ડબલ-ડિજિટ ગ્રોથ અને મજબૂત માર્જિન: ધ્યાન આપવા જેવા ૩ શેર્સમાં રોકાણ કરવાનું વિચારી શકાય: ભારતમાં ક્વિક સર્વિસ રેસ્ટોરન્ટ (QSR) ક્ષેત્રમાં ગ્રાહકોની બદલાતી પસંદગીઓને કારણે ઝડપી વૃદ્ધિ જોવા મળી રહી છે. સુધારેલી સપ્લાય ચેઈન, સ્થાનિક મેનૂ અને ડિજિટલ ઈન્ફ્રાસ્ટ્રક્ચરના સક્ષમ ઉપયોગ દ્વારા ત્રણ મુખ્ય કંપનીઓ શ્રેષ્ઠ પ્રદર્શન કરી રહી છે.

ભારતના QSR સેક્ટરમાં વેચાણમાં સુધારો અને ઓપરેટિંગ માર્જિનમાં મજબૂતી જોવા મળી રહી છે. ત્રણ રેસ્ટોરન્ટ સ્ટોક્સમાં એટલે કે જ્યુબિલિયન્ટ ફૂડવર્ક્સ, દેવયાની ઇન્ટરનેશનલ તથા વેસ્ટ લાઈફ ફૂડવર્લ્ડના ભાવિ વિકાસની શક્યતાને ધ્યાનમાં લેતાં તેમાં રોકાણ કરી શકાય છે. આ ત્રણેય કંપનીઓએ વિશાળ સ્ટોર નેટવર્ક અને મજબૂત બ્રાન્ડ ઓળખ બનાવી ચૂકી છે, જે તેમને માર્કેટ શેર વધારવામાં અને ભવિષ્યની વૃદ્ધિ માટે મોટો અવસર પૂરો પાડે છે. ગ્રાહકોને આકર્ષવા માટે કાર્યક્ષમ ડિલિવરી, સ્ટોરનું શ્રેષ્ઠ વાતાવરણ અને મજબૂત ડિજિટલ હાજરી અનિવાર્ય બની ગઈ છે.

જુબિલન્ટ ફૂડવર્ક્સ 

જુબિલન્ટ ફૂડવર્ક્સ પાસે ડોમિનોઝ પિઝા, પોપાઇઝ અને ડંકિન  જેવી બ્રાન્ડ્સના માસ્ટર ફ્રેન્ચાઇઝ રાઇટ્સ છે. કંપની ૨,૦૦૦ થી વધુ સ્ટોર્સ અને સ્વતંત્ર ડિલિવરી નેટવર્ક ધરાવે છે. બાંગ્લાદેશ, શ્રીલંકા અને નેપાળ જેવા આંતરરાષ્ટ્રીય બજારોમાં પણ તે કાર્યરત છે. કંપનીએ તાજેતરના ક્વાર્ટરમાં ૧૩.૬૬ ટકાના વાર્ષિક વૃદ્ધિ દર સાથે રૂ. ૨,૫૬૯.૬૫ કરોડની આવક નોંધાવી છે. ઓપરેટિંગ માર્જિન ૧૯.૪૮ ટકા રહ્યો છે. તાજેતરનો ક્વાર્ટરલી એબિટડા (EBITDA) રૂ. ૫૦૦.૫૭ કરોડ રહ્યો છે. પોપાઇઝ બ્રાન્ડે ૪૦% થી વધુ ‘લાઈક-ફોર-લાઈક’  વેચાણ વૃદ્ધિ દર્શાવી છે. મેનેજમેન્ટ આગામી ૩-૪ વર્ષમાં પોપાઇઝને રૂ. ૧,૦૦૦ કરોડની બ્રાન્ડ બનાવવાનું લક્ષ્ય ધરાવે છે. ડોમિનોઝનું લાઈક ફોર લાઈક વેચાણ સુધરીને ૨.૫ ટકા થયું છે. કંપની હવે ડાઇન-ઈન (રેસ્ટોરન્ટમાં બેસીને ખાવા વાળા) ગ્રાહકોને આકર્ષવા નવી ઓફર્સ રજૂ કરી રહી છે.

દેવયાની ઈન્ટરનેશનલ

દેવયાની ઈન્ટરનેશનલ ૨,૨૫૦ થી વધુ સ્ટોર્સ ધરાવે છે. તેની પાસે, પિઝા હટ અને કોસ્ટા કોફીના ફ્રેન્ચાઇઝ રાઇટ્સ છે. આ ઉપરાંત વાંગો અને બિરયાની બાય કિલો જેવી હોમગ્રોન બ્રાન્ડ્સ પણ ચલાવે છે. ક્વાર્ટર ૧ FY27 માં કંપનીએ ૧૬.૪૭ ટકાની વાર્ષિક વૃદ્ધિ સાથે રૂ. ૧,૫૮૦.૫૨ કરોડની આવક મેળવી છે. ઓપરેટિંગ માર્જિન વધીને ૧૬.૧૦ ટકા થયો છે, જે ગયા વર્ષે ૧૫.૧૦ ટકા હતો. એબિટડા વધીને રૂ. ૨૫૪.૮૦ કરોડ થયો છે. કંપનીની કુલ આવક ૧૬.૫ ટકાના દરે વધી છે, જ્યારે સ્ટોરની સંખ્યા માત્ર ૫.૧ ટકા વધીને ૨,૨૫૫ થઈ છે. આ દર્શાવે છે કે જૂના સ્ટોર્સમાંથી આવકમાં મોટો ઉછાળો આવ્યો છે. કોસ્ટા કોફી અને બિરયાની બાય કિલો જેવી બ્રાન્ડ્સનો વિસ્તાર તેમજ સેલ્ફ-ઓર્ડરિંગ કિઓસ્કનું ઈન્ટીગ્રેશન ગ્રોથ માટે મહત્વના પરિબળો છે.

