સોમવારથી શરૂ થતા સપ્તાહમાં તેજી તરફી ચાલ જોવા મળી શકે

લાંબા સમયના ઘટાડા બાદ ભારતીય શેરબજારે વિરામ લીધો છે. નિફ્ટી ૫૦ અને સેન્સેક્સ સતત ૮ અઠવાડિયાના ઘટાડા પછી પ્રથમ વખત લીલા નિશાનમાં (સુધારા સાથે) બંધ રહ્યા છે. નિફ્ટી +૦.૪૪ ટકા અને સેન્સેક્સ +૦.૭૮ ટકા પ્લસમાં બંધ આવ્યો છે. આ જ રીતે, બેંક નિફ્ટી સતત ૬ સપ્તાહના ઘટાડા પછી ૧.૪૮ ટકાના સુધારા સાથે બંધ આવ્યો છે. ભારે વોલેટિલિટી (અસ્થિરતા) વચ્ચે પણ ચાર્ટ પર મુખ્ય સૂચકાંકોએ પોતાના મહત્વના ‘સપોર્ટ લેવલ’ (મજબૂત ટેકાની સપાટી) જાળવી રાખ્યા છે. આ સ્થિતિ દર્શાવે છે કે બજારમાં નીચલા સ્તરેથી રિકવરી થવાની શક્યતાઓ જીવંત છે.

વિદેશી સંસ્થાકીય રોકાણકારોની તોતિંગ વેચવાલી

ટૂંકા ગાળે બજારમાં દરેક ઉછાળે ઉપલી સપાટી પર દબાણ જોવા મળી શકે છે. કારણ કે વિદેશી પોર્ટફોલિયો રોકાણકારો દ્વારા ભારતીય ઇક્વિટી બજારમાંથી સતત ઉપાડ થઈ રહ્યો છે. તેઓ તેમનું હોલ્ડિંગ સતત વેચી રહ્યા છે. ગયા અઠવાડિયે એફપીઆઈએ  $૩.૬ બિલિયનની ચોખ્ખી વેચવાલી કરી છે, જ્યારે ઓક્ટોબર માસમાં અત્યાર સુધીમાં કુલ $૪.૫૮ બિલિયનનો આઉટફ્લો (રૂપિયા પાછા ખેંચવા) નોંધાયો છે.

નિફ્ટી ૫૦ (Nifty 50 – વર્તમાન સ્તર: ૨૨,પ૨૦.૪પ)

• ટૂંકા ગાળાનો અંદાજ: નિફ્ટી ૨૨,૧૦૦ નો મજબૂત સપોર્ટ છે. જ્યાં સુધી ૨૨,૧૦૦ ની સપાટી જળવાઈ રહેશે, ત્યાં સુધી નિફ્ટી ૨૨,૮૦૦ થી ૨૩,૦૦૦ સુધી વધી શકે છે. જો ૨૩,૦૦૦ ની ઉપર સ્પષ્ટ બ્રેકઆઉટ મળશે તો ૨૩,૨૦૦, ૨૩,૬૦૦ અને ૨૪,૦૦૦ સુધીની રેલી શક્ય બનશે. જો ૨૩,૦૦૦ ની સપાટી પાર કરવામાં નિષ્ફળ જાય તો ફરી ૨૨,૧૦૦ તરફ ઘટી શકે છે. જો ૨૨,૧૦૦ ની સપાટી તૂટશે તો ડાઉનસાઇડ ૨૦,૫૦૦ સુધી ખુલી જશે.

• મધ્યમ અને લાંબા ગાળાની સંભાવના 

  નિફ્ટી માટે ૨૨,૦૦૦ થી ૨૬,૫૦૦ ની વિશાળ રેન્જ અકબંધ છે. લાંબા ગાળે નિફ્ટી ૨૬,૫૦૦ ની ઉપર જઈને ૨૮,૦૦૦ અને ૩૦,૦૦૦ ના સ્તર વટાવી શકે છે. જો ૨૧,૮૦૦ ની નીચે બંધ આવે તો જ આ લાંબા ગાળાનો બુલિશ વ્યુ ખોટો ઠરશે. 

બેંક નિફ્ટી (વર્તમાન સ્તર: ૫૫,૨૫૬.૬૫)

• ટૂંકા ગાળાનો અંદાજ: પ૪,૩૫૦ અને પ૩,૮૦૦ મહત્વના સપોર્ટ છે. પ૫,૬૦૦ પર તાત્કાલિક અવરોધ છે. પ૫,૬૦૦ ની ઉપર બંધ આવતાં પ૭,૦૦૦ થી પ૭,૫૦૦ નો ટાર્ગેટ જોવા મળી શકે છે. જો પ૩,૮૦૦ નો સપોર્ટ તૂટશે તો વેચવાલીનું દબાણ વધીને પ૧,૦૦૦ સુધી જઈ શકે છે. લાંબા ગાળાની વાત કરીએ તો પ૧,૦૦૦ નો લેવલ અતિ મજબૂત સપોર્ટ છે. જ્યાં સુધી ઇન્ડેક્સ પ૧,૦૦૦ ની ઉપર રહેશે ત્યાં સુધી લાંબા ગાળે ૬૫,૦૦૦ અને ૬૮,૦૦૦-૬૯,૦૦૦ ના સ્તરો શક્ય છે. (૬૧,૦૦૦ પાર થયા પછી નવી તેજી ઝડપી બનશે).

