આજે શેરબજારમાં શું કરશો?
ચેન્નઈ પેટ્રોલિયામ કોર્પોરેશનના શેરમાં આજે લેણ કરી શકાય
ટેકનિકલ ચિત્ર શું કહે છે?
બજારના નિષ્ણાતોના વિશ્લેષણ મુજબ શેરના ભાવમાં વર્તમાન સ્તરેથી શેરમાં વધુ ઘટાડો આવે તો પણ રૂ. 950ની આસપાસ મજબૂત સપોર્ટ ઉપલબ્ધ છે. રૂ. 950ની સપાટીએ લાંબા ગાળાની ટ્રેન્ડલાઇન પણ આવે છે, જેના કારણે આ સ્તર મહત્વપૂર્ણ આધાર તરીકે કામ કરી શકે છે. તેથી બે સંભાવનાઓ ઊભી થાય છે. એક, શેર વર્તમાન ભાવથી જ ફરી તેજી પકડી શકે છે. બે, રૂ. 950થી રૂ. 970 સુધીનો ઘટાડો થયા પછી ફરી ઉછાળો શરૂ થાય તેવી પણ શક્યતા છે. બંને પરિસ્થિતિમાં મધ્યમ ગાળામાં શેરમાં વધુ વધારો જોવા મળી શકે છે.
શેરમાં રૂ. 1056ના ભાવે ખરીદી કર્યા પછી ઘટાડો જોવા મળે તો રૂ. 970ની ભાવ સપાટીએ વધુ લેણ કરવાનું રહેશે રૂ. 880નો પહેલો સ્ટોપલોસ રાખી શકાય છે. ત્યારબાદ ભાવ વધતા રૂ. 950, 1188નો બીજો અને ત્રીજો સ્ટોપલૉસ રાખી શકાય છે. આમ શેરના ભાવ વધતા જાય તેમ તેેમ સ્ટોપલૉસ ઉપર લઈ જવાનો વ્યૂહ અપનાવી નફો નિશ્ચિત કરી લેવો જોઈએ. જો શેર રૂ. 1,150 સુધી પહોંચે તો સ્ટોપ લોસ રૂ. 880થી વધારીને ₹950 કરવાનો રહેશે. જો શેર રૂ. 1,250 સુધી પહોંચે તો સ્ટોપ લોસ વધારીને રૂ. 1,180 કરી દેવાનો રહેશે. રૂ. 1,300 પર ભાવ પહોંચે ત્યારે નફો બુક કરી લેવો જોઈએ.
સંભવિત નફો
જો કોઈ રોકાણકાર ₹1,056ના ભાવે ખરીદી કરે અને શેર ₹1,300 સુધી પહોંચે તો રોકાણ કરનારાને પ્રતિ શેર સંભવિત નફો રૂ.244 સુધીનો થઈ શકે છે. સમગ્રતયા વળતર આશરે 23 ટકા મળી શકે છે. માર્ચ 2025થી મજબૂત તેજીનો ટ્રેન્ડ જોવા મળી રહ્યો છે. 21 દિવસ અને 50 દિવસની મૂવિંગ એવરેજ ઉપર ટ્રેડિંગ ચાલી રહ્યું છે. રૂ. 950ની આસપાસ મજબૂત ટેકનિકલ સપોર્ટ ધરાવે છે. મધ્યમ ગાળામાં રૂ. 1,300નો ટાર્ગેટ ભાવ છે. આમ રિસ્ક-રિવોર્ડ રેશિયો અનુકૂળ જણાય છે. છતાં કેટલાક જોખમો છે. રૂ. 950નો સપોર્ટ તૂટે તો દબાણ વધી શકે છે. રૂ. 880ની નીચે જવાથી તેજીનો દૃષ્ટિકોણ નબળો પડી શકે છે. ક્રૂડ ઓઇલના ભાવ અને રિફાઇનિંગ માર્જિનમાં ફેરફાર કંપનીના પ્રદર્શનને અસર કરી શકે છે.
રોકાણકારો માટે નિષ્કર્ષ
ટેકનિકલ વિશ્લેષણના આધારે ચેન્નઈ પેટ્રોલિયમ કોર્પોરેશનનો શેર હાલમાં મધ્યમ ગાળાના રોકાણ માટે આકર્ષક દેખાય છે. ₹950ની આસપાસનો સપોર્ટ જળવાઈ રહે ત્યાં સુધી તેજીનો દૃષ્ટિકોણ યથાવત રહે છે. વર્તમાન સ્તરે તબક્કાવાર ખરીદી અને યોગ્ય સ્ટોપ લોસ સાથે ₹1,300નું લક્ષ્ય રાખી શકાય.
