આજે ખરીદી કરવાને પાત્ર શેર્સમાં ભેલ-ભારત હેવી ઇલેક્ટ્રિક લિમિટેડના શેરનો સમાવેશ થાય છે. તેનો વર્તમાન બજાર ભાવ રૂ. ૪૩૩નો છે. આ ભાવે તેમાં લેણ કરી શકાય છે. શેરના ભાવ રૂ. ૪૭૦-૪૭૫ તરફ વધી શકે છે
BHEL-ભારત હેવી ઇલેક્ટ્રિકલ લિમિટેડના શેરમાં ટૂંકા ગાળાનું વલણ તેજીનું છે. બુધવારે શેરના ભાવમાં આવેલો ચાર ટકાનો ઉછાળો દર્શાવે છે કે સ્ટોકમાં ઉપર તરફની ગતિ મજબૂત થઈ રહી છે. આ વધારા પહેલાં, સ્ટોકને રૂ. ૪૧૦ ની આસપાસ ખૂબ જ સારો ટેકો મળ્યો છે. રૂ. ૪૧૫ અને રૂ. ૪૧૦ વચ્ચેનો વિસ્તાર ખૂબ જ સારા સપોર્ટ ઝોન તરીકે કામ કરશે. વચગાળાના ઘટાડા વખતે નીચલા સ્તરેથી નવા ખરીદદારો મળવાની શક્યતા છે. વચગાળાનો અવરોધ રૂ. ૪૩૮ પર છે. સ્ટોક આ અવરોધને તોડીને આગામી અઠવાડિયામાં રૂ. ૪૭૦-૪૭૫ તરફ વધવાની પૂરેપૂરી શક્યતા છે.
ટ્રેડર્સ અત્યારે રૂ. ૪૩૩ પર લોંગ પોઝિશન-લેણ કરી શકે છે. રૂ. ૪૨૪ સુધીના ઘટાડો આવે તો વધુ શેર્સ ખરીદીને સરેરાશ ખરીદ કિંમત નીચે લાવી શકે છે. પહેલો સ્ટોપ-લોસ રૂ. ૪૦૮ પર રાખી શકાય છે. ભેલના શેરના ભાવ વધીને રૂ. ૪૪૪ પર પહોંચે કે તુરંત જ સ્ટોપ-લોસ વધારીને રૂ. ૪૩૭ કરી શકાય છે. ત્યારબાદ ભાવ અનુક્રમે રૂ. ૪૫૪ અને રૂ. ૪૬૬ ને સ્પર્શે ત્યારે સ્ટોપ-લોસ સુધારીને ઉપર રૂ. ૪૪૯ અને રૂ૪૫૮ કરી દેવો જોઈએ. રૂ. ૪૭૦ ના સ્તરે તમારી લોંગ પોઝિશનમાંથી બહાર નીકળી જવામાં જ ટ્રેડર્સ-ઇન્વેસ્ટર્સનું હિત છે. આ સપાટીએ શેર વેચીને નીકળી જાવ.
લક્ષ્મી મશીન વર્ક્સઃ ડેટ-ફ્રી-દેવા મુક્ત બેલેન્સ શીટ અને રૂ. 136 કરોડની અન્ય આવક શેરના ભાવને સપોર્ટ આપે છે. પરંતુ 10 વર્ષમાં કમાણી -7 ટકાથી ઘટી છે અને ટ્રેલિંગ PE 113x જેવા ઊંચા લેવલે પહોંચ્યો છે. ટેક્સટાઇલ મશીનરી સિવાય એરોસ્પેસ, ડિફેન્સ સેક્ટર અને ઓગસ્ટ 2026ના નવા બિઝનેસ વિસ્તરણના નિર્ણયો ભાવિ રી-રેટિંગ અને શેરના ભાવને ડ્રાઇવ કરી રહ્યા છે.
અસાહી ઇન્ડિયા ગ્લાસઃ નવા પ્લાન્ટના કેપેક્સને કારણે ડેપ્રિશિયેશન (48 ટકા) અને વ્યાજ વધતાં નફા પર દબાણ હતું. પરંતુ જૂન 2026 ત્રિમાસિકમાં ઓપરેટિંગ માર્જિન ઓલ-ટાઇમ હાઇ 23 ટકાએ પહોંચ્યું છે. નવી મૂડી લગાવી હોવાથી ઉત્પાદન ક્ષમતામાં વધારો થયો છે. કંપનીના માથા પરના બોજમાં ઘટાડો અને ઓટો તથા બિલ્ડિંગ ગ્લાસ ક્ષેત્રે ઊંચી માંગ લાંબા ગાળે પ્રોફિટ ગ્રોથ વધારશે.
એલ્ગી ઇક્વિપમેન્ટ્સઃ પોર્ટફોલિયોનો સૌથી મજબૂત સ્ટોક બની શકે છે. તેમાં લગાવવામાં આવતી મૂડી પર છૂટતું વળતર-આરઓસીઈ 22.1 ટકા અને રીટર્ન ઓન ઇક્વિટી 19 ટકા છે. ફ્રી કેશ ફ્લો (FY26 રૂ. 348 કરોડ) ઓપરેટિંગ નફા કરતાં પણ વધારે છે. ગ્લોબલ ઇન્ડસ્ટ્રિયલ એર કોમ્પ્રેસર માર્કેટમાં મજબૂત પકડ ધરાવતી આ કંપની સતત નવા પ્રોડક્ટ લોન્ચ અને કેશ ફ્લો કમ્પાઉન્ડિંગ ક્ષમતા શેરને પ્રીમિયમ વેલ્યુએશન અપાવે છે.
બન્નારી અમ્માન સુગર્સઃ કંપનીનું દેવું રૂ. 1,221 કરોડથી ઘટીને માત્ર રૂ. 9 કરોડ રહેતા બેલેન્સ શીટ ચોખ્ખી થઈ છે, પરંતુ જૂન 2026 ક્વાર્ટરમાં ₹11 કરોડની ચોખ્ખી ખોટ નોંધાઈ છે. ઓપરેશનલ ખોટ છતાં શુગર સીઝનાલિટી અને ડિસ્ટિલરી કે કો-જનરેશન જેવા એથેનોલ આધારિત ડાયવર્સિફિકેશનથી લોંગ-ટર્મ રિકવરી શક્ય છે.
ઝોડિયાક ક્લોધિંગઃ 10 વર્ષથી આવકમાં સતત ઘટાડો અને ગત વર્ષે -18.1 ટકાના આરઓઈ સાથે સતત ખોટ કરતી કંપની છે. છતાં માત્ર 1.11x બુક વેલ્યુ પર ટ્રેડિંગ અને વર્કિંગ કેપિટલ સાયકલમાં સુધારો જ એકમાત્ર આશા છે; આ વેલ્યુ ટ્રેપમાંથી બિઝનેસ ટર્નઅરાઉન્ડ થશે તો જ ગ્રોથ મળશે.
