રેઝ ઓફ બિલીફ લિમિટેડનો પબ્લિક ઇશ્યૂમાં તેલ અને તેલની ધાર જોઈને અરજી કરજો, લિસ્ટિંગ ગેઈનની સંભાવના ઓછી
રેઝ ઓફ બિલીફ લિમિટેડનો પબ્લિક ઇશ્યૂમાં તેલ અને તેલની ધાર જોઈને અરજી કરજો, લિસ્ટિંગ ગેઈનની સંભાવના ઓછી
રેઝ ઓફ બિલીફ લિમિટેડનો રૂ. ૧૨૫ કરોડનો પબ્લિક ઇશ્યૂ પહેલી સપ્ટેમ્બર ૨૦૨૬ના રોજ ખુલી રહ્યો છે. ઓટીઝમ અને ADHD જેવા ન્યુરોડેવલપમેન્ટલ ડિસઓર્ડર ધરાવતા બાળકો માટે કેર સેન્ટર ચલાવતી આ કંપની છે.
કંપની પ્રોફાઇલ અને બિઝનેસ મોડેલ
કંપની ૨૦૧૭ થી ઓટીઝમ (ASD), ADHD, ડાઉન સિન્ડ્રોમ અને સેરેબ્રલ પાલ્સી જેવા ન્યુરોડેવલપમેન્ટલ ડિસઓર્ડર ધરાવતા ૧૮ મહિનાથી ૧૫ વર્ષ સુધીના બાળકો માટે ઓક્યુપેશનલ અને લેંગ્વેજ થેરાપી જેવી સેવાઓ પૂરી પાડે છે. નાણાકીય વર્ષ ૨૦૨૩ માં ૭૧ સેન્ટર્સથી વધીને ૩૧ માર્ચ ૨૦૨૬ સુધીમાં ૫૭ શહેરો અને ૨૦ રાજ્યોમાં ૧૩૬ સેન્ટર્સ સુધી વિસ્તરણ કર્યું છે. તેમાં ૭૭ સેન્ટર્સ ટીયર ટુ એટલે કે નાના શહેરોમાં છે. જૂન ૨૦૨૫ માં અમેરિકામાં ‘Mom’s Belief US, Inc.’ સબસીડિયરી ખરીદીને વર્જિનિયામાં ૩ નવા સેન્ટર્સ શરૂ કર્યા છે. હેલ્થકેર અને પેડિયાટ્રિક કેર સેક્ટર હોવાથી કંપની પાસે પરંપરાગત મેન્યુફેક્ચરિંગ કંપનીઓ જેવી ઓર્ડર બુક હોતી નથી. જોકે, તેમની આવક રિકરિંગ સબ્સ્ક્રિપ્શન, હોમ-લર્નિંગ કિટ્સ (૨,૦૦૦+ ટૂલ્સ) અને રેગ્યુલર થેરાપી સેશન્સમાંથી સતત આવતી રહે છે.
