લંડનમાં રાત્રિ રોકાણ કરનારાઓ પર પાંચ ટકાનો નવો ટેક્સ લાગુ કરાશેઃ દર વર્ષે લંડન જતાં 50 હજાર ગુજરાતીઓ
લંડનમાં રાત્રિ રોકાણ કરનારાઓ પર પાંચ ટકાનો નવો ટેક્સ લાગુ કરાશે
ટેક્સ હોટેલ કે રૂમના દરના ટકાવારીના આધારે અથવા ફિક્સ્ડ રકમ તરીકે વસૂલી શકાશે: હોટેલ્સ, ગેસ્ટ હાઉસ, બેડ એન્ડ બ્રેકફાસ્ટ, હોસ્ટેલ, હોલિડે હોમ્સ, શોર્ટ-ટર્મ રેન્ટલ અને કોમર્શિયલ ધોરણે ભાડે અપાતા યુનિવર્સિટી કે ધાર્મિક ઉતારાના સ્થળ માટે પણ લાગુ પડશે
લંડનમાં રાત્રિરોકાણ કરવા આવતા પ્રવાસીઓ પર નવો ટૂરિસ્ટ ટેક્સ-ઓવરનાઈટ વિઝિટર લેવ્વી લાદવાની લંડન તંત્ર દ્વારા યોજના બનાવવામાં આવી રહી છે. લંડન મેયર દ્વારા રજૂ કરવામાં આવેલી પ્રસ્તાવિત જોગવાઈઓ, તેના અમલીકરણનો સમયગાળો અને ગુજરાત તેમજ ભારતીય પ્રવાસીઓ પર પ્રવાસ ખર્ચમાં વધારાના સ્વરૂપમાં પડી શકે છે.
વિશ્વના સૌથી લોકપ્રિય પ્રવાસન સ્થળોમાંથી એક એવા યુનાઇટેડ કિંગડમની રાજધાની લંડન જવા માંગતા ગુજરાત અને ભારતના પ્રવાસીઓ માટે એક મહત્વના સમાચાર આવ્યા છે. યુકે સરકાર દ્વારા સ્થાનિક સત્તામંડળોને વધારાનો ફંડ એકત્ર કરવાની સત્તા આપતો નવો ‘ઓવરનાઇટ વિઝિટર લેવી બિલ’ લાવવાની તૈયારી ચાલી રહી છે. આ કાયદા હેઠળ લંડનમાં રાત્રિરોકાણ કરતા દેશી અને વિદેશી પ્રવાસીઓ પર નવીન ટૂરિસ્ટ ટેક્સ લાદવામાં આવી શકે છે. તંત્ર દ્વારા યોજના બનાવવામાં આવી રહી છે. લંડન મેયર દ્વારા રજૂ કરવામાં આવેલી પ્રસ્તાવિત જોગવાઈઓ, તેના અમલીકરણનો સમયગાળો અને ગુજરાત તેમજ ભારતીય પ્રવાસીઓ પર પ્રવાસ ખર્ચમાં વધારાના સ્વરૂપમાં પડી શકે છે.
લંડનના મેયર સર સાદિક ખાને સ્પષ્ટ કર્યું છે કે આ સુચિત ટેક્સ માટે મહત્તમ ૫ ટકા (5%) ની મર્યાદા નક્કી કરવામાં આવશે. આ ટેક્સ હોટેલ કે રૂમના દરના ટકાવારીના આધારે અથવા ફિક્સ્ડ રકમ તરીકે વસૂલી શકાશે. જો કોઈ ગુજરાતી પરિવાર કે પ્રવાસી લંડનની હોટેલમાં એક રાત માટે 200 પાઉન્ડ એટલે કે રૂ. 21,600 રેન્ટ તરીકે ચૂકવે તો આ પરિવારે ૫ ટેક્સ લેખે તેમણે £૧૦ એટલે કે અંદાજે રૂ. 1080 વધારાનો ટૂરિસ્ટ ટેક્સ ચૂકવવો પડશે. પરિણામે, તે રૂમનું કુલ બિલ £૨૧૦ થઈ જશે.
આ નિયમ માત્ર ફાઇવ સ્ટાર હોટેલ્સ પૂરતો મર્યાદિત નથી. આ કાયદા હેઠળ હોટેલ્સ, ગેસ્ટ હાઉસ, બેડ એન્ડ બ્રેકફાસ્ટ, હોસ્ટેલ, હોલિડે હોમ્સ, શોર્ટ-ટર્મ રેન્ટલ (જેમ કે Airbnb) અને કોમર્શિયલ ધોરણે ભાડે અપાતા યુનિવર્સિટી કે ધાર્મિક ઉતારાનો પણ સમાવેશ કરવામાં આવ્યો છે. જોકે
હાલમાં આ ટેક્સ તુરંત લાગુ થવાનો નથી. પ્રથમ તબક્કામાં આ બિલ બ્રિટનની પાર્લામેન્ટમાં રજૂ કરવામાં આવશે. ત્યારબાદ બિલ પસાર થાય અને કાયદો બની ગયા બાદ કેન્દ્ર સરકાર તરફથી સ્થાનિક સંસ્થાઓ (Local Authorities) ને આ સત્તા સોંપવામાં આવશે. છેલ્લે લંડન તંત્ર ટેક્સનો આખરી દર, વસૂલાતની પદ્ધતિ અને કયા વિસ્તાર કે રોકાણને તેમાંથી મુક્તિ આપવી તેનો નિર્ણય કરે તે પછી આ વ્યવસ્થા લાગુ પડશે. તેથી, હાલમાં લંડનની ટિકિટ કે હોટેલ બુક કરનારા પ્રવાસીઓએ આ ટેક્સ ચૂકવવો પડશે નહીં, પરંતુ આગામી સમયમાં આ પ્રક્રિયા પૂર્ણ થયા બાદ જ તે અમલી બનશે.
