આજે શેરબજારમાં શું કરશો?
રેઈન ઇન્ડસ્ટ્રીઝના શેરમાં લેણ કરી શકાય
આજે ખરીદવા માટેનો સ્ટોક રેઈન ઈન્ડસ્ટ્રીઝ છે. તેનો વર્તમાન બજાર ભાવ રૂ. 223 છે. આ ભાવે ખરીદી લેવા બજારના નિષ્ણાતો સલા આપી રહ્યાછે. રેઈન ઈન્ડસ્ટ્રીઝના શેરનો ભાવ સુધરીને રૂ. 255 સુધી જઈ શકે છે. રેઈન ઈન્ડસ્ટ્રીઝ માટે ટૂંકા ગાળાનો દૃષ્ટિકોણ તેજીનો છે. માર્ચ મહિનાથી આ સ્ટોકમાં મજબૂત અપટ્રેન્ડ જોવા મળી રહ્યો છે. આ અપમૂવ ‘બુલ ચેનલ’ની અંદર થઈ રહ્યો છે.
મંગળવારે શેરના ભાવમાં આવેલો 5 ટકાનો ઉછાળો દર્શાવે છે કે આ અપમૂવ ગતિ પકડી રહ્યું છે. સ્ટોક માટે રૂ. 205- રૂ. 200 ના દાયરામાં સપોર્ટ છે. તાત્કાલિક પ્રતિકાર રૂ. 238 પર છે, જે તૂટવાની શક્યતા છે. તેના પરિણામે, આવનારા સપ્તાહોમાં રેઈન ઈન્ડસ્ટ્રીઝના શેરનો ભાવ વધીને ચેનલના ઉપલા સ્તર રૂ. 255 સુધી પહોંચી શકે છે.
ટ્રેડર્સ અત્યારે રૂ. 223 પર રેઈન ઈન્ડસ્ટ્રીઝના શેર ખરીદી શકે છે. ભાવ ઘટીને રૂ. 212 થાય ત્યારે વધુ ખરીદી કરી શકે છે.. શરૂઆતમાં સ્ટોપ-લોસ રૂ.198 પર રાખી શકે છે. શેરનો ભાવ વધીને રૂ.232 પર પહોંચે તેવો સ્ટોપ-લોસ વધારીને રૂ. 226 કરી દો. શેરની કિંમત અનુક્રમે રૂ. 241 અને રૂ. 249 ને સ્પર્શે, ત્યારે સ્ટોપ-લોસ વધારીને રૂ. 237 અને ₹244 કરો. રૂ.255 નો ટાર્ગેટ આવે એટલે સ્ટોકમાંથી એક્ઝિટ (નફો બુક) કરો અને નીકળી જવાનું આયોજન કરી શકો છો.
ફાર્મા સ્ટોક્સ ફોકસમાં રહેશે
યુએસ પ્રમુખ ડોનાલ્ડ ટ્રમ્પે જાહેરાત કરી છે કે યુનાઇટેડ સ્ટેટ્સમાં આયાત કરવામાં આવતી દવાઓ પર બે વર્ષ માટે કોઈ ટેરિફ વસૂલવામાં આવશે નહીં. આ પછી, એક વર્ષના સમયગાળા માટે 100 ટકા ટેરિફ લાદવામાં આવશે અને ત્યાર બાદ 200 ટકા ટેરિફ લાદવામાં આવશે. ટ્રુથ સોશિયલ પરની એક પોસ્ટમાં ટ્રમ્પે જણાવ્યું હતું કે, “યુનાઇટેડ સ્ટેટ્સમાં લાવવામાં આવતી તમામ જેનરિક દવાઓ પર બે વર્ષના સમયગાળા માટે શૂન્ય ટકા ટેરિફ ચાલુ રહેશે, ત્યારબાદ એક વર્ષ માટે ટેરિફ વધારીને 100 ટકા કરવામાં આવશે, અને તે પછી 200 ટકા કરવામાં આવશે. અમેરિકામાં જેનરિક ફાર્માસ્યુટિકલ પ્રોડક્શનને પુનઃસ્થાપિત કરવા માટે આ કરવામાં આવી રહ્યું છે, અને તે કંપનીઓ માટે દંડ સાથે જેમને આપવામાં આવેલા નિર્ધારિત સમયગાળામાં પ્લાન્ટ અને સાધનોનું નિર્માણ ન કરવાનો નિર્ણય લેશે.” ફાર્મા સ્ટોક્સ ફોકસમાં રહેશે.
મંગળવારે પ્રતિ બેરલ $90 ની નજીક પહોંચેલા ક્રૂડ તેલના ઊંચા ભાવ, સતત વિદેશી સંસ્થાકીય વેચવાલી અને પશ્ચિમ એશિયામાં વધી રહેલા તણાવને કારણે બેન્ચમાર્ક સૂચકાંકોમાં સતત બીજા સત્રમાં ઘટાડો નોંધાયો હતો, કારણ કે યુએસ-ઈરાન સંઘર્ષ સતત દસમા દિવસે પ્રવેશ્યો હતો અને યમનના હુથીઓએ સાઉદી અરેબિયા પર નાકાબંધી કરવાની ધમકી આપી હતી.
નિફ્ટી 50ની ચાલ
નિફ્ટી 50 પચાસ પોઈન્ટ અથવા 0.21 ટકા ઘટીને 24,187 પર બંધ રહ્યો હતો, જ્યારે સેન્સેક્સ 238 પોઈન્ટ ઘટીને 77,470 પર બંધ રહ્યો હતો. આ સત્ર સળંગ બીજા દિવસે બેન્ચમાર્કના સંકુચિત દાયરામાં (માત્ર 127 પોઈન્ટ) ટ્રેડિંગનું પ્રતીક હતું, જે 10 જુલાઈ પછીની સૌથી સાંકડી બેન્ડ છે. છેલ્લા 25 સત્રોમાં, નિફ્ટી 24,530 અને 23,785 વચ્ચે ફ્લક્ચ્યુએટ થયો છે, જેમાં કી મુવિંગ એવરેજ સપાટ થઈ રહી છે અને મોમેન્ટમ સૂચકાંકો નબળા રહ્યા છે.
નોંધઃ શેરબજારમાં કરવામાં આવતા રોકાણ જોખમી છે. અમે અહીં માત્ર સંભાવના દર્શાવી છે. આ શેરમાં રોકાણ કરતાં પહેલા તમારા અંગત નાણાંકીય સલાહકારની સલાહ લઈ લેવી હિતાવહ છે.