IPO ની મુખ્ય વિગતો
| વિગત | માહિતી |
| ઈશ્યૂ તારીખ | ૧ સપ્ટેમ્બર ૨૦૨૬ થી ૩ સપ્ટેમ્બર ૨૦૨૬ |
| લિસ્ટિંગ તારીખ (સંભવિત) | ૮ સપ્ટેમ્બર ૨૦૨૬ (BSE, NSE) |
| પ્રાઈસ બેન્ડ | રૂ. ૨૨૭ થી રૂ. ૨૩૯ પ્રતિ શેર |
| ઈશ્યૂ સાઈઝ | રૂ. ૧૨૫.૦૦ કરોડ (સંપૂર્ણ ફ્રેશ ઈશ્યૂ – ૫૨.૩૦ લાખ શેર) |
| લોટ સાઈઝ | ૬૨ શેર (રિટેલ લઘુત્તમ રોકાણ: રૂ. ૧૪,૮૧૮) |
| પોસ્ટ-IPO માર્કેટ કેપ | રૂ. ૪૯૯.૫૫ કરોડ (અપર પ્રાઈસ પર) |
| લીડ મેનેજર / રજિસ્ટ્રાર | Mefcom Capital Markets / Kfin Technologies |
નાણાકીય કામગીરી
| નાણાકીય વિગત (રૂ. કરોડમાં) | FY 2023-24 | FY 2024-25 | FY 2025-26 કન્સોલિડેટેડ |
| કુલ આવક | રૂ. ૩૦.૭૬ | રૂ. ૩૬.૫૪ | રૂ. ૮૨.૦૬ (+૧૨૫ ટકા વૃદ્ધિ) |
| એબિટડા | રૂ. ૧.૪૯ | રૂ. ૩.૦૨ | રૂ. ૧૧.૯૧ (+૨૯૪ ટકા વૃદ્ધિ) |
| ચોખ્ખો નફો | રૂ. ૦.૮૫ | રૂ. ૫.૮૮ | રૂ. ૪.૯૬ (-૧૬ ટકા ઘટાડો) |
| એસેટ્સ | રૂ. ૧૨.૮૯ | રૂ. ૨૬.૧૨ | રૂ. ૫૦.૮૯ |
| ચોખ્ખી સંપત્તિ | રૂ. ૫.૭૮ | રૂ. ૧૫.૦૨ | રૂ.૩૦.૮૧ |
| કુલ દેવું | – | ₹૪.૩૬ | ₹૩.૬૧ |
નાણાકીય પરિણામોનું વિશ્લેષણ
આવક સામે નફો: FY26માં આવકમાં ૧૨૫ ટકાનો જંગી ઉછાળો આવ્યો છે, પરંતુ ચોખ્ખો નફો રૂ. ૫.૮૮ કરોડથી ઘટીને રૂ. ૪.૯૬ કરોડ (-૧૬ ટકા થયો છે.
માર્જિન ટ્રેન્ડ: EBITDA માર્જિન ૮.૨૮ ટકાથી વધીને ૧૪.૫૯ ટકા થયું છે, પરંતુ વેરા પછીના નફાના માર્જિન ૧૬.૧૫ ટકાથી ઘટીને ૬.૦૭ ટકા થવું એ દર્શાવે છે કે સેન્ટર એક્સપાન્શન અને યુએસ અધિગ્રહણને કારણે ડેપ્રિશિયેશન, ભાડું અને ઓપરેટિંગ ખર્ચ વધ્યા છે.
ડેટ-ટુ-ઈક્વિટી રેશિયો: ૦.૧૨નો નીચો ડેટ રેશિયો કંપનીની બેલેન્સશીટને દેવામુક્ત સ્થિતિની નજીક રાખે છે.
વેલ્યુએશન અને કેપીઆઈ
પબ્લિક ઇશ્યૂ આવ્યા પહેલા કંપનીની શેરદીઠ કમાણી રૂ. ૩.૧૬ છે. તેના પ્રમાણએ કંપનીનો પી.ઈ.-પ્રાઈસ અર્નિંગ રેશિયો ૭૫.૬૩x છે. પબ્લિક ઇશ્યૂ આવી ગયા પછીની શેરદીઠ કમાણી રૂ. ૨.૩૭ને આધારે ગણતરી કરીએ તો પબ્લિક ઇશ્યૂ પછીનો પી.ઈ. રેશિયો ૧૦૦.૮૪x થાય છે. ૧૦૦xથી વધુનો પીઈ રેશિયો ખૂબ જ મોંઘો ગણાય છે. તાજેતરમાં લિસ્ટ થયેલી આ સેક્ટરની અન્ય કન્ઝ્યુમર સર્વિસ કંપનીઓ મોપશોપનો લિસ્ટિંગના દિવસે 5.69ટકા માઈનસથી અને સેફ ક્યોર સર્વિસિસનો પબ્લિક ઇશ્યૂ 23.97 ટકા માઈનસમાં લિસ્ટિ થયો હતો. આમ બંને પબ્લિક ઇશ્યૂમાં લિસ્ટિંગ સમયે નકારાત્મક પ્રતિસાદ દેખાયો છે, જેથી રોકાણકારો માટે માર્જિન ઓફ સેફ્ટી ઓછું છે.
