ડીવીઝ લેબોરેટરીઝના શેર્સમાં રોકાણકારોએ શું કરવું જોઈએ?

CDMOની માંગ ડીવીઝ લેબોરેટરીઝની તરફેણમાં છે, પરંતુ વેલ્યુએશન હજુ પણ ઊંચું છે

ઈન્ડિયન CDMO (કોન્ટ્રાક્ટ ડેવલપમેન્ટ એન્ડ મેન્યુફેક્ચરિંગ આઉટસોર્સિંગ) સેવાઓની વધતી જતી માંગને કારણે ડીવીઝ લેબોરેટરીઝમાં રોકાણકારોનો રસ મજબૂત રહ્યો છે. જુલાઈ 2024માં, તંદુરસ્ત વૃદ્ધિની સંભાવનાઓ પરંતુ ઊંચા વેલ્યુએશન અને એક વર્ષના ફોરવર્ડ અર્નિંગ્સને ધ્યાનમાં રાખીને શેર હોલ્ડ કરનાર-જાળવી રાખનારાઓને ફાયદો થયો છે. કંપનીએ નાણાકીય વર્ષ 2026 (FY26) માં વાર્ષિક ધોરણે 13 ટકા/17 ટકાની રેવન્યુ/કરવેરા પછીનો નફોમાં વૃદ્ધિ નોંધાવી છે. તેની સાથે જ શેરનો ભાવ 49 ટકા વધ્યો છે. વન-યેર ફોરવર્ડ અર્નિંગ્સના 55 ગણા પ્રીમિયમ વેલ્યુએશન (છેલ્લા પાંચ વર્ષની સરેરાશ કરતાં 12 ટકા પ્રીમિયમ) પર શેરનું ટ્રેડિંગ ચાલુ હોવાથી અને વૃદ્ધિની સંભાવનાઓ અકબંધ હોવાથી, અમે આ શેરમાં રોકાણ જાળવી રાખનારાઓને સારો ફાયદો થવાની સંભાવના છે. આ કંપનીનો શેર લાંબા ગાળાની દોડનો મજબૂત ઘોડો ગણી શકાય તેમ છે.

કંપની જેનરિક્સ (FY26 ની આવકના 36 ટકા), ન્યુટ્રાસ્યુટિકલ્સ (9 ટકા) અને કસ્ટમ સિન્થેસિસ (CS) (55 ટકા) ક્ષેત્રોમાં કાર્ય કરે છે. જેનરિક સેગમેન્ટમાં, કંપની આશરે 30 API જેનરિક્સની (વોલ્યુમ દ્વારા) અગ્રણી ઉત્પાદક છે અને 10 APIs માં વૈશ્વિક લીડર છે. ન્યુટ્રાસ્યુટિકલ વિભાગ ખાદ્ય પદાર્થો, આહાર અને પશુ આહાર ઉત્પાદકો માટેના ઘટકોનું ઉત્પાદન કરે છે. CS વિભાગ ઈનોવેટર્સ સાથે તેમની ડેવલપમેન્ટ પ્રક્રિયામાં ભાગીદારી કરીને APIs અને અદ્યતન ઘટકોની ડિઝાઇન અને વિકાસ કરે છે.

કંપનીની વૃદ્ધિની તકો

ભારતીય CDMO માં વધતા રસને કારણે CS સેગમેન્ટ નોંધપાત્ર રીતે વિસ્તરી રહ્યું છે. કંપનીએ છેલ્લા કેટલાક વર્ષોમાં ગ્રાહકો તરફથી વધતો રસ અને રિક્વેસ્ટ ફોર પ્રપોઝલ પણ નોંધ્યા છે. CS સેગમેન્ટ ત્રણ પ્રકારના પ્રોજેક્ટ્સ પર કામ કરે છે. પ્રથમ, તે ફેઝ-I થી ફેઝ-III ક્લિનિકલ ટ્રાયલ્સમાં ઈનોવેટર પ્રોજેક્ટ્સને સપોર્ટ કરે છે. બીજું, તે ચાલુ ઈનોવેટર ડેવલપમેન્ટ પ્રોજેક્ટ્સ માટે વધારાના સોર્સ તરીકે APIs અને ઘટકો સપ્લાય કરે છે. ત્રીજું, તે લેટ લાઈફ-સાયકલ (પાછળના તબક્કાના) પ્રોજેક્ટ્સમાં મદદ કરે છે, જ્યાં પેટન્ટ પ્રોટેક્શન ગુમાવી રહેલા ઈનોવેટરને જેનરિક વર્ઝનને સપોર્ટ કરવા માટે વધુ કાર્યક્ષમ મેન્યુફેક્ચરિંગ અથવા સિન્થેસિસ પ્રક્રિયાની જરૂર પડી શકે છે.

