લ્યો કરો વાત, માનવે ખાવાના બિસ્કિટમાં પશુઓના ચારો નાખ્યો, FSSAIએ પગલાં લીધા
લ્યો કરો વાત, માનવે ખાવાના બિસ્કિટમાં પશુઓના ચારો નાખ્યો, FSSAIએ પગલાં લીધા
FSSAI ની લાલ આંખ: પ્રિયાગોલ્ડ બિસ્કિટમાં પશુઓનો ચારો (કેટલ ફીડ બ્રાન્સ) વપરાતો હોવાનો ચોંકાવનારો ખુલાસો; લીગલ એક્શન શરૂઃ પશુઓના ચારામાં માયકોટોક્સિન્સ કે ભારે ધાતુઓ હોવાની શક્યતા રહે છે, જે માનવ શરીરના લીવર અને કિડનીને નુકસાન પહોંચાડી શકે છે.
નવી દિલ્હી: ફૂડ સેફ્ટી એન્ડ સ્ટાન્ડર્ડ્સ ઓથોરિટી ઓફ ઈન્ડિયા (FSSAI)એ લોકોના સ્વાસ્થ્ય સાથે ચેડાં કરતી કંપનીઓ સામે કડક કાનૂની કાર્યવાહી હાથ ધરી છે. ગ્રાહકની સત્તાવાર ફરિયાદ બાદ કરવામાં આવેલી તપાસમાં ચોંકાવનારો ખુલાસો થયો છે કે જાણીતી ‘પ્રિયાગોલ્ડ’ બિસ્કિટ બનાવતી કંપની સૂર્યા ફૂડ એન્ડ એગ્રો દ્વારા માનવ વપરાશ માટે અયોગ્ય એવા પશુઓના ચારાનો ઉપયોગ બિસ્કિટમાં ફાઈબરના સ્ત્રોત તરીકે કરવામાં આવતો હતો. FSSAI એ આ ગંભીર બેદરકારી અને ખાદ્ય સુરક્ષાના નિયમોના સરેઆમ ઉલ્લંઘન બદલ કંપનીનું લાયસન્સ સસ્પેન્ડ કર્યા બાદ હવે કાનૂની પ્રોસિક્યુશન (કેસ) દાખલ કરવાની પ્રક્રિયા શરૂ કરી છે.
પશુઓના ચારાનો ઉપયોગ અને કંપનીના ગંભીર નકારાત્મક પાસાંઓ
FSSAI ની તપાસ દરમિયાન સૂર્યા ફૂડ એન્ડ એગ્રોના પ્લાન્ટમાં અનેક ચોંકાવનારી ખામીઓ અને નકારાત્મક પાસાંઓ સામે આવ્યા છે. એક,
બિસ્કિટમાં ફાઈબરનું પ્રમાણ દર્શાવવા માટે પશુઓના ચારા- ભૂંસાની ગુણીઓ વાપરવામાં આવતી હતી. આ બોરીઓ પર સ્પષ્ટપણે લખેલું હતું કે તે માત્ર પશુઓના વપરાશ માટે જ છે. બે, પ્રિયાગોલ્ડ બિસ્કિટના ઉત્પાદન એકમમાં પ્લાન્ટ હાઈજીન અને કર્મચારીઓની વ્યક્તિગત સ્વચ્છતાનું બિલકુલ પાલન થતું નહોતું. ત્રણ, પ્લાન્ટમાં જીવજંતુ અને જંતુ નિયંત્રણની યોગ્ય વ્યવસ્થા નહોતી. ચાર, કાચા માલ અને તૈયાર થતી સામગ્રીને અલગ રાખવા તેમજ તેના સંગ્રહમાં ગંભીર ખામીઓ જોવા મળી હતી.
માનવ અને પશુ સ્વાસ્થ્ય પર થતી ગંભીર આડઅસરો
ઇન્ફેક્શન અને પાચનતંત્રની બીમારી: પશુઓનો ચારો પ્રોસેસ કરતી વખતે માનવ ખાદ્ય સુરક્ષાના ધોરણો જાળવવામાં આવતા નથી. તેમાં રહેલા ધૂળ, બેક્ટેરિયા અને ફંગસના કારણે પેટમાં ગંભીર ઇન્ફેક્શન, ઝાડા-ઉલટી અને પાચનતંત્રની ક્ષતિ થઈ શકે છે.
ટોક્સિન્સ અને કેમિકલનું જોખમ: પશુઓના ચારામાં માયકોટોક્સિન્સ કે ભારે ધાતુઓ હોવાની શક્યતા રહે છે, જે માનવ શરીરના લીવર અને કિડનીને નુકસાન પહોંચાડી શકે છે.