રિટર્ન ઓન ઇક્વિટી ગણવામાં આવે તો FY25 ના ૫૬.૫૬ ટકાથી ઘટીને FY26 માં ૨૧.૬૪ ટકા થયો છે. રિટર્ન ઓન કેપિટલ એમ્પ્લોઈડ ૭.૪૯ ટકાથી વધીને ૨૯.૭૪ટકા થયો છે, જે કેપિટલના સારા ઉપયોગનો સંકેત આપે છે. પબ્લિક ઇશ્યુ પહેલા નેટ એસેટ વેલ્યુ રૂ. ૧૫.૬૭ની રહી છે. લિસ્ટિંગ પછી રકમ ઉમેરાતાં પોસ્ટ-આઈપીઓ બુક વેલ્યુ રૂ. ૭૪-૭ ની આસપાસ રહેશે. તેથી પ્રાઈસ ટુ બુક વેલ્યુનો રેશિયો આશરે ૩.૨xની આસપાસ આવશે.
ગ્રે માર્કેટ પ્રીમિયમ (GMP) અને લિસ્ટિંગ સંભાવના
ઓગસ્ટ ૨૦૨૬ ના અંતમાં ગ્રે માર્કેટમાં આ કંપનીના આઈપીઓ માટે પ્રતિસાદ શાંત અને મર્યાદિત દેખાઈ રહ્યો છે. કંપનીના મોંઘા વેલ્યુએશન (૧૦૦x પી.ઈ.)ના કારણે ગ્રે માર્કેટ પ્રીમિયમ ફ્લેટ રહેવાની અથવા માત્ર ૫ ટકા થી ૮ ટકાનો મર્યાદિત લિસ્ટિંગ લાભ આપવાની સંભાવના છે. જો લિસ્ટિંગના દિવસે બજારનું સેન્ટિમેન્ટ નબળું હશે, તો ફ્લેટ કે ડિસ્કાઉન્ટ લિસ્ટિંગનું જોખમ રહેલું છે.૫. રોકાણકારો માટે દ્રષ્ટિકોણ (Short, Medium & Long Term)
ટૂંકા ગાળા માટે જોખમી, સાવધ રહોઃ લિસ્ટિંગ ગેઈન મેળવવાની ગણતરી ધરાવતા રોકાણકારો માટે ૧૦૦.૮૪x નું પી.ઈ. વેલ્યુએશન વેલ્યુએશન કોઈ ખાસ ડિસ્કાઉન્ટ આપતું નથી. માત્ર ટૂંકા ગાળાના નફા માટે અરજી કરવી જોખમી બની શકે છે.
મધ્યમ ગાળા માટે (૬ થી ૧૨ મહિના): પબ્લિક ઇશ્યમાં એકત્રિત થનારા રૂ. ૧૨૫ કરોડમાંથી રૂ. ૭૬.૧૫ કરોડ કંપની નવા સેન્ટર્સ એટલે કે ૨૬.૮૮ કરોડ ખર્ચવામાં આવશે. સ્કૂલ ટાઈ-અપ્સ રૂ. ૫.૫૪ કરોડ અને બીજા નાણાંનો ટેકનોલોજી પર ખર્ચ કરશે. આ એક્સપાન્શનના પરિણામો આવનારા ક્વાર્ટર્સની નાણાકીય કામગીરી પર નિર્ભર રહેશે.
