આજે શેરબજારમાં શું કરશો?
એપ્રિલ મહિનાની શરૂઆતથી આઈડીએફસી ફર્સ્ટ બેન્કના શેરમાં તેજી જોવા મળી રહી છે. તાજેતરમાં ભાવમાં થોડો સમય માટે સામાન્ય ઘટાડો (નરમાઈ) આવ્યા બાદ, શેરની ચાલ દર્શાવે છે કે આ શેર ફરીથી તેની ઉપર તરફની સફર શરૂ કરી રહ્યો છે.
ચાલુ અઠવાડિયે, શેરનો ભાવ રૂ. ૬૯ ના મહત્વના સ્તરની ઉપર નીકળી ગયો છે અને સાથે જ તે ૨૧-દિવસની મૂવિંગ એવરેજની પણ ઉપર બંધ આવ્યો છે, જે શેરમાં તેજીનો સંકેત આપે છે.
આગળ જતાં, આ તેજી વધુ મજબૂત બને તેવી અપેક્ષા છે, જે નજીકના સમયમાં શેરના ભાવને રૂ. ૮૫ સુધી પહોંચાડી શકે છે. તેથી, બજારના રોકાણકારો/ટ્રેડર્સ આ સ્તરે ખરીદી કરવા માટે નીચેની વ્યૂહરચના વિચારી શકે છે.
ખરીદીની કિંમત: IDFC First Bank નો શેર રૂ. ૭૦ ના સ્તરે ખરીદી શકાય.
વધુ ખરીદી (એક્યુમ્યુલેટ): જો ભાવ ઘટીને રૂ. ૬૮ સુધી આવે, તો વધુ લેણ કરી સરેરાશ ખરીદ કિંમત નીચે લાવી શકાય છે.
સ્ટોપ-લોસ : ટ્રેડર્સ અને ઇન્વેસ્ટર્સ રૂ.૬૫ પર સ્ટોપ-લોસ રાખીને કામકાજ ચાલુ કરી શકે છે.
સ્ટોપ-લોસમાં ફેરફાર :
જ્યારે શેરનો ભાવ વધીને રૂ. ૭૬ પર પહોંચે, ત્યારે સ્ટોપ-લોસ વધારીને રૂ. ૭૧ કરી દેવો.
જ્યારે શેરનો ભાવ વધીને રૂ. ૮૦ પર પહોંચે, ત્યારે સ્ટોપ-લોસને વધુ મજબૂત કરીને રૂ. ૭૭ કરી દેવો.
નફો બુક કરવો: રૂ. ૮૫ ના ભાવ પર નફો (પ્રોફિટ) બુક કરી લેવો
બ્રોકરેજ હાઉસની ભલામણો
બ્રોકરેજ હાઉસ મોતીલાલ ઓસવાલે વા ટેક વાબાગના શેર્સમાં લેણ કરવાની ભલામણ કરી છે. શેરનો ટાર્ગેટ ભાવ રૂ. 1905નો આપ્યો છે.
બ્રોકરેજ હાઉસ એમકેએ બ્લ્યુ જેટ હેલ્થના શેર્સમાં લેણ કરવાની ભલામણ કરી છે. ટાર્ગેટ ભાવ રૂ. 450નો આપ્યો છે.
ઇલારા કેપિટલ બ્રોકરેજ હાઉસે જે.કે. સિમેન્ટ્સના શેરમાં લેવાલી કરવાનો સંકેત આપ્યો છે. તેની સાથે જ ટાર્ગેટ ભાવ રૂ. 5815નો આપ્યો છે.
બ્રોકરેજ હાઉસ પ્રભુદાસ લીલાધરે સેન્ચ્રુ પ્લાય બોર્ડના શેર્સમાં લેણ કરવાની સૂચના આપી છે. ટાર્ગેટ ભાવ રૂ. 862નો આપ્યો છે.
બ્રોકરેજ હાઉસ પ્રભુદાસ લીલાધરે ટોરેન્ટ ફાર્માના શેરમાં લેણ કરવાની ભલામણ કરી છે. ટાર્ગેટ ભાવ રૂ. 5000નો આપ્યો છે.
બ્રોકરેજ હાઉસ આઈસીઆઈસી સિક્યોરિટીઝે સુઝલોન એનર્જીના સ્ટોકમાં લેણ કરવાની ભલામણ કરી છે. ટાર્ગેટ ભાવ રૂ. 65નો આપ્યો છે.