વેસ્ટલાઇફ ફૂડવર્લ્ડ 

વેસ્ટલાઇફ ફૂડવર્લ્ડ પશ્ચિમ અને દક્ષિણ ભારતમાં મેક્ડોનાલ્ડ્સની એક્સક્લુસિવ માસ્ટર ફ્રેન્ચાઇઝી છે. તે ૭૯ શહેરોમાં ૪૮૨ રેસ્ટોરન્ટ્સ ચલાવે છે. કંપનીએ ૧૧.૮૬ ટકા વાર્ષિક વૃદ્ધિ સાથે રૂ. ૭૩૫.૬૪ કરોડની આવક મેળવી છે. ઓપરેટિંગ માર્જિન ૧૨.૮૬ ટકા અને એબિટડા રૂ. ૯૪.૬૦ કરોડ રહ્યો છે. સેમ સ્ટોર સેલ્સ ગ્રોથ સુધરીને ૪.૩ ટકા થયો છે, જે અગાઉના ક્વાર્ટરમાં ૧.૫ ટકા હતો. કંપનીનો રૂ. ૯૯ ‘એવરીડે વેલ્યુ’ પ્લેટફોર્મ સ્ટોર ફૂટફોલ વધારવામાં સફળ રહ્યો છે. કંપની ૨૦૨૭ સુધીમાં સ્ટોર સંખ્યા વધારીને ૫૮૦ થી ૬૩૦ કરવાનો લક્ષ્યાંક ધરાવે છે. સેલ્ફ-ઓર્ડરિંગ કિઓસ્ક અને એપ દ્વારા કુલ વેચાણનો ૭૪ ટકા હિસ્સો આવે છે.

નાણાકીય સરખામણી 

વિગત / કંપની	જુબિલન્ટ ફૂડવર્ક્સ	દેવયાની ઈન્ટરનેશનલ	વેસ્ટલાઇફ ફૂડવર્લ્ડ	ઇન્ડસ્ટ્રી મીડિયન
Q1 FY27 આવક (રૂ. કરોડ)	રૂ. ૨,૫૬૯.૬૫	રૂ.૧,૫૮૦.૫૨	રૂ. ૭૩૫.૬૪	—
YoY આવક વૃદ્ધિ (ટકામાં)	૧૩.૬૬%	૧૬.૪૭%	૧૧.૮૬%	—
Q1 FY27 એબિટડા (રૂ. કરોડ)	રૂ. ૫૦૦.૫૭	રૂ. ૨૫૪.૮૦	રૂ. ૯૪.૬૦	—
એબિટડા માર્જિન ( ટકામાં)	૧૯.૪૮ ટકા	૧૬.૧૦ ટકા	૧૨.૮૬ ટકા	—
EV / EBITDA Ratio	૧૮.૨૩	૨૧.૭૧	૨૭.૮૩	૧૯.૨૨
ROCE (ટકામાં)	૧૪.૮૦ ટકા	૪.૭૫ ટકા	૬.૩૪ ટકા	૬.૧૭ ટકા
ROE ( ટકામાં)	૨૦.૯૬%	-૧.૫૬%	-૩.૭૯%	-૦.૮૮%

ભાવિ શક્યતાઓ અને નિષ્કર્ષ

જુબિલન્ટ ફૂડવર્ક્સ: સૌથી વધુ આવક, મજબૂત બેલેન્સ શીટ અને ૨૦.૯૬ ટકા રિટર્ન ઓન  ઇન્વેસ્ટમેન્ટ ધરાવે છે. ડિલિવરી સેક્ટરમાં વર્ચસ્વ અને પોપાઇઝનો વિકાસ કંપની માટે લાંબા ગાળાનો મોટો ગ્રોથ ડ્રાઇવર બનશે.

દેવયાની ઈન્ટરનેશનલ: સૌથી ઝડપી ૧૬.૪૭ ટકાનો આવક વૃદ્ધિ દર દર્શાવે છે. કેએફસી અને વિવિધ પોર્ટફોલિયોને કારણે સ્ટોર દીઠ ઉત્પાદકતા શ્રેષ્ઠ રહી છે.

વેસ્ટલાઇફ ફૂડવર્લ્ડ: રૂ. ૯૯ પ્લેટફોર્મ અને મેક્ડિલિવરીના કારણે સ્ટોર ટ્રાફિક વધ્યો છે. ૬૩૦ સ્ટોર સુધી પહોંચવાની યોજના ભવિષ્યમાં આવક વધારવામાં મદદ કરશે. આગામી સમયમાં QSR સેક્ટરમાં સ્ટોર વિસ્તાર અને વોલ્યુમ વધવાની પૂરી શક્યતા છે. આ ત્રણેય સ્ટોક્સને તમારી વોચલિસ્ટમાં રાખવા યોગ્ય છે.