ઓલ ઇન્ડિયા સિંધી ચેમ્બર ઓફ કોમર્સ એન્ડ ઇન્ડસ્ટ્રીઝને ચાલુ કરો, નહિ તો બાનુ હારવાણી પ્રમુખપદ છોડી દે
ઓલ ઇન્ડિયા સિંધી ચેમ્બર ઓફ કોમર્સ એન્ડ ઇન્ડસ્ટ્રીઝને ચાલુ કરો, નહિ તો પ્રમુખપદ બાનુ હારવાણી છોડી દે
સિંધી વેપારીઓને થઈ રહેલા અન્યાય સામે સરકારમાં રજૂઆત કરવા માટે એક મોટી અને મજબૂત સિંધી સંસ્થા સક્રિય થાય તે સમયની જરૂરિયાત
અમદાવાદઃ ઓલ ઇન્ડિયા સિંધી ચેમ્બર ઓફ કોમર્સ એન્ડ ઇન્ડસ્ટ્રીઝ ચાલુ કરો અને તે ચાલુ ન કરી શકો તો પ્રમુખપદનો હોદ્દો બાનુભાઈ હારવાણીએ છોડી દેવો જોઈએ તેવી માગણી અમદાવાદના સિંધી વેપારીઓએ કરી રહ્યા છે. ઓલ ઇન્ડિયા સિંધી ચેમ્બર ઓફ કોમર્સ એન્ડ ઇન્ડસ્ટ્રીઝની ઓફિસ છેલ્લા પાંચદસ વર્ષથી બંધ હાલતમાં જ પડી રહી છે. મીઠાખળી છ રસ્તા પાસેથી આ ઓફિસના મેઈન્ટેનન્સ પણ ફળબજારના પ્રમુખ લક્ષ્મણદાસ રોહરા ભરી રહ્યા છે.
બીજીતરફ બાનુ હારપાની માત્ર ચાલુ કરવાની વાતો જ ચાર પાંચ વર્ષથી કરી રહ્યા છે. વાસ્તવમાં ઓલ ઇન્ડિયા સિંધી ચેમ્બર ઓફ કોમર્સ એન્ડ ઇન્ડસ્ટ્રીઝની ઓફિસ ચાલુ કરતાં જ નથી. તેથી ઓલ ઇન્ડિયા સિંધી ચેમ્બર ઓફ કોમર્સ એન્ડ ઇન્ડસ્ટ્રીઝ સાથે સંકળાયેલા લોકોની નારાજગી વધી રહી છે. કારણ કે સિંધી વેપારીઓની સમસ્યા દિવસે દિવસે વધી રહી છે. તેમના અંગે રજૂઆત કરવા માટે જુદી જુદી સંસ્થાઓનો સંપર્ક કરવાની ફરજ પડી રહી છે. ઓલ ઇન્ડિયા સિંધી ચેમ્બર ઓફ કોમર્સ એન્ડ ઇન્ડસ્ટ્રીઝ ચાલુ થાય તો સિંધી વેપારીઓની સમસ્યાઓની રજૂઆત કરી શકાશે. બાનુ હારવાણી સંસ્થા ચાલુ ન કરવા માગતા હોય તો ખસી જાય અને નવા હોદ્દેદારો સમસ્યાઓને ઉકેલવા માટે સક્રિય થઈ શકશે.
સિધી વેપારીઓની સમસ્યાની વાત કરતાં જાણકારો જણાવે છે કે અત્યારે સિંધી વેપારીઓ જ તેમના સમાજના અન્ય વેપારીઓ પાસેથી માલ ખરીદીને તેમના પૈસા ચૂકવતા નથી. અત્યારે અમદાવાદના ચોખા બજારના વેપારીઓના અનાજ કરિયાણાની ખરીદી કર્યા પછી નીતેશ કિશનચંદ ખાનચંદાણી તેમના અંદાજે રૂ. 50 લાખથી વધુ ન ચૂકવવાનો વિવાદ થયો છે. આ વિવાદ થયા પછીય માલ ખરીદનાર પાર્ટીએ વેચનારાઓને જોઈતા હોય તો 40થી 50 ટકા પૈસા ચૂકવી સમાધાન કરવાની શરત મૂકી છે. જોકે જે પૈસા મળે તે લઈને વિવાદમાંથી નીકળી જવા માગતા વેપારીઓને ચોખા બજારના એ ઠગ વેપારીએ આજ સુધી કોઈ જ નાણાંની ચૂકવણી કરી નથી.