લાંબા ગાળા માટે થોભો અને રાહ જુઓની નીતિ અપનાવો
બાળકોના ન્યુરોડેવલપમેન્ટલ ડિસઓર્ડર માટે પેડિયાટ્રિક થેરાપી સેક્ટરમાં ભારતમાં ખૂબ જ ઓછી ઓર્ગેનાઈઝ્ડ કંપનીઓ છે. જો કંપની નાણાકીય વર્ષ 2027માં પોતાની નફાકારકતા એટલે કે વેરા પછીનો નફો સુધારી શકે તો લાંબા ગાળા માટે આ એક અનોખો પ્યોર-પ્લે ઓપોર્ચ્યુનિટી બની શકે છે. ચાલુ આઈપીઓના મોંઘા વેલ્યુએશન અને ઘટેલા ચોખ્ખા નફાને જોતાં, શોર્ટ-ટર્મ ટ્રેડર્સ કરતાં લાંબા ગાળાના રોકાણકારો લિસ્ટિંગ પછીના ક્વાર્ટરલી પરિણામો જોઈને પ્રાઈસ ડિસ્કવરી બાદ પ્રવેશ કરે તે વધુ હિતાવહ રહેશે.
ઉદ્દેશ્યો: પબ્લિક ઇશ્યૂમાંથી મળનારા ₹૧૨૫ કરોડમાંથી ₹૭૬.૧૫ કરોડનો ઉપયોગ નીચે મુજબ થશે. સેન્ટર્સ અને પાર્ટનરશિપ સેન્ટર્સ ખોલવા માટે રૂ. ૨૬.૮૮ કરોડનો ખર્ચ કરવામાં આવશે. ભારતના સેન્ટર્સના લીઝ પેમેન્ટ કરવા માટે રૂ. ૧૪.૪૫ કરોડ ખર્ચવામાં આવશે. અમેરિકા સ્થિત એસ સબસિડિયરી મોમ્સ બિલીફ ઇન્કોર્પોરેશનમાં રૂ. ૧૦.૧૩ કરોડનું રોકાણ કરવામાં આવશે. બ્રાન્ડ અવેરનેસ અને આઉટરીચ પ્રોગ્રામ્સ માટે રૂ. ૧૦.૨૧ કરોડ ખર્ચવામાં આવશે. તેમ જ સ્કૂલ કોલેબોરેશન સેન્ટર્સ તૈયાર કરવા માટે રૂ. ૫.૫૪ કરોડનો ખર્ચ કંપની કરશે. તદુપરાંત ટેકનોલોજી હાર્ડવેર વસાવવા માટે કંપની રૂ. ૪.૪૪ કરોડનો ખર્ચ કરવા માગે છે.
પ્રમોટર્સ હોલ્ડિંગ
કંપનીના પ્રમોટર્સમાં નિતીન બિંદલિશ અને કાર્વિગ ફ્યૂચર્સ પ્રાઈવેટ લિમિટેડનો સમાવેશ થાય છે. પબ્લિક ઇશ્યૂ પહેલાં પ્રમોટર હોલ્ડિંગ ૯૨.૯૩ ટકાછે, જે IPO બાદ ઘટીને ૬૯.૬૧ ટકા થઈ જશે. જાહેર જનતાનો હિસ્સો ૭.૦૭ ટકાથી વધીને ૩૦.૩૯ ટકા થશે.
ક્વોટા ફાળવણી: QIB (ક્વોલિફાઇડ ઇન્સ્ટિટ્યુશનલ): ઓછામાં ઓછું ૭૫ ટકા. હાઈ નેટવર્થ ઇન્ડિવિડ્યુઅલ્સ માટે મહત્તમ ૧૫ ટકા શેર્સની ફાળવણી કરવામાં આવી છે. છૂટક રિટેલ રોકાણકારો માટે મહત્તમ ૧૦ ટકા છે. આમ રિટેલ ક્વોટા ખૂબ ઓછો હોવાથી એલોટમેન્ટ મળવાની શક્યતા સ્પર્ધાત્મક રહેશે.
શું કિંમત વાજબી છે?
