ચોથી જુલાઈએ અમદાવાદમાં યોજાશે ટેક્સટાઈલ લીડરશીપ કોન્ક્લેવ, સફળ સાહસિકો અનુભવનું ભાથું પીરસશે
નવા સાહસિકોને અનુભવી અને સફળ ઉદ્યોગપતિઓ પ્રેરણાં આપશેઃ એક્સપોર્ટના મોરચે ઊભા થનારા પડકારોને પહોંચી વળવાને મુદ્દે ચર્ચા થશે
અમદાવાદઃ અમદાવાદમાં ટેક્સટાઈલ સેક્ટરના મહાનુભાવો સહિતના ક્ષેત્રમાં સફળ થયેલા લોકોને હાઈલાઈટ કરતી ટેક્સટાઈલ લીડરશીપ કોન્ક્લેવનો ચોથી જુલાઈએ અમદાવાદમાં આરંભ થશે. ગુજરાત ચેમ્બર ઓફ કોમર્સે એન્ડ ઇન્ડસ્ટ્રીઝના ઉપક્રમે ટેક્સટાઈલ લીડરશીપ કોન્ક્લેવ ચાલુ કરવામાં આવી છે.
અરવિન્દ લિમિટેડના વાઈસ ચેરમેન પુનિત લાલભાઈ ટેકનિકલ ટેક્સટાઈલ અને એડવાન્સ મટિરિયલ્સના સેમેન્ટમાં તેમણે મેળવેલી સફળતા સુધીના સંઘર્ષનું બયાન કરશે. માનવ રક્ષા માટેના ગારમેન્ટના સેક્ટરમાં અવરિનંદ આજે વિશ્વસ્તરે પંકાયેલી કંપની બની ચૂકી છે. અરવિન્દ લિમિટેડ ઇન્ડસ્ટ્રીયલ ફેબ્રિક્સ, ગ્લાસ અને કાર્બન કોમ્પોઝાઈજનું ઉત્પાદન કરે છે.
વેલ્યુ રિટેઈલિંગના સેક્ટરમાં સફળતાની શિખરો સર કરનાર રામચંદ્ર અગ્રવાલ પણ તેમના અનુભવ અને સંઘર્ષને અભિવ્યક્તિ આપશે. તેમના ત્રણ દાયકાના અનુભવનો નીચોડ નવ યુવાન સાહસિકો સમક્ષ રજૂ કરશે. તેમણે ફેશન અને લાઈફસ્ટાઈલ પ્રોડક્ટ્સને એફોર્ડેબલ બનાવવાના મોરચે તેમણએ બહુ જ સારી કામગીરી કરી બતાવી છે.
1992ની સાલમ0ABE નીતિન સ્પિનર્સ લિમિટેડની સ્થાપના કરીને સફળતાની નવી ઊંચાઈએ લઈ જનાર દૂરંદેશી ધરાવતા ઉદ્યોગ સાહસિક દિનેશ નોલખા તેમના અનુભવનું ભાથું નવસાહસિકો સમક્ષ ખુલ્લુ મૂકી દેશે. ગુજરાત ચેમ્બરની ટેક્સટાઈલ કોન્ક્લેવની પાંચમી આવૃત્તિની વાત કરતાં ગુજરાત ચેમ્બરના પ્રમુખ સંદીપ એન્જિનિયરે જણાવ્યું હતું કે ટેક્સટાઈલ કોન્ક્લેવની આ પાંચમી આવૃત્તિમાં એક્સપોર્ટ પોટેન્શિયલ પર ફોકસ કરવામાં આવશે.
ટેક્સટાઈલ સેક્ટરના અગ્રણી સૌરિન પરીખે જણાવ્યું હતું કે 2022થી ટેક્સટાઈલ કોન્ક્લેવ ચાલુ કરવામાં આવી છે. જિનિંગ સ્પિનિંગ અને નીટિંગ અને ટેકનિકલ ટંક્સટાઈલના સેક્ટરના સફળ સાહસિકોને લાવવાની કોશિશ કરવામાં આવી છે. આ પ્રયાસના હિસ્સા રૂપે આ કોન્ક્લેવનું આયોજન કરવામાં આવ્યું છે. આ સાથે જ અમેરિકાના ટેરિફ વૉર પછી નિર્માણ થયેલી પરિસ્થિતિ અંગે ચર્ચા કરવામાં આવશે. તેમ જ ફ્રી ટ્રેડ એગ્રીમેન્ટ થયા તે દેશોમાં ભારતના ટેક્સટાઈલના પ્રોડક્ટ્સને કઈ રીતે પ્રમોટ કરીને વર્ચસ્વ વધારવું તે માટેનું આયોજન પણ કરવામાં આવશે.
