ કર્યા છે. કંપનીનો બુક ટુ બિલ રેશિયો 1.57 ગણો છે.
તેના કારણોમાં ઊંડાં ઉતરીએ તો કંપનીના વેન્ડર વધુ સંગીન સ્થિતિમાં આવી રહ્યા છે. કંપની તેની સેવાની કોસ્ટ ઉપર લઈ જવામાં સફળ થઈ રહી છે. આર્ટિફિશિયલ ઇન્ટેલિજન્સ આધારિત નવી ડીલ કંપનીને મળી રહી છે. બીએનપી પારિબાસના નિષ્ણાતોના મતાનુસાર 2026-27ના વર્ષમાં ટીસીએસની આવક 2025-26 કરતાં થોડીક ઓછી થઈ શકે છે. પરંતુ કંપનીઓ મજબૂત ડિવિડન્ડની એટલે કે શેરદીઠ રૂ. 31ના ડિવિડન્ડ આપવાની જાહેરાત કરી દીધી છે. ત્રીજું કંપનીની સર્વિસિસની ડિમાન્ડ સુધરી રહી છે. કંપનીની ઓર્ડર બુક મજબૂત છે.