ગુજરાત અને ભારતના પ્રવાસીઓ પર કેટલી અસર પડશે?
બ્રિટનના સત્તાવાર પ્રવાસન આંકડાઓ (VisitBritain) મુજબ ભારતથી બ્રિટન અને લંડન જતા પ્રવાસીઓ ખાસ્સા વધારે છે. એક અંદાજ મુજબ દર વર્ષે ભારતમાંથી આશરે ૭.૬ લાખથી ૮ લાખ જેટલા પ્રવાસીઓ બ્રિટનનીમુલાકાતે જાય છે, જેમાં મોટા ભાગના પ્રવાસીઓ લંડનનું રોકાણ ચોક્કસપણે કરે છે. બ્રિટન જનારા કુલ ભારતીય પ્રવાસીઓમાં ગુજરાતનો હિસ્સો આશરે ૬ ટકા જેટલો છે. દર વરસે આશરે 45000થી 50,000 ગુજરાતી પ્રવાસીઓ લંડન જાય છે. મહારાષ્ટ્ર અને દિલ્હી પછી ગુજરાત ભારતનું ત્રીજું સૌથી મોટું ટૂરિસ્ટ માર્કેટ છે.
પ્રવાસનું બજેટ વધશે: ગુજરાતીઓ સામાન્ય રીતે સંબંધીઓને મળવા, વ્યાપાર-ધંધા અર્થે કે ફેમિલી વેકેશન માટે લંડનમાં ૧૦ થી ૧૫ દિવસનું રોકાણ કરતા હોય છે. જો હોટેલ બિલમાં ૫ ટકાનો વધારો થાય તો સમગ્ર પ્રવાસના બજેટમાં નોંધપાત્ર વધારો થશે. જો વિઝિટર અથવા યુનિવર્સિટી કમર્શિયલ સ્ટે પર ટેક્સ લાગશે, તો ઉચ્ચ અભ્યાસ અર્થે જતા ગુજરાતી વિદ્યાર્થીઓના વાલીઓ કે બજેટ ટ્રાવેલર્સ પર આર્થિક બોજ વધશે.
લંડન તંત્રનું વલણ
લંડન પ્રશાસનનું કહેવું છે કે દર વર્ષે કરોડો વિદેશી અને સ્થાનિક પ્રવાસીઓના આગમનથી લંડનના જાહેર પરિવહન, રસ્તાઓ અને સંસ્કૃતિ પર ભારે દબાણ આવે છે. આ એકત્રિત ફંડનો ઉપયોગ શહેરની જાહેર પરિવહન સેવાઓ, શહરી વિકાસ અને સાંસ્કૃતિક ઇન્ફ્રાસ્ટ્રક્ચરને વધુ મજબૂત કરવા માટે કરવામાં આવશે.
ઉલ્લેખનીય છે કે, યુરોપના અન્ય લોકપ્રિય શહેરો જેવા કે એમ્સ્ટરડેમ, બાર્સિલોના, બર્લિન, રોમ અને વેનિસ માં પણ પ્રવાસીઓ પાસેથી આ પ્રકારનો ટૂરિસ્ટ ટેક્સ પહેલાથી જ વસૂલવામાં આવે છે.
Tags: London accommodation tax London city tax London holiday tax London hotel bill tax London hotel extra charge London hotel tax London overnight visitor levy London stay cost increase London tourism infrastructure tax London tourism news London tourist levy cap London tourist tax example London tourist tax Indian travelers London travel budget impact London travel cost news London travel tax impact London visitor levy details London visitor tax proposal Overnight Visitor Levy Bill Sadiq Khan tourist tax UK hotel overnight tax UK overnight stay fee UK tourism tax Gujarati tourists UK tourist levy 2026 UK travel news 2026 UK visitor levy update ઓવરનાઇટ વિઝિટર લેવી બિલ ગુજરાત થી લંડન પ્રવાસ ગુજરાતી પ્રવાસીઓ લંડન ગુજરાતીઓ માટે લંડન પ્રવાસ બ્રિટન ટૂરિસ્ટ ટેક્સ બ્રિટન હોટેલ ન્યુઝ યુકે ટૂરિઝમ ન્યુઝ યુકે ટૂરિસ્ટ ટેક્સ 2026 યુકે વિઝિટર ટેક્સ યુકે હોટેલ લેવી યુરોપ ટૂરિસ્ટ ટેક્સ લંડન ટૂરિઝમ અહેવાલ લંડન ટૂરિસ્ટ ટેક્સ લંડન ટૂરિસ્ટ લેવી લંડન ટ્રાવેલ અપડેટ્સ લંડન ટ્રાવેલ ન્યુઝ લંડન નાઇટ ટેક્સ લંડન ન્યુઝ ગુજરાતી લંડન પ્રવાસ અપડેટ લંડન પ્રવાસ મોંઘો લંડન પ્રવાસન અહેવાલ લંડન રોકાણ મોંઘું લંડન વિઝિટ ટેક્સ લંડન હોટેલ ટેક્સ લંડન હોટેલ બિલ ટેક્સ લંડન હોટેલ બુકિંગ ટેક્સ સાદિક ખાન ટૂરિસ્ટ ટેક્સ
