ટાટા મોટર્સ ૧ જુલાઈથી કારના ભાવમાં વધારો કરશે
ટાટા મોટર્સ ૧ જુલાઈથી કારના ભાવમાં વધારો કરશે
સતત વધતા ઇનપુટ ખર્ચ અને સતત ફુગાવાના દબાણને આંશિક રીતે સરભર કરવા માટે ભાવમાં સુધારો કરવામાં આવ્યો છે, એમ ટાટા મોટર્સે જણાવ્યું છે.
૧૨ જૂન ટાટા મોટર્સે જણાવ્યું હતું કે ભાવ વધારાની મર્યાદા દરેક મોડેલ અને વેરિઅન્ટ મુજબ અલગ-અલગ હશે, જેથી દરેક ઓફરિંગનું એકંદર મૂલ્ય જળવાઈ રહે.
ટાટા મોટર્સ પેસેન્જર વ્હીકલ લિમિટેડે શુક્રવારે જણાવ્યું હતું કે તે ૧ જુલાઈથી તેના પેસેન્જર વાહનોના પોર્ટફોલિયોની કિંમતોમાં ૧.૫ ટકા સુધીનો વધારો કરશે. આમાં ઈન્ટરનલ કમ્બશન એન્જિન (ICE) અને ઇલેક્ટ્રિક વ્હીકલ્સ (EV) બંનેનો સમાવેશ થાય છે.
કંપનીએ રેગ્યુલેટરી ફાઈલિંગમાં જણાવ્યું હતું કે, “આ ભાવ સુધારો વધતા ઇનપુટ ખર્ચ અને સતત ફુગાવાના દબાણની અસરને આંશિક રીતે સરભર કરવા માટે કરવામાં આવી રહ્યો છે.”
કંપનીએ સ્પષ્ટતા કરી હતી કે, ટાટા મોટર્સ આ ખર્ચના વધારાનો મોટો હિસ્સો પોતે સહન કરી રહી છે, તેમ છતાં થોડી અસર ગ્રાહકો સુધી પહોંચાડવામાં આવી રહી છે. કંપનીએ વધુમાં ઉમેર્યું હતું કે, “ભાવ વધારાની માત્રા વિવિધ મોડેલો અને વેરિઅન્ટ્સમાં અલગ-અલગ હશે, જેથી દરેક ઉત્પાદનની એકંદર વેલ્યુ જળવાઈ રહે તેની ખાતરી કરવામાં આવશે.”
ટાટા સન્સના બોર્ડે ફરી એકવાર જટિલ મુદ્દાઓને બાજુ પર રાખ્યા બેઠકમાં નાણાકીય વર્ષ ૨૦૨૬ના ડિવિડન્ડ અને હિસાબોની સમીક્ષા કરવામાં આવી હતી. જો કે ટાટા સન્સની બોર્ડ મીટિંગમાં નાણાકીય વર્ષ ૨૦૨૬ના ખાતાઓને મંજૂરી, ચેરમેનના કાર્યકાળ અને આઈપીઓ અંગેની અટકળોથી અંગે ફોડ પાડ્યો ન હતો. મળતી માહિતી મુજબ, શુક્રવારે મળેલી ટાટા સન્સની બોર્ડ મીટિંગમાં વિવાદાસ્પદ ગવર્નન્સના મુદ્દાઓ પર ચર્ચા કરવાનું ટાળવામાં આવ્યું હતું અને ધ્યાન સંપૂર્ણપણે હોલ્ડિંગ કંપનીના નાણાકીય વર્ષ ૨૦૨૬ના વાર્ષિક હિસાબોને મંજૂરી આપવા પર કેન્દ્રિત કરવામાં આવ્યું હતું.
મુંબઈમાં ગ્રુપના મુખ્યાલય ‘બોમ્બે હાઉસ’ ખાતે આ બેઠક સવારે ૧૦:૩૦ વાગ્યે શરૂ થઈ હતી અને બપોરે ૧:૩૦ વાગ્યાની આસપાસ પૂર્ણ થઈ હતી. આ બેઠકમાં બોર્ડના તમામ છ ડિરેક્ટર્સ હાજર રહ્યા હતા . ટાટા સન્સના ચેરમેન એન. ચંદ્રશેખરન, ટાટા ટ્રસ્ટના ચેરમેન નોએલ ટાટા, ટાટા ટ્રસ્ટના વાઈસ-ચેરમેન વેણુ શ્રીનિવાસન, સ્વતંત્ર નિર્દેશકો અનિતા જ્યોર્જ અને હર્ષ મનવાણી, તથા ટાટા સન્સના સીએફઓ સૌરભ અગ્રવાલ તમામ આ બેઠકમાં હાજર રહ્યા હતા.
મુખ્ય એજન્ડા કંપનીના વાર્ષિક હિસાબોની સમીક્ષા અને મંજૂરી ઉપરાંત, બોર્ડે નાણાકીય વર્ષ ૨૦૨૬ માટે ટાટા સન્સના મુખ્ય વ્યવસ્થાપક કર્મચારીઓના મહેનતાણાની પણ સમીક્ષા કરી હતી. આ રૂટિન એજન્ડા એવા સમયે સામે આવ્યો છે જ્યારે ટાટા ઇકોસિસ્ટમમાં ગવર્નન્સ અને વ્યૂહાત્મક મુદ્દાઓ ચર્ચાના કેન્દ્રમાં છે. તેમાંથી એક ટાટા સન્સનું ભાવિ નેતૃત્વ માળખું છે. ચેરમેન તરીકે ચંદ્રશેખરનના કાર્યકાળના વિસ્તરણનો મુદ્દો છેલ્લા કેટલાક અઠવાડિયાથી ચર્ચાનો વિષય બન્યો છે. તેમનો વર્તમાન કાર્યકાળ ૨૦૨૭ સુધી છે.
સ્થગિત ચર્ચાઓ બીજો મુદ્દો જે સતત ચર્ચામાં છે તે છે ટાટા સન્સનું સંભવિત લિસ્ટિંગ. કંપનીએ ‘અપર-લેયર કોર ઇન્વેસ્ટમેન્ટ કંપની’ તરીકેનું રજીસ્ટ્રેશન રદ કરવા માટે અરજી કરી છે, જે અંતર્ગત લિસ્ટિંગ ફરજિયાત હોય છે. જોકે, આ પ્રસ્તાવ હજુ પણ નિયમનકારી મંજૂરીને આધીન છે અને આ અંગે કોઈ અંતિમ નિર્ણય જાહેર કરવામાં આવ્યો નથી.
