નવી નવ મહાનગર પાલિકાઓમાં સેનેટર્ ઓફિસરની નિમણૂકમાં વિવાદઃ
સેનટરી ઇન્સ્પેક્ટરને સમકક્ષ હોદ્દોની જીપીએસસીને પણ ખબર નથીઃ
વાપી, નવસારી, આણંદ, નડિયાદ, મહેસાણા, સુરેન્દ્રનગર, મોરબી, પોરબંદર અને ગાંધીધામમાં નિમણૂકો ટલ્લે ચઢાવી દેવાઈ
નવી રચવામાં આવેલી નવ નવી મહાનગર પાલિકાઓમાં સબ સેનેટરી ઇઓફિસર -વર્ગ બની નિમણૂક અંગે વિવાદ થયો છે. તેને માટે અરજદારે સેનેટરી ઇન્સ્પેક્ટરનો કોર્સ ફરજિયાત કરેલો હોવો જરુરી હોવાનું અને સેનેટરી સબ સેનેટરી ઇન્સ્પેક્ટરની સમકક્ષ હોદ્દા પર કામ કરવાનો ત્રણ વર્ષનો અનુભવ હોવા પણ ફરજિયાત હોવાનું જણાવવામાં આવ્યું હતું. વાસ્તવમાં સેનેટરી ઇન્સ્પેક્ટરની સમકક્ષ કોઈ જ પોસ્ટ ગુજરાતમાં છે જ નહિ. અરજદારની પાત્રતા અંગે ફોડ ન પાડીને સેનેટરી ઇન્સ્પેક્ટર ક્લાસ-૨ની અરજી કરનારાઓની નિમણૂક કરવામાં વિલંબ કરવામાં આવી રહ્યો છે. સમગ્ર નિમણૂકની પ્રક્રિયાને ટલ્લે ચઢાવવામાં આવી રહી હોવાની હજારે અરજદારો દહેશત વ્યક્ત કરી રહ્યા છે. નવી નવ મહાનગર પાલિકાઓમાં વાપી, નવસારી, આણંદ, નડિયાદ, મહેસાણા, સુરેન્દ્રનગર, મોરબી, પોરબંદર અને ગાંધીનગરનો સમાવેશ થાય છે.
આ અંગેના ફોર્મ ભરાવવામાં આવ્યા ત્યારે તેમાં હોદ્દો લખવા જણાવવામાં આવ્યુ ંહતું. ત્યારબાદ તેને માટે ગુજરાત પબ્લિક સર્વિસ કમિશન દ્વારા જૂન ૨૦૨૬માં પરીક્ષા પણ લેવામાં આવી હતી. આ પરીક્ષા પહેલા જીપીએસસીની સમકક્ષ ન હોય તેમને અરજદાર તરીકે પાત્ર ન ગણીને તેમના ફોર્મ રદ કરી શકે તેમ હતા. પરંતુ તેમણે તે ફોર્મ રદ જ કર્યા નહોતા. પરંતુ સેનેટરી ઇન્સ્પેક્ટરના હોદ્દા માટે ઇન્ટરવ્યુ લીધા ત્યાં સુધી સેનેટરી ઇન્સ્પેક્ટરની સમકક્ષ હોદ્દો ન ધરાવનારાઓના ફોર્મ રદ કર્યા જ નથી. તેનાથીય આઘાત પમાડે તેવી બાબત તો એ છે કે તેમના ઇન્ટરવ્યુ લેતા પહેલા સુધી પણ સેનેટરી ઇન્સ્પેક્ટરને સમકક્ષ હોદ્દે ન ધરાવનારાઓના દસ્તાવેજો લઈન ેતેની ચકાસણી કરી હોવાનું ફરિયાદમાં જણાવવામાં આવ્યું છે.
જીપીએસસીના સચિવને પહેલી ફરિયાદ કર્યા પછી ઓગસ્ટ માસમાં બીજી ફરિયાદ કરવામાં આવી છે. બીજી ફરિયાદમાં સેનેટરી ઇન્સ્પેક્ટરના ક્વોલિફિકેશનની સમકક્ષ કેમ ન ગણાય તે અંગેની સ્પષ્ટતા જીપીએમસી એક્ટમાં કરવામાં આવેલી જોગવાઈ મુજબ કરી છે. સમકક્ષ હોદ્દો ન ધરાવનારા કેમ ક્વોલિફાય નથી થતાં તેની કાયદેસર સમજણ આપી છે. આ કાયદામાં કલમ ૨૯૭ હેઠળ કરવામાં આવેલી જોગવાઈ મુજબ સેનટરી ઇન્સ્પેક્ટરને વ્યક્તિને, સંસ્થાને કે પછી વેપારીને સ્થળ પર જ દંડ ફટકારવાની સત્તા આપવામાં આવેલી છે. સેનેટરી ઇન્સ્પેક્ટરની સમકક્ષ હોદ્દો ધરાવનારાઓના જોબ ચાર્ટમાં આ સત્તા તેમને મળી હોવાનું દર્શાવવામાં આવ્યું ન હોવા છતાંય તેઓ પાત્ર ન બનતા હોવાનું ઠરાવવાને બદલે તેમની પાસેથી ડોક્યુમેન્ટ લેવાથી માંડીને દસ્તાવેજોની ચકાસણી કરવાની પ્રક્રિયા પણ કરવામાં આવી છે.
પરિણામે એક અરજદાર ઉમેદવારે અલગ અલગ પ્રકારના જોબચાર્ટ રજૂ કરીને ઇન્ટરવ્યૂ લેવાની પ્રક્રિયા થાય તે પૂર્વેના તબક્કા સુધીમાં તેમાંથી સંખ્યાબંધ અરજદારો પાત્રતા ધરાવતા નથી તેમ જણાવતી એક ફરિયાદ ગુજરાત પબ્લિક સર્વિસ કમિશનને કરી છે અને સમગ્ર પ્રક્રિયા સામે વિરોધ પણ નોંધાવ્યો છે. ત્યારબાદ કેટલાક ઉમેદવારોએ માહિતી અધિકાર હેઠળ અરજી કરીને સેનેટરી ઇન્સ્પેક્ટરની સમકક્ષના કયા હોદ્દાઓને પાત્રતા ધરાવવા માટે યોગ્ય ગણવામાં આવ્યા છે તે સ્પષ્ટતા કરવામાં આવી છે. પરંતુ આઘાતજનક બાબત તો એ છે કે આ પ્રકારની કોઈ જ માહિતી તેમની પાસેના રેકોર્ડમાં ઉપલબ્ધ જ નથી. આમ જીપીએસસી જ સેનેટરી ઇન્સ્પેક્ટરને સમખક્ષ હોદ્દો કયો ગણવો તે અંગ સ્પષ્ટ નથી. તેથી ભરતીની પ્રક્રિયાનો સમગ્ર પાયો પણ હચમચી જ ઊઠયો છે.