દૂધમાં ડીટરજન્ટ અને કોસ્ટિક સોડાનું જોખમ (દોડલા ડેરી કેસ): FSSAI ની તપાસમાં દોડલા ડેરી (Dodla Dairy) ના ફુલ ક્રીમ દૂધના સેમ્પલમાં ડીટરજન્ટ અને કોસ્ટિક સોડા જેવા ઝેરી રસાયણો મળી આવ્યા હતા. આ કેમિકલયુક્ત દૂધના સેવનથી પેટમાં અલ્સર, આંતરડામાં બળતરા, કેન્સરનું જોખમ અને લાંબા ગાળે પાચનતંત્ર કાયમી ધોરણે ક્ષતિગ્રસ્ત થઈ શકે છે.
કિસમિસમાં જંતુનાશકો (UEIR ઓર્ગેનિક ફૂડ્સ કેસ): UEIR Organic Foods ની પીળી કિસમિસમાં જંતુનાશકો (Pesticide Residues) મળી આવ્યા છે, જે નર્વસ સિસ્ટમ અને હોર્મોનલ સંતુલનને નુકસાન પહોંચાડે છે.
FSSAIની કડક કાનૂની કાર્યવાહીઃ FSSAI એ સ્પષ્ટ કર્યું છે કે ફૂડ સેફ્ટી એન્ડ સ્ટાન્ડર્ડ્સ એક્ટ, 2006 ના ભંગ બદલ આ ત્રણેય કંપનીઓ (સૂર્યા ફૂડ એન્ડ એગ્રો, દોડલા ડેરી અને UEIR ઓર્ગેનિક ફૂડ્સ) સામે કાયદાકીય કાર્યવાહી અને પ્રોસિક્યુશનની મંજૂરી આપી દેવામાં આવી છે.
Tags: Biscuits Hygiene Issues Cattle Feed Bran in Biscuits Cattle Feed vs Human Food Caustic Soda in Milk Consumer Complaint FSSAI Dangerous Food Adulteration Detergent in Milk Dodla Dairy Dodla Dairy Substandard Milk Dodla Milk Sample Unsafe Food Adulteration Cases India Food Contamination India Food Regulator India Action Food Safety Violations India FSS Act 2006 Violations FSSAI Inspection Report FSSAI Legal Action FSSAI Legal Proceedings FSSAI News 2026 FSSAI Notice Priyagold FSSAI Press Release FSSAI Prosecution Harmful Effects of Cattle Feed Health Hazards Cattle Feed Indian Food Safety News Pesticide Residues in Raisins Plant Hygiene Non Compliance Poisonous Milk Detergent Priyagold Biscuits Contaminated Priyagold Biscuits License Suspended Priyagold Biscuits Prosecution Surya Food and Agro UEIR Organic Foods Pesticides Unsafe Food Products India અશુદ્ધ આહારની આડઅસરો અસ્વચ્છ ખોરાકની અસર એફએસએસએઆઈ કાનૂની કાર્યવાહી એફએસએસએઆઈ કેસ એફએસએસએઆઈ તપાસ એફએસએસએઆઈ નોટિસ એફએસએસએઆઈ પ્રેસ નોટ કેમિકલયુક્ત દૂધના જોખમો ખાદ્ય પદાર્થોમાં ગેરરીતિ ખાદ્ય સુરક્ષા એક્ટ 2006 ખાદ્ય સુરક્ષા નિયમોનો ભંગ ગુજરાત હેલ્થ ન્યૂઝ ગ્રાહક સુરક્ષા ફરિયાદ જંતુનાશક કિસમિસ દૂધમાં ડીટરજન્ટ અને કોસ્ટિક સોડા દૂધમાં ભેળસેળ સમાચાર દોડલા ડેરી દૂધ સેમ્પલ નકલી અને અશુદ્ધ ખોરાક પશુ આહાર માનવ શરીર પશુ ચારાથી થતું નુકસાન પશુઓનો ચારો બિસ્કિટમાં પેટના રોગો અને ભેળસેળ પ્રિયાગોલ્ડ બિસ્કિટ વિવાદ પ્રિયાગોલ્ડ લાયસન્સ રદ ફૂડ એડલ્ટરેશન ઇન્ડિયા ફૂડ સેફ્ટી સમાચાર બિસ્કિટમાં ભેળસેળ ભારતીય ખાદ્ય નિયંત્રણ ભેળસેળ સામે ઝુંબેશ યુઇઆઇઆર ઓર્ગેનિક ફૂડ્સ લીવર કિડની નુકસાન ભેળસેળ સૂર્યા ફૂડ એન્ડ એગ્રો સૂર્યા ફૂડ પ્રોસિક્યુશન
