આજે બજારમાં શું કરશો?
બજારના સેન્સેક્સના ડેઇલી ચાર્ટ પર નાના બુલિશ કેન્ડલ જોવા મળી રહ્યા છે. ઇન્ટ્રાડે ચાર્ટમાં હાયર બોટમ ફોર્મેશન ફોર્મેશન દેખાઈ રહ્યું છે.
બીએસઈ સેન્સેક્સમાં અને નિફ્ટી 50માં બુધવારે વધારો જોવા મળ્યો હતો. તેમાં ડેઇલી ચાર્ટ પર નાના બુલિશ કેન્ડલ રચાઈ રહ્યા છે. બજારના વિશ્લેષકો માને છે કે બજારમાં ખરીદી કરવા માટેનો રસ હજુ યથાવત જળવાઈ રહ્યો છે, પરંતુ આગામી દિશા પહેલાં બજાર થોડું સમતોલ-મજબૂત થવાની પ્રક્રિયામાંથી પસાર થઈ રહ્યું છે.
સેન્સેક્સ આઉટલુક
કોટક સિક્યોરિટીઝના એક્સપર્ટ શ્રીકાંત ચૌહાણનું માનવું છે કે ઇન્ટ્રા ડે ચાર્ટમાં સેન્સેક્સમાં હાયર બોટમ ફોર્મેશનની પ્રક્રિયા ચાલી રહી છે. તેથી જ ગઈકાલે-બુધવારે પણ બજાર ગેપ-અપ સાથે ખુલ્યું હતુ અને આખો દિવસ પોઝિટિવ રહ્યું હતુ. બજારના સેન્સેક્સના ડેઇલી ચાર્ટ પર નાના બુલિશ કેન્ડલ જોવા મળી રહ્યા છે. ઇન્ટ્રાડે ચાર્ટમાં હાયર બોટમ ફોર્મેશન ફોર્મેશન દેખાઈ રહ્યું છે.
ટ્રેડિંગ સ્ટ્રેટેજી:
ડે ટ્રેડરો ઇન્ટ્રાડેમાં ઘટાડે લેવાલી કરી શકે છે. તેમ જ તેજીની રેલીમાં વેચાણ કરીને નફો બુક કરવાનો વ્યૂહ અપનાવી છે. સેન્સેક્સમાં 77,500 અને 77,300ની સપાટીએ મજબૂત ટેકો જણાઈ રહ્યો છે. તેમ જ 78,500થી 78700ની રેન્જમાં પ્રતિકાર જોવા મળી રહ્યો છે. હા, 77,300 ની નીચે બજાર સેન્ટિમેન્ટ નેગેટિવ થઈ શકે છે.
એચડીએફસી સિક્યોરીટીઝના એક્સપર્ટ્સનું માનવું છે કે નિફ્ટી 50માં છેલ્લા મહિને સતત લૉઅર ટોપ અને લૉઅર બોટમ બન્યા છે. અત્યારે 23,555 લેવલ પર નિફ્ટી 50માં નવો હાયર બોટમ બન્યો છે. આ સંકેત આપે છે કે બજારમાં ટ્રેન્ડ રિવર્સલ (ઉપર તરફ-તેજી તરફી) થઈ રહ્યો છે. 8 એપ્રિલનો ગેપ હજુ પૂરો ભરાયો નથી. બજાર માટે તેને એક પોઝિટિવ ટ્રેન્ડ તરીકે જોવામાં આવી રહ્યો છે ટૂંકા ગાળામાં તો શેરબજારમાં હજીય તેજીનો વક્કર જોવા મળી શકે છે. નિફ્ટી 50માં 24250 અને 24,300ની સપાટીએ પ્રતિકાર જોવા મળી રહ્યો છે. આ લેવલ તૂટે તો બજાર 24,750થી 24,800 સુધી જઈ શકે છે. 24,800ની સપાટીએ નવી પ્રતિકાર સપાટી જોવા મળી રહી છે. આ સપાટીએ વેચવાલીનું દબાણ આવી શકે છે. તેમ જ 23,900 અને 24,000ની સપાટીએ મજબૂત ટેકો જોવા મળી રહ્યો છે.
બજારના નિષ્ણાતોનું માનવું છે કે નિફ્ટી 50 પહેલીવાર એક્સ્પોનેન્શિયલ મુવિંગ એવરેજ 20ની ઉપર સપોર્ટ લીધો છે. તેમ જ 23મી ફેબ્રુઆરી પછી પહેલીવાર 50 ઈએમએ પર ક્લોઝિંગ જોવા મળ્યું છે. આ બાબત બજાર સુધરી રહ્યું હોવાનો નિર્દેશ આપે છે. નિફ્ટી 50નો રિલેટીવ સ્ટ્રેન્ગ્થ ઇન્ડેક્સ બુલિશક્રોસ ઓવર દર્શાવે છે. તેમાં મોમેન્ટમ મજબૂત હોવાનું દેખાઈ રહ્યું છે.
બ્રોકરેજ હાઉસની ભલામણો
સમગ્રતયા વિચાર કરીએ તો બજાર હાલ પોઝિટિવ ટ્રેન્ડમાં છે. પરંતુ આગળ વધતા પહેલા થોડું કન્સોલિડેશન શક્ય છે. ટ્રેડર્સ માટે શ્રેષ્ઠ સ્ટ્રેટેજીની વાત કરીએ તો ઘટાડે લેણ કરી શકે છે અને રેલીમાં વેચાણ કરી શકે છે.
બ્રોકરેજ હાઉસ મોતીલાલ ઓસવાલે આઈસીઆઈસીઆઈ એએમસીના શેરમાં લેણ કરવાની ભલામણ કરી છે અને ટાર્ગેટ પ્રાઈસ રૂ. 3850નો દર્શાવ્યો છે. મોતીલાલ ઓસવાલે હીરો મોટોકોર્પમાં પણ લેણ કરવાની ભલામણ કરી છે. ટાર્ગેટ પ્રાઈસ રૂ.6205નનો આપ્યો છે.
આઈસીઆઈસીઆઈ સિક્યોરિટીઝના નિષ્ણાતોએ આઈસીઆઈસીઆઈ એએણસીના શેર્સમાં લેણ કરી હોલ્ડિંગ વધારવાની ભલામણ કરી છે. ટાર્ગેટ પ્રાઈસ રૂ. 3525નો આપ્યો છે.
એચડીએફસી સિક્યોરીટીઝે આઈસીઆઈસીઆઈ પ્રુડેન્શિયલ લાઈફના શેરમાં લેણ કરી હોલ્ડિંગ વધારવા જણાવ્યું છે. ટાર્ગેટ ભાવ રૂ. 595નો આપ્યો છે.
ઈલારા કેપિટલે આઈસીઆઈસીઆઈ પ્રુડેન્શિયલ લાઈફના શેર્સમાં રોકાણ વધારવાની ભલામણ કરીને ટાર્ગેટ ભાવ રૂ. 600નો આપ્યો છે.
ઈલારા કેપિટલે એશિયન પેઈન્ટ્સના શેર્સમાં લેણ કરીને હોલ્ડિંગ વધારવા જણાવ્યું છે. તેમ જ ટાર્ગેટ ભાવ રૂ. 2700નો આપ્યો છે.