અપર પ્રાઈસ બેન્ડ રૂ. ૨૩૯ મુજબ પબ્લિક ઇશ્યૂ પછીને પી.ઈ. રેશિયો ૧૦૦.૮૪x ગણો થાય છે. સાધારણ રીતે ૨૫x થી ૪૦x ગણા પી.ઈ.નું હેલ્થકેર કે કન્ઝ્યુમર સર્વિસ ક્ષેત્રે વાજબી ગણાય છે. ૧૦૦x થી વધુનો પી.ઈ.-પ્રાઇસ અર્નિંગ રેશિયો ખૂબ જ ઊંચો અને મોંઘો દર્શાવે છે. FY25 માં રૂ. ૫.૮૮ કરોડના ચોખ્ખા નફાની સામે FY26 માં નફો ઘટીને રૂ. ૪.૯૬ કરોડ થયો છે. આવક વધી છે પણ નફો ઘટ્યો છે, જે દર્શાવે છે કે સેન્ટર્સના વિસ્તાર સાથે ખર્ચ વધી રહ્યા છે. ઓફર પ્રાઈસ વાજબી જ નથી પરંતુ મોંઘી જણાય છે. મોંઘા વેલ્યુએશન અને નફા પરના દબાણને કારણે ગ્રે માર્કેટ પ્રીમિયમ (GMP) માં મોટો ઉછાળો જોવા મળતો નથી. લિસ્ટિંગ ગેઈનની મર્યાદિત ગુંજાયશ છે.
Tags: 8 સપ્ટેમ્બર લિસ્ટિંગ આઈપીઓ Autism treatment center franchise BSE NSE listing September 2026 BSE NSE નવી લિસ્ટિંગ Healthcare sector IPO 2026 Indian stock market IPO news IPO investment strategy 2026 IPO open 1 September 2026 Kfintech IPO allotment status Kfintech IPO સ્ટેટસ Mefcom Capital IPO Mefcom Capital IPO lead manager Mom's Belief IPO વિગતો Moms Belief IPO details Neurodevelopmental disorder therapy India Overvalued IPO analysis Pure play pediatric therapy India Rays of Belief allotment status Rays of Belief balance sheet Rays of Belief company profile Rays of Belief financial performance Rays of Belief IPO Rays of Belief IPO analysis Rays of Belief IPO GMP Rays of Belief IPO review Rays of Belief IPO એનાલિસિસ Rays of Belief IPO પ્રાઈસ બેન્ડ Rays of Belief issue size Rays of Belief listing date Rays of Belief listing gain expectation Rays of Belief lottery size Rays of Belief objects of issue Rays of Belief P/E રેશિયો Rays of Belief PE ratio Rays of Belief price band Rays of Belief promoters Rays of Belief retail quota Rays of Belief revenue growth Rays of Belief share price Rays of Belief subscription tracker Rays of Belief US expansion Rays of Belief valuation Rays of Belief ઓર્ડર બુક Rays of Belief નાણાકીય પરિણામો Rays of Belief પ્રમોટર હોલ્ડિંગ Rays of Belief યુએસ એક્સપાન્શન Rays of Belief લિસ્ટિંગ ગેઈન Rays of Belief વેલ્યુએશન Rays of Belief શેર ભાવ stock market updates india Upcoming IPO September 2026 આઈપીઓ 1 સપ્ટેમ્બર 2026 આઈપીઓ એપ્લિકેશન લિમિટ આઈપીઓ એલોટમેન્ટ સ્ટેટસ આઈપીઓ ગ્રે માર્કેટ પ્રીમિયમ આઈપીઓ ટાઈમ ટેબલ આઈપીઓ રીવ્યુ ગુજરાતી આઈપીઓ રોકાણ સલાહ આઈપીઓ લિસ્ટિંગ તારીખ આઈપીઓ લોટ સાઈઝ આઈપીઓ સબ્સ્ક્રિપ્શન સ્ટેટસ ઓટીઝમ ટ્રીટમેન્ટ સેન્ટર ભારત ઓટોઝમ અને ADHD કેર ભારત નવીનતમ આઈપીઓ સમાચાર ન્યુરોડેવલપમેન્ટલ ડિસઓર્ડર થેરાપી ભારત રિટેલ આઈપીઓ ક્વોટા રેઝ ઓફ બિલીફ આઈપીઓ શેર બજાર આઈપીઓ અપડેટ શેર બજાર ગુજરાતી ન્યૂઝ સોશિયલ એન્ટરપ્રાઇઝ આઈપીઓ હેલ્થકેર આઈપીઓ 2026