શેરબજારના નિફ્ટી 50, સેન્સેક્સ અને નિફ્ટી બેન્કમાં તેજી માટે સંઘર્ષ ચાલુ રહેશે
ભારતીય બેન્ચમાર્ક સૂચકાંકોમાં વધુ ઘટાડાનું જોખમ, મહત્વના સપોર્ટ લેવલ પર સૌની નજર
ભારતીય શેરબજારના મુખ્ય સૂચકાંકો નિફ્ટી 50, સેન્સેક્સ અને બેન્ક નિફ્ટીએ ગયા અઠવાડિયામાં પોઝિટિવ પરફોર્મન્સ સાથે આરંભ કર્યો હતો. ગત સોમવારે બજારમાં મોટો ગેપ-અપ ઓપનિંગ જોવા મળ્યો હતો, પરંતુ ત્યારબાદ સૂચકાંકોમાં મજબૂત તેજી ચાલુ રહી શકી નહોતી. શુક્રવારે બજારમાં ભારે વેચવાલી જોવા મળી, જેના કારણે સપ્તાહ દરમિયાન મળેલો મોટાભાગનો લાભ ગાયબ થઈ ગયો હતા. શુક્રવારે પૂરા થયેલા સપ્તાહના અંતે સેન્સેક્સ સપ્તાહ દરમિયાન 0.8 ટકા ઘટ્યો હતા. નિફ્ટી 50માં 0.7 ટકાનો ઘટાડો નોંધાયો હતો. નિફ્ટી બેન્ક 0.3 ટકા વધીને બંધ આવ્યો હતો. છતાં શુક્રવારે તેમાં પણ ભારે વેચવાલી જોવા મળી હતી. ટેકનિકલ ચાર્ટ્સ મુજબ ત્રણેય મુખ્ય સૂચકાંકો હાલમાં વધુ ઘટાડા માટે સંવેદનશીલ દેખાઈ રહ્યા છે. જો બજારે તાત્કાલિક મજબૂત ઉછાળો ન બતાવે અને નજીકના રેઝિસ્ટન્સ લેવલ પાર ન કરે તો દબાણ ચાલુ રહી શકે છે.
વિદેશી રોકાણકારો વેચવાલી હજુ ચાલુ
વિદેશી પોર્ટફોલિયો રોકાણકારોની ભારતીય શેરોમાં વેચવાલી ચાલુ છે, જોકે છેલ્લા બે સપ્તાહ દરમિયાન વેચવાલીનું પ્રમાણ ઘટ્યું છે. એફપીઆઈની ગયા સપ્તાહે નેટ વેચવાલી $268 મિલિયન રહી હતી. મે 2026 દરમિયાન કુલ વેચવાલી $3.45 બિલિયનની થઈ હતી. છેલ્લા ત્રણ મહિનામાં કુલ નેટ વેચવાલી $22.64 બિલિયનની રહી હતી. આમ સતત બહાર જતું વિદેશી રોકાણ બજાર પર દબાણ જાળવી રાખે છે.
નિફ્ટી 50 (23,547.75)
નિફ્ટીમાં મજબૂત તેજી જાળવી રાખવામાં નિષ્ફળતા અને શુક્રવારના તીવ્ર ઘટાડાને કારણે ટૂંકાગાળાનું ચિત્ર નબળું બન્યું છે. નિફ્ટી 50માં મહત્વના સપોર્ટ લેવલની વાત કરવામાં આવે તો 23,000, 22,400ના લેવલે સારો સપોર્ટ છે. જો નિફ્ટી 23,000ની નીચે તૂટે તો 22,400 સુધી ઘટાડો થઈ શકે છે. વિશ્લેષકના મત મુજબ 22,400ની નીચે વધુ મોટો ઘટાડો થવાની સંભાવના ઓછી છે અને ત્યાંથી ફરી ખરીદદારો સક્રિય થઈ શકે છે.
મહત્વની પ્રતિકાર સપાટી
- નિફ્ટી 50માં મહત્વની પ્રતિકાર સપાટીની વાત કરીએ તો 23,700 અને 23,850 તથા 23,900ના લેવલે પ્રતિકાર જોવા મળી રહ્યો છે. નિફ્ટી 24,000ની ઉપર સ્થિર રહેવામાં સફળ થાય તો 24,300 અને 24,700 સુધીનો ઉછાળો જોવા મળી શકે છે.
મધ્યમ ગાળાનો દૃષ્ટિકોણ
નિફ્ટી હાલમાં 22,000 થી 26,500ની વિશાળ રેન્જમાં છે. હાલમાં એવું લાગી રહ્યું છે કે નિફ્ટી ફરીથી રેન્જના નીચલા ભાગ તરફ જઈ શકે છે. તેમ છતાં લાંબા ગાળાનો દૃષ્ટિકોણ હજુ પણ પોઝિટીવ જ છે.
લાંબા ગાળાનું લક્ષ્ય
જો 26,500 ઉપર બ્રેકઆઉટ મળે તો 28,000 અને 30,000 સુધીનો ઉછાળો શક્ય છે. માત્ર 22,000ની નીચે જ મંદીની પકડ મજબૂત બનશે.
નિફ્ટી બેન્ક (54,239.20)
ગયા સપ્તાહે નિફ્ટી બેન્કે 55,100નો અવરોધ પાર કર્યો હતો, પરંતુ તે જાળવી શક્યો નહોતો. બેન્ક નિફ્ટી 53,700ની સપાટીએ મહત્વનો સપોર્ટ ધરાવે છે. જો અહીંથી ઉછાળો આવે અને 54,500 ઉપર જાય તો આગળ વધીને 56,000 થી 56,500 સુધી તેજી શક્ય છે. પરંતુ 53,700ની નીચે તૂટે તો 51,000 તથા 50,500 સુધી ઘટાડો થઈ શકે છે.
