જીએસટીના નાના કરદાતાઓ માટે વાર્ષિક રિટર્ન અને ત્રિમાસિક ટેક્સ ચૂકવણી યોજના શરૂ કરાશે
જીએસટીના નાના કરદાતાઓ માટે વાર્ષિક રિટર્ન અને ત્રિમાસિક ટેક્સ ચૂકવણી યોજના શરૂ કરાશે, રૂ. 10,000 સુધીની ટેક્સ નોટિસો રદ્દ થશે
નાના વ્યવસાયો અને કરદાતાઓને મોટી રાહત આપતા જીએસટી કાઉન્સિલે શ્રેણીબદ્ધ મહત્વપૂર્ણ નિર્ણયો લીધા છે. વાર્ષિક રૂ. 5 કરોડ સુધીનું વાર્ષિક ટર્નઓવર ધરાવતા નાના વેપારીઓ માટે હવે વર્ષમાં એક જ વાર રિટર્ન ફાઇલ કરવા અને ત્રિમાસિક ધોરણે ટેક્સ ભરવાની વૈકલ્પિક યોજનાને સૈદ્ધાંતિક મંજૂરી આપવામાં આવી છે. ઉપરાંત રૂ. 10,000 સુધીની વિવાદિત ટેક્સ રકમ ધરાવતી નોટિસોને રદ્દ કરી દેવાનો નિર્ણય લેવાયો છે, જેનાથી દેશના લગભગ 12 લાખ નાના વ્યવસાયોને સીધો ફાયદો થશે.
વર્ષમાં 1 જ રિટર્ન અને ત્રિમાસિક ટેક્સ ચૂકવણી
જીએસટી કાઉન્સિલે ₹5 કરોડ કે તેથી ઓછું એગ્રીગેટ ટર્નઓવર ધરાવતા કરદાતાઓ માટે વાર્ષિક રિટર્ન ફાઈલ કરવાનો અને ત્રણ મહિને એકવાર ટેક્સ પેમેેન્ટ કરવાની યોજનાને સૈદ્ધાંતિક મંજૂરી આપી દીધી છે. આ સ્કીમનો લાભ માત્ર અનરજિસ્ટર્ડ વ્યક્તિઓને (B2C સપ્લાય) સામાન કે સેવાઓ પૂરી પાડનારા વેપારીઓને જ મળશે. સામાન્ય રીતે નિયમિત રિટર્ન ફાઇલિંગની જરૂરિયાત એટલા માટે હોય છે જેથી ખરીદનાર સમયસર ઇનપુટ ટેક્સ ક્રેડિટ મેળવી શકે છે. પરંતુ વેપારીથી ગ્રાહક-B2Cના વ્યવહારોમાં ગ્રાહક આગળ કોઈ ક્રેડિટ પાસ ઓન કરતો નથી. તેથી વારંવાર રિટર્ન ભરવાનો બોજ નાના વેપારીઓ પર પ્રોફેશનલ ફી અને વહીવટી ખર્ચના રૂપમાં પડે છે. ભારતમાં સરેરાશ 16.85 લાખ કરદાતાઓ માત્ર અનરજિસ્ટર્ડ ગ્રાહકોને સપ્લાય કરે છે, જેમાંથી લગભગ 99 ટકા એટલે કે 16.66 લાખ વેપારીઓનું ટર્નઓવર રૂ. 5 કરોડ સુધીનું છે. આ યોજનાથી તેમને વર્ષભરની વારંવારની પ્રક્રિયામાંથી મુક્તિ મળશે.