આહિયાં રહેલા પ્રોજેક્ટ્સમાં વધારાને કારણે આ સેગમેન્ટે FY23-26 માં 19 ટકા CAGR રેવન્યુ ગ્રોથ નોંધાવ્યો છે. વધુમાં, કંપની ક્લાયન્ટ્સની વ્યાપારીકૃત પ્રોડક્ટ્સ સપ્લાય કરીને આવકમાં વધારો કરે તેવી શક્યતા છે. ઈનોવેટર્સની ફેઝ-III ટ્રાયલ્સ પછી ત્રણ પ્રોડક્ટ્સે વ્યાપારી સ્કેલ મેળવ્યો છે. ડીવીઝે આ ત્રણ પ્રોડક્ટ્સ માટે API અને ઘટકો સપ્લાય કરવા માટે સમર્પિત ક્ષમતાઓ ઊભી કરી છે અને FY28 થી વ્યાપારી સપ્લાયની અપેક્ષા રાખે છે. આનાથી ઉચ્ચ રીયલાઈઝેશન/માર્જિન પર વધુ વોલ્યુમ મળવાની અપેક્ષા છે અને 8-10 વર્ષની આવકની વિઝિબિલિટી મળશે, જે આ વિભાગને વધુ મજબૂત બનાવશે.

ડીવીઝે CS સેગમેન્ટ અંતર્ગત પેપ્ટાઈડ સેન્ટર ઓફ એક્સેલન્સની સ્થાપના કરી છે, જે લાંબા ગાળાની વૃદ્ધિનું મુખ્ય ચાલક બળ બનશે. પેપ્ટાઈડ્સ એ એમિનો એસિડની જટિલ સાંકળો છે જે બાયોલોજિક્સ (ઇમ્યુનોથેરાપી, ઓન્કોલોજી અને ડાયાબિટીસ) માં વપરાય છે અને તેનું ઉત્પાદન કરવું મુશ્કેલ છે. કંપની પ્રોટેક્ટેડ એમિનો એસિડ્સ (મૂળભૂત બિલ્ડિંગ બ્લોક્સ) નું ઉત્પાદન અને વેચાણ કરી રહી છે અને હવે વેલ્યુ ચેઈનમાં આગળ વધીને ફ્રેગમેન્ટ્સ તરફ જઈ રહી છે, જે ચાર-આઠ એમિનો એસિડની સાંકળો છે. કેટલાક ફ્રેગમેન્ટ્સ ગ્રાહકો દ્વારા વેલિડેશન હેઠળ છે, જ્યારે થોડા ક્લિયર થઈ ગયા છે. આ ફ્રેગમેન્ટ્સનો ઉપયોગ કરીને ગ્રાહકોના ક્લિનિકલ ટ્રાયલ્સ અભ્યાસ હેઠળ છે અને તેમાં ડાયાબિટીસની સારવારમાં વપરાતા GLP-1 પેપ્ટાઈડ્સ પણ સામેલ છે. મધ્યમ ગાળામાં ક્લિનિકલ ટ્રાયલ્સ આગળ વધવાની સાથે કંપની ગ્રાહકોની માંગને અનુરૂપ ફ્રેગમેન્ટ ઉત્પાદન માટે તેના વ્યાપારી ઇન્ફ્રાસ્ટ્રક્ચરને સ્કેલ અપ કરવાનું આયોજન કરી રહી છે.

જેનરિક્સ અને કોન્ટ્રાસ્ટ મીડિયા

જેનરિક સેગમેન્ટ પ્રાઇસિંગ પ્રેશર (કિંમતોના દબાણ) નો સામનો કરી રહ્યું છે જેના કારણે લો કોન્સ્ટન્ટ કરન્સી ગ્રોથ જોવા મળ્યો છે, પરંતુ રૂપિયાના અવમૂલ્યનથી તેને મદદ મળી છે; તેણે FY26 માં વાર્ષિક ધોરણે 8 ટકા વૃદ્ધિ નોંધાવી છે. કંપની અપેક્ષા રાખે છે કે ચાલુ નાણાકીય વર્ષમાં આ પ્રાઇસિંગ પ્રેશર સ્થિર થશે. ડીવીઝ ટૂંકા ગાળામાં અમેરિકા અને યુરોપિયન સંઘના દેશોમાં ટાર્ગેટેડ પ્રોડક્ટ્સના પેટન્ટ એક્સપાયરીના આધારે 30 જેનરિક API ના પોર્ટફોલિયોમાં નવો ઉમેરો કરશે. કંપનીએ ક્ષમતા વધારવા માટે યુનિટ-3 ને વ્યાપારીકૃત કર્યું છે અને તે વિસ્તૃત પોર્ટફોલિયોને સપોર્ટ કરશે.