મધ્યમ ગાળાનો દૃષ્ટિકોણ
50,000ની ઉપર રહે ત્યાં સુધી લાંબા ગાળાની તેજી યથાવત માનવામાં આવે છે. મહત્વની પ્રતિકાર સપાટીની વાત કરવામાં આવે તો 58,500 અને 60,500ના લેવલે પ્રતિકાર જોવા મળી રહ્યો છે. નિફ્ટી બેન્કને 60,500 ઉપર મજબૂત બ્રેકઆઉટ મળે તો 64,000 – 65,000 અને ત્યારબાદ 68,000 – 69,000 સુધીનો ઉછાળો આવવાની શક્યતા જણાય છે.
સેન્સેક્સ (74,775.74)
સેન્સેક્સ ગયા સપ્તાહે 76,627 સુધી પહોંચ્યો હતો, પરંતુ તે તેજી જાળવી શક્યો નહોતો. સેન્સેક્સ 74,100 અને 73,000ના લેવલે મહત્વનો સપોર્ટ ધરાવે છે. સેન્સેક્સ જો 74,100ની નીચે તૂટે તો ઘટીને 73,000 સુધી જઈ શકે છે. સેન્સેક્સમાં મહત્વની પ્રતિકાર સપાટી 76,500 થી 77,100 જણાય છે. સેન્સેક્સ 77,100ની ઉપર જાય તો 78,000 અને તેનાથી ઉપરના સ્તરો તરફ ગતિ મળી શકે છે.
સેન્સેક્સ હાલમાં 71,000થી 86,000ની લાંબા ગાળાની રેન્જમાં છે. સેન્સેક્સમાં જો ઘટાડો વધે તો 71,000 સુધી મર્યાદિત રહેવાની શક્યતા છે. તેમ જ સેન્સેક્સને 86,000 ઉપર બ્રેકઆઉટ મળે તો 90,000થી 94,000 સુધીનો ઊછાળો આવી શકે છે.
નિફ્ટી મિડકેપ 150 (22,571.40)
તાજેતરમાં 23,007ની ટોચ બનાવ્યા બાદ સૂચકાંકમાં ઘટાડો થયો છે. નિફ્ટી મિડકેપ 50ના મહત્વના ટેકાની સપાટીની વાત કરીએ તો 22,400, 21,900 અને 21,800ની સપાટીએ ટેકો ધરાવે છે. તેમ જ 23,100ના લેવલે તેમાં પ્રતિકાર જોવા મળી રહ્યો છે. નિફ્ટી મિડકેપ 50માં 23,100 ઉપર બ્રેકઆઉટ મળે તો 26,000 – 26,500 સુધી જઈ શકે છે. તેમ જ લાંબા ગાળે 28,000 અને 28,500 સુધીનો ઉછાળો શક્ય છે.
નિફ્ટી સ્મોલકેપ 250 (16,992.10)
16,900ની ઉપર રહેવાને કારણે તેજીનો દૃષ્ટિકોણ હજુ યથાવત છે. નિફ્ટી સ્મોલ કેપ 250 16,900 અને 16,800ની નીચે જાય તો ઘટીને 16,600 કે 16,500 સુધી ઉતરી જાય તેવી સંભાવનાને નકારી શકાતી નથી. તે જ તે 16,800ની ઉપર ટકી રહે તો 17,500 અને ત્યારબાદ 18,000 સુધીનો ઉછાળો શક્ય છે. લાંબા ગાળાના પ્રતિકારની વાત કરીએ તો 18,300ની સપાટીએ બ્રેકઆઉટ મળે તો 22,500 – 23,000 અને 24,000 સુધીનો લાંબા ગાળાનો ઉછાળો શક્ય છે.
રોકાણકારો માટે મહત્વના સપોર્ટ લેવલ
| સૂચકાંક | મુખ્ય સપોર્ટ |
| નિફ્ટી 50 | 23,000, 22,400 |
| સેન્સેક્સ | 74,100, 73,000 |
| નિફ્ટી બેન્ક | 53,700, 50,500 |
સમગ્રતયા વાત કરીએ તો શેરબજારોમાં વિદેશી રોકાણકારોની વેચવાલી હજુ ચાલુ છે. નિફ્ટી, સેન્સેક્સ અને નિફ્ટી બેન્ક ટૂંકાગાળામાં દબાણ હેઠળ છે. મહત્વના સપોર્ટ લેવલ તૂટે તો વધુ ઘટાડો શક્ય છે. છતાં લાંબા ગાળાનો દૃષ્ટિકોણ હજુ પણ હકારાત્મક છે. 2026-27 દરમિયાન મોટા બ્રેકઆઉટ મળ્યા તો નિફ્ટી 30,000 અને સેન્સેક્સ 94,000 સુધી પહોંચી શકે છે