સેન્સેક્સ (Sensex – વર્તમાન સ્તર: ૭૨,૪૭૨.૩૩)

• ટૂંકા ગાળાનો અંદાજ: ૭૧,૨૦૦ થી ૭૧,૦૦૦ નો સપોર્ટ ઝોન જાળવી રાખ્યો છે. અહીંથી સુધારો આગળ વધતા ૭૩,૫૫૦ સુધી જઈ શકે છે. ૭૩,૫૫૦ ની ઉપર બ્રેકઆઉટ મળતાં ‘ડબલ બોટમ’ પેટર્ન કન્ફર્મ થશે, જે સેન્સેક્સને ૭૪,૫૦૦ થી ૭૫,૦૦૦ સુધી લઈ જશે. ૭૧,૦૦૦ તૂટતાં ૭૦,૭૦૦ અને ૬૯,૮૦૦ સુધી ઘટી શકે છે.

• મધ્યમ અને લાંબા ગાળાની સંભાવના: સેન્સેક્સ ૭૧,૦૦૦ થી ૮૬,૦૦૦ ની રેન્જમાં છે. લાંબા ગાળે ૮૬,૦૦૦ ની ઉપર જઈને ૯૦,૦૦૦ અને ૯૪,૦૦૦ સુધી પહોંચી શકે છે. (૬૯,૮૦૦ ની નીચે જતાં બુલિશ ટ્રેન્ડ જોખમાશે).

મિડકેપ અને સ્મોલકેપ ઇન્ડેક્સ

• નિફ્ટી મિડકેપ ૧૫૦ (૨૧,૬૦૩.૨૫): ૨૧,૯૦૦-૨૨,૧૦૦ નો અવરોધ નડી રહ્યો છે. ૨૧,૩૫૦નો સપોર્ટ તૂટે તો ટૂંકા ગાળે ૨૦,૮૦૦ કે ૨૦,૫૦૦ સુધી કરેક્શન આવી શકે છે. જોકે આ કરેક્શન બાદ ફરી નવી તેજી શરૂ થઈને ૨૩,૫૦૦ અને લાંબા ગાળે ૨૬,૦૦૦-૨૮,૦૦૦ ના ટાર્ગેટ આપશે.

• નિફ્ટી સ્મોલકેપ ૨૫૦ (૧૭,૫૭૪.૮૫): ૧૭,૩૦૦-૧૭,૨૦૦ નો સપોર્ટ મજબૂત છે. આગામી દિવસોમાં ૧૭,૯૦૦ અને ૧૮,૩૦૦ સુધી જઈ શકે છે. ૧૮,૫૦૦ પાર થયા પછી લાંબા ગાળે ૨૨,૫૦૦ થી ૨૪,૫૦૦ સુધીની રેલી શક્ય છે.

૩. ટ્રેડર્સ અને રોકાણકારો માટે ખાસ સલાહ 

ટૂંકા ગાળાના ટ્રેડર્સે સ્ટોપલોસ ચુસ્ત રાખવો: નિફ્ટી માટે ૨૨,૧૦૦ અને બેંક નિફ્ટી માટે પ૩,૮૦૦ નો સપોર્ટ ધ્યાનથી જોવો. સપોર્ટ લેવલ નજીક ખરીદી કરવી અને અવરોધ સપાટી (નિફ્ટી ૨૩,૦૦૦) નજીક નફો બુક કરવો. FPIs ની વેચવાલી ચાલુ હોવાથી દરેક ઉછાળે સાવચેતી રાખવી.

લાંબા ગાળાના રોકાણકારો માટે: બજાર પોતાના મજબૂત સપોર્ટ ઝોન નજીક હોવાથી અને લાંબા ગાળાનો બુલિશ ટ્રેન્ડ (નિફ્ટી ૩૦,૦૦૦ અને સેન્સેક્સ ૯૪,૦૦૦ નો ટાર્ગેટ) અકબંધ હોવાથી, તબક્કાવાર (SIP અથવા ડીપમાં) ગુણવત્તાયુક્ત શેરોમાં રોકાણ કરવાની આ ઉત્તમ તક છે.

મહત્વપૂર્ણ ટેકાની સપાટીઓ 

• નિફ્ટી ૫૦: ૨૨,૧૦૦ / ૨૧,૮૦૦

• સેન્સેક્સ: ૭૧,૦૦૦ / ૭૦,૭૦૦

• બેંક નિફ્ટી: ૫૩,૮૦૦