સોનાં અને ચાંદીના ફ્યુચર્સમાં રેન્જ-બાઉન્ડ રહેવાની સંભાવના
બંને કિંમતી ધાતુઓમાં વધારા કે ઘટાડાની ચાલ જોવા મળી શકે
વૈશ્વિક બજારમાં ગત અઠવાડિયા દરમિયાન સોનાંના ટ્રોય ઔંસદીઠ ભાવ $4,613.80ની સપાટીએ રહ્યા હતા. સોનામાં ટ્રોય ઔંસદીઠ 2 ટકાનો ઘટાડો નોંધાયો હતો. ચાંદીના ટ્રોય ઓંસદીઠ ભાવ $75.40 રહ્યા હતા. તેમાં પ્રતિ ઔંસ 0.4 ટકા નો ઘટાડો નોંધાયો હતો.
દેશી બજારમાં સોનાંના ફ્યુચર્સ રૂ.1,51,352 પ્રતિ 10 ગ્રામમાં 0.9 ટકાનો ઘટાડો થયો હતો તેમ જ ચાંદીના ફ્યુચર્સ રૂ. 2,50,937 પ્રતિ કિલોના ભાવ રહ્યા હતા. ચાંદીમાં 0.4 ટકાનો વધારો નોંધાયો હતો.
MCX સોનું રૂ. 1,51,352
જૂન ડિલિવરીવાળા સોનાના ફ્યુચર્સમાં ગત અઠવાડિયાના પ્રથમ ભાગમાં ઘટાડો જોવા મળ્યો હતો અને બુધવારે રૂ. 1,47,950 નો નીચો સ્તર નોંધાયો હતો. ત્યારબાદ છેલ્લી બે સત્રોમાં થોડો સુધારો આવ્યો હતો. હાલમાં ભાવ 21-દિવસની મૂવિંગ એવરેજથી નીચે છે અને તેજીના ભાવ તૂટે તેવા એટલે કે તેજી બદલાઈને મંદી થાય તેવા મજબૂત સંકેતો દેખાતા નથી.
સોનામાં રૂ. 1,55,000 ઉપર સ્પષ્ટ બ્રેકઆઉટ મળે તો જ વલણ પોઝિટિવ બની શકે છે. બીજી તરફ રૂ. 1,48,000 મજબૂત સપોર્ટ તરીકે કામ કરી રહ્યો છે. આથી આજથી શરૂ થતાં નવા અઠવાડિયામાં સોનાંના ફ્યુચર્સ રૂ.1,48,000 થી રૂ. 1,55,000 ની રેન્જમાં રહેવાની સંભાવના છે.
- રૂ. 1,55,000 ઉપર રેસિસ્ટન્સ: રૂ.1,62,000
- ₹1,48,000 નીચે સપોર્ટ: રૂ. 1,40,000
ટ્રેડિંગનો વ્યૂહ કેવો રાખી શકાય રૂ. 1,54,000 પર શોર્ટ પોઝિશન લેવાની સલાહ આપવામાં આવી હતી તેમ જ સ્ટોપ-લોસ રૂ. 1,56,000નો રાખવા જણાવ્યુ હતું. હાલના રૂ. 1,51,352 ના સ્તરે નફો બુક કરી લેવો જોઈએ. અત્યારે બજાર સાઈડવેઝ ટ્રેન્ડ બતાવે છે.
MCX ચાંદી રૂ.2,50,937
જુલાઈ ડિલિવરીવાળી ચાંદીના ફ્યુચર્સ બુધવારે રૂ.2,36,852 સુધી ઘટ્યા બાદના સત્રોમાં આખો ઘટાડો ફરી મેળવી લીધો હતો. હાલમાં કોઈ સ્પષ્ટ ટ્રેન્ડ નથી અને ભાવ રૂ. 2,36,000 થી રૂ.2,60,000 ની વચ્ચે ટ્રેડ થઈ રહ્યો છે. આ બે લેવલમાંથી કોઈ એકનો સ્પષ્ટ બ્રેક મળશે ત્યારે જ આગળનો ટ્રેન્ડ સ્પષ્ટ થશે.
- ₹2,60,000 ઉપર બ્રેકઆઉટ → ₹2,80,000 સુધી જઈ શકે
- ₹2,36,000 નીચે બ્રેક → ₹2,20,000 સુધી ઘટી શકે
ટ્રેડિંગ માટેનો વ્યૂહ
હાલમાં અનિશ્ચિતતા હોવાથી ટ્રેડિંગથી દૂર રહેવું જ હિતાવહ છે.