અમદાવાદ શહેર ક્રાઈમ બ્રાંચે સરદારનગર વિસ્તારમાં આવેલી જાણીતી પેઢી ‘કમલ જ્વેલર્સ’ના માલિક પિતા અને પુત્રની ગ્રાહકો સાથે સોના-ચાંદીના વ્યવહારમાં લાખો રૂપિયાની છેતરપિંડી કરવા બદલ ધરપકડ કરી છે. આરોપીઓએ ગ્રાહકોને ઊંચા વળતર અને ચાંદીના વાસણો બનાવી આપવાની લાલચ આપીને વિશ્વાસઘાત આચર્યો હતો. રાજસ્થાન હાઈકોર્ટેના રિટાયર્ડ ચીફ એકાઉન્ટન્ટ ઓફિસર પરષોત્તમ પોમલ દ્વારા ક્રાઈમ બ્રાંચમાં નોંધાવવામાં આવેલી ફરિયાદમાં જણાવવામાં આવ્યું છે કે ૩૧ ઓગસ્ટ ૨૦૨૬ ના રોજ આરોપી ઉમેશ ચેલાણીએ તેમને ચાંદીના વાસણો બનાવી આપવા અને સારો નફો (વળતર) આપવાનું વચન આપ્યું હતું. આ લાલચમાં આવીને ફરિયાદીએ વાસણો બનાવવા માટે ૭.૫ કિલો ચાંદી તથા ૨.૫ કિલો ચાંદીના બુકિંગ માટે ૫,૬૨,૫૦૦ રૂપિયા રોકડા આપ્યા હતા. નક્કી કરેલી તારીખ એટલે કે ૫ સપ્ટેમ્બરના રોજ જ્યારે ફરિયાદી દુકાને પહોંચ્યા, ત્યારે દુકાન બંધ હાલતમાં મળી હતી. ત્યારબાદ નારાયણદાસ ચેલાણી દ્વારા આપવામાં આવેલો ૫.૫૦ લાખ રૂપિયાનો ચેક પણ અપૂરતા બેલેન્સના કારણે બાઉન્સ થઈ ગયો હતો.
અન્ય એક ગ્રાહક જગદીશભાઈ ધોલાણીએ પણ ફરિયાદ નોંધાવી હતી કે તેમણે ૧ કિલો ચાંદીના બુકિંગ માટે ૩.૨૦ લાખ અને ૨.૩૬ લાખ રૂપિયાની કિંમતના બે સોનાના બિસ્કિટ આપ્યા હતા, પરંતુ બદલામાં ન તો દાગીના મળ્યા કે ન તો નાણાં પરત મળ્યા. આ સમગ્ર કૌભાંડમાં કુલ ૨૭,૬૮,૦૦૦ રૂપિયાની ઠગાઈ આચરવામાં આવી હોવાનું સામે આવ્યું છે.
તદુપરાંત સરદાર નગરમા સિંધીઓ દ્વારા ચલાવવામાં આવી રહેલા ક્રિકેટના સટ્ટામાં સંખ્યાબંધ પરિવાર બરબાદ થઈ રહ્યા છે. આ સમસ્યા સમગ્ર સિંધિ સમાજના સંખ્યાબંધ પરિવારોને બરબાદીના નર્કમાં ધકેલી દીધા છે. આ પ્રકારની દરેક સમસ્યાને સરકાર સમક્ષ મજબૂત રજૂઆત કરી શકાય તે માટે પણ ઓલ ઇન્ડિયા સિંધી ચેમ્બર ઓફ કોમર્સ એન્ડ ઇન્ડસ્ટ્રીઝને જીવતું કરવું અનિવાર્ય હોવાનું સિંધી વેપારીઓનુ પણ કહેવુ છે.