ઈ-કોમર્સ સપ્લાયર્સ માટે સરળ રજીસ્ટ્રેશન પ્રક્રિયા
ઈ-કોમર્સ પ્લેટફોર્મ પર વેચાણ કરતા નાના વેપારીઓ માટે રજીસ્ટ્રેશન પ્રક્રિયા વધુ સરળ બનાવવામાં આવી છે. જીએસટી કાઉન્સિલે ભલામણ કરી છે કે જે નાના સપ્લાયર્સ અન્ય રાજ્યો કે પછી કેન્દ્રશાસિત પ્રદેશોમાં ભૌતિક કાર્યાલય ધરાવતા નથી, તેઓ ઈ-કોમર્સ પ્લેટફોર્મના વેરહાઉસને તેમનું મુખ્ય વ્યવસાય સ્થળ જાહેર કરીને સરળતાથી રજીસ્ટ્રેશન મેળવી શકશે. આ સુવિધા એવા સપ્લાયર્સ માટે રહેશે જેઓ દર મહિને ₹2.5 લાખ સુધીની મર્યાદામાં ITC પાસ ઓન કરવા માંગે છે. આ રજીસ્ટ્રેશન સિસ્ટમ દ્વારા આપમેળે મંજૂર કરવામાં આવશે, જેથી નાના વેપારીઓ દરેક રાજ્યમાં અલગ ઓફિસ ઊભી કર્યા વિના ઈ-કોમર્સ દ્વારા સમગ્ર દેશમાં પોતાનો વેપાર વિસ્તારી શકશે.
રૂ. 10,000 સુધીની શો-કોઝ નોટિસો રદ્દ થશે
નાના વેપારીઓને ટેક્સ વિવાદોમાંથી મુક્તિ આપવા માટે કાઉન્સિલે કારણ દર્શાવો નોટિસ માટે ઓછામાં ઓછી રબ. 10,000 (CGST + SGST + IGST + Cess)ની થ્રેશોલ્ડ લિમિટ નક્કી કરી છે. રૂ.10,000થી ઓછી રકમ ધરાવતી તમામ પેન્ડિંગ નોટિસો અને અપીલોને રદ્દ ગણવામાં આવશે. આ કાનૂની જોગવાઈ ટૂંક સમયમાં જ ચાલુ કરવામાં આવતા જ દેશના આશરે 12 લાખ નાના બિઝનેસને પડતર નોટિસો અને ટેક્સ વિવાદોમાંથી રાહત મળશે.
Tags: 10000 જીએસટી નોટિસ 12 લાખ વેપારીઓ જીએસટી 5 crore turnover GST return 5 કરોડ ટર્નઓવર જીએસટી annual GST return filing Annual Return Quarterly Payment ARQP scheme GST ARQP સ્કીમ જીએસટી automatic GST registration B2C GST supplies B2C sellers GST rules B2C જીએસટી સપ્લાય B2C નાના વેપારીઓ CGST SGST IGST notice e-commerce GST registration e-commerce warehouse PPoB Finance Ministry GST statement GST 12 lakh small businesses GST compliance reduction GST Council decision GST Council meeting updates GST Council Recommendations GST dispute resolution GST ease of doing business GST input tax credit limit GST news 2026 GST news India GST notice exemption 10000 GST portal update GST relief for small businesses GST return frequency GST show cause notice threshold GST simplified registration GST threshold limit 10000 Indian tax reforms 2026 Principal Place of Business GST quarterly GST payment Shishir Sinha GST report small taxpayers GST scheme ઈકોમર્સ જીએસટી રજીસ્ટ્રેશન ઈકોમર્સ સેલર્સ જીએસટી ઈનપુટ ટેક્સ ક્રેડિટ નિયમ જીએસટી અપડેટ્સ ગુજરાતી જીએસટી ઇઝ ઓફ ડૂઇંગ બિઝનેસ જીએસટી કાઉન્સિલ નિર્ણય જીએસટી કાઉન્સિલ બેઠક જીએસટી ટેક્સ સમાચાર જીએસટી થ્રેશોલ્ડ લિમિટ જીએસટી નવી યોજના જીએસટી નવો નિયમ 2026 જીએસટી નોટિસ રદ્દ જીએસટી ન્યૂઝ ભારત જીએસટી રિટર્ન ફાઇલિંગ સરળ જીએસટી રિટર્ન મુક્તિ જીએસટી વાર્ષિક રિટર્ન જીએસટી સમાચાર ગુજરાતી જીએસટી સિસ્ટમ રજીસ્ટ્રેશન ટેક્સ વિવાદ રાહત ત્રિમાસિક જીએસટી ટેક્સ નાણા મંત્રાલય જીએસટી નાના બિઝનેસ જીએસટી લાભ નાના વેપારીઓ જીએસટી રાહત ભારત સરકાર જીએસટી વેરહાઉસ PPoB જીએસટી શો કોઝ નોટિસ જીએસટી સીજીએસટી એસજીએસટી નિયમ