ડીવીઝ કોન્ટ્રાસ્ટ મીડિયા APIs માં પણ મજબૂત હાજરી મેળવવા પર નજર રાખી રહી છે. આ એવા ઉત્પાદનો છે જે ઇન્જેક્ટેબલ્સના ઉત્પાદનમાં વપરાય છે જે એક્સ-રે, સીટી સ્કેન માટે વિઝિબિલિટી વધારે છે અને લેબ્સ તથા હોસ્પિટલોમાં વ્યાપકપણે ઉપયોગમાં લેવાય છે. આયોડિન-આધારિત કોન્ટ્રાસ્ટ મીડિયાનું વ્યાપારીકરણ કરવામાં આવ્યું છે અને ડીવીઝ ત્રણ અગ્રણી ઉત્પાદકો સાથે કામગીરી સ્કેલ અપ કરી રહી છે. ગેડોલિનિયમ-આધારિત કોન્ટ્રાસ્ટ મીડિયા પ્રોડક્ટ્સ માટે, કંપની ક્લિનિકલ સ્ટેજમાં ઈનોવેટર્સ સાથે કામ કરી રહી છે અને આગામી એક-બે વર્ષમાં વ્યાપારી સપ્લાય જોશે.

ફાઇનાન્સિયલ્સ, વેલ્યુએશન

ડીવીઝે છેલ્લા ત્રણ વર્ષમાં 11 ટકા CAGR આવક વૃદ્ધિ સાથે રૂ. 10,560 કરોડની આવક કરી છે. જેનરિક્સમાં પ્રાઇસિંગ પ્રેશર હોવા છતાં, અન્ય વિભાગોમાં મજબૂત વૃદ્ધિએ આ ગ્રોથને ટેકો આપ્યો હતો. છેલ્લા એક વર્ષમાં રૂપિયાના અવમૂલ્યને પણ મદદ કરી હતી. કંપનીનું વેરા પહેલાનું માર્જિન FY22 માં 43 ટકાની ઊંચી સપાટીથી ઘટીને FY24 માં 30 ટકાની નીચી સપાટીએ પહોંચી ગયું હતું અને FY26 માં રિકવર થઈને 33 ટકા થયું છે. કોવિડ ડ્રગ પોર્ટફોલિયો ગુમાવવાથી કંપની પર FY22-24 માં અસર પડી હતી, જે બાદ જેનરિક પ્રાઇસિંગ પ્રેશર આવ્યું હતું. CS વિભાગની આગેવાની હેઠળના મજબૂત પ્રોડક્ટ મિક્સે આ ઘટાડાને સરભર કર્યો છે. જો કે EBITDA માર્જિન અગાઉની ઊંચી સપાટીએ પરત ન પણ ફરે, પરંતુ જેનરિક પ્રાઇસિંગ પ્રેશર ઓછું થતાં અને વર્તમાન કાચા માલના ખર્ચ (ક્રૂડ ડેરિવેટિવ્ઝ) ઘટતાં સુધારો થઈ શકે છે.

કંપનીનો ગ્રોથ આઉટલુક ટૂંકા ગાળામાં CS વિભાગના કોમર્શિયલ સપ્લાય, જેનરિક પોર્ટફોલિયોમાં વિસ્તરણ અને કોન્ટ્રાસ્ટ મીડિયા સેગમેન્ટના સ્કેલ-અપ પ્લાન્સ દ્વારા સપોર્ટેડ છે. લાંબા ગાળાના ચાલક પરિબળો પેપ્ટાઈડ વિભાગની આસપાસ બનેલા છે, જ્યાં કંપની બેઝ પ્રોડક્ટ સપ્લાય કરી રહી છે અને વેલ્યુ ચેઈનમાં ઉચ્ચ પ્રોડક્ટ્સને વેલિડેટ (આંશિક રીતે) કરી ચુકી છે. CDMO સેવાઓમાં વધતા રસને કારણે ઉદ્યોગ સાનુકૂળ પવન (tailwinds) કંપનીને ટેકો આપવાનું ચાલુ રાખે છે. વન-યેર ફોરવર્ડ અર્નિંગ્સ 55 ગણા પ્રીમિયમ વેલ્યુએશન પર ટ્રેડ થઈ રહ્યું હોવાથી, તમામ હકારાત્મક બાબતો વેલ્યુએશનમાં પહેલેથી જ સમાવિષ્ટ છે.

શા માટે

• CDMO ની માંગ મજબૂત વૃદ્ધિને ટેકો આપે છે

• પેપ્ટાઈડ્સ અને કોન્ટ્રાસ્ટ મીડિયા ભવિષ્યની સંભાવનાઓ પ્રદાન કરે છે

• ઊંચું વેલ્યુએશન અપસાઈડ (વધારો) મર્યાદિત કરે છે