વર્ક પરમિટ વિના કોણ કેનેડામાં પ્રવેશ કરી શકશે?
કેનેડાના બિઝનેસ વિઝિટર વિઝાના નિયમોમાં ફેરફાર કર્યાઃ પાત્રતા ધરાવતા પ્રવાસીઓ સીધા જ એરપોર્ટ અથવા બોર્ડર પર અરજી કરી શકે છે અને લાંબી વર્ક પરમિટની લાંબી પ્રક્રિયા ટાળી શકે છે.
કેનેડાએ વિદેશી નાગરિકો માટે બિઝનેસ વિઝિટર કેટેગરી હેઠળ પ્રવેશ માટે નવા નિયમો જાહેર કર્યા છે. આ માર્ગ ટૂંકા ગાળાના બિઝનેસ કામ માટે કાયદેસર રીતે કેનેડામાં પ્રવેશ કરવાનો સૌથી ઝડપી વિકલ્પ માનવામાં આવે છે. કેનેડાના ઇમિગ્રેશન વિભાગ દ્વારા 19 માર્ચ, 2026ના રોજ બહાર પાડવામાં આવેલી નવી માર્ગદર્શિકા મુજબ હવે અધિકારીઓને પાત્રતા, જરૂરી દસ્તાવેજો અને વિઝાની માન્યતા વિશે વધુ સ્પષ્ટ સૂચનાઓ આપવામાં આવી છે.
ઘણા પ્રોફેશનલ્સ અને કંપનીઓ માટે આ કેટેગરી હજુ પણ આકર્ષક છે કારણ કે પાત્રતા ધરાવતા પ્રવાસીઓ સીધા જ એરપોર્ટ અથવા બોર્ડર પર અરજી કરી શકે છે અને લાંબી વર્ક પરમિટની લાંબી પ્રક્રિયા ટાળી શકે છે.
વિઝિટર વિઝા માટેની આ સૌથી ઝડપી પ્રક્રિયા હોવા છતાંય પ્રવેશ આપમેળે મળતો નથી. અરજદારે તમામ નિયમો પૂર્ણ કરવાના રહેશે. નવી માર્ગદર્શિકામાં અગાઉ દર્શાવેલા ત્રણ મુખ્ય ઉદાહરણોની સંપૂર્ણ વિગતો નથી. તેમણે માત્ર ઉદાહરણ જ આપ્યા છે. એક, કેનેડિયન માલ અથવા સેવાઓ ખરીદવા અથવા ટ્રેનિંગ લેવા માટે જનારને ઝડપથી બિઝનેસ વિઝિટર તરીકેના વિઝા મળી જશે. બે, પોતાની વિદેશી કંપનીની કેનેડિયન શાખામાં ટ્રેનિંગ આપવું અથવા મેળવવા માટે જવા ઇચ્છનારાઓને બિઝનેસ વિઝા કેટગરી હેઠળ કાયદેસર કેનેડામાં પ્રવેશ મેળવી શકશે. ત્રણ, માલ વેચાણ એટલે કે સીધું કેનેડાના સામાન્ય ગ્રાહકોને નહીં, પણ અન્યને કરનારને બિઝનેસ કેટેગરી હેઠળ વિઝિટર વિઝા મળી શકશે.
કેનેડાની સરકારે કરેલી ઉપરોક્ત સ્પષ્ટતા જેમના કામ અગાઉની વ્યાખ્યામાં ફિટ ન થતાં હોય તેવા એવા અરજદારોને મદદ કરશે.
હા, તેના ફંડિંગ માટે પણ કેટલાક નિયમો કરવામાં આવેલા છે. કેનેડા જનાર વ્યક્તિનો મુસાફરીનો ખર્ચ કંપની ઉઠાવે છે, તો કંપની તરફથી ફંડિંગ લેટર આપવું ફરજિયાત કરવામાં આવ્યો છે. બે, તેની કેનેડા જવા ઇચ્છુકે સાથે પોતાની વ્યક્તિગત નાણાકીય ક્ષમતા પણ બતાવવી પડશે. આ નિયમનો હેતુ અરજદાર પોતાની મુસાફરી દરમ્યાન ખર્ચ ઉઠાવી શકે અને મુલાકાત સાચી બિઝનેસ માટે જ હોવાનું પ્રસ્થાપિત થઈ શકે છે.
કેનેડા સરકારની નવી માર્ગદર્શિકા મુજબ તમામ નિયમોનું વ્યવસ્થિત પાલન કરનાર અને વારંવાર કેનેડા જનાર પ્રવાસીને બા ગાળાનો મલ્ટીપલ એન્ટ્રી વિઝા મળી શકે છે. તેથી એક્ઝિક્યુટીવ્સ, કન્સલ્ટન્ટ્સ અને આંતરરાષ્ટ્રીય બિઝનેસ પ્રોફેશનલ્સને લાભ થશે.
બિઝનેસ વિઝિટર બનવા માટેની કેનેડા સરકારની શરતો
કેનેડામાં બિઝનેસ વિઝા માટે જવા ઇચ્છતા અરજદારે નીચેની બાબતો સાબિત કરવી પડશે. એક, તે કેનેડાના સ્થાનિક રોજગારીના બજારમાં પ્રવેશતા નથી. બે, તેમનું કામ આંતરરાષ્ટ્રીય સ્તર-સ્વરૂપનું છે. ત્રણ તેમની આવક મુખ્યત્વે કેનેડાની બહારથી આવે છે. ચાર, તેમનું મુખ્ય બિઝનેસ સ્થળ કેનેડાની બહાર છે. પાંચ બિઝનેસ હેતુનો પુરાવો આપવો પડશે. તેમાં એમ્પ્લયર લેટર, ઇન્વિટેશન લેટરનો સમાવેશ થાય છે. આ કેટેગરી સ્થાનિક નોકરી લેનારાઓ માટે નહીં પરંતુ આંતરરાષ્ટ્રીય બિઝનેસ પ્રવૃત્તિઓ માટે છે.
અંતિમ નિર્ણય અધિકારીઓનો
કેનેડા સરકારે મૂકેલી તમામ શરતો પૂર્ણ થતી હોવા છતાં પ્રવેશની ગેરંટી નથી. બોર્ડર અધિકારી અંતિમ નિર્ણય લેશે. આ અધિકારીનો નિર્ણય આખરી ગણાશે. ક્રિમિનલ રેકોર્ડ ધરાવતા લોકો માટે પ્રવેશ મુશ્કેલ બની શકે છે. કેટલાક કિસ્સામાં ખાસ પરવાનગી લેવી પડશે. કેનેડાની નવી માર્ગદર્શિકા બિઝનેસ વિઝિટર માટેની પ્રક્રિયાને વધુ સ્પષ્ટ અને વ્યવસ્થિત બનાવે છે, પરંતુ નિયમો કડક પણ બનાવે છે. યોગ્ય દસ્તાવેજો અને પાત્રતા વિના પ્રવેશ શક્ય નથી.
