બરામુલ્લાનો છોકરો: ઉધારના શૂઝથી ₹8.4 કરોડના કરાર સુધીની ઔકિબ નબીની શાનદાર સફર

IPLના પ્રકાશ પહેલા શીરી ગામની શાંતિ હતી. તેના પિતાએ ઔકિબ નબીને ડૉક્ટર બનાવવાનું સપનું જોયું હતું; પરંતુ ખીણ પ્રદેશે તેને ક્રિકેટર બનાવ્યો. Auqib Nabi ની સફર – 60 કિમી લોકલ બસમાં મુસાફરીથી લઈને Delhi Capitals સાથે ₹8.4 કરોડના કરાર સુધીની જબરદસ્ત છે. આ એક શાંત બળવા જેવી સ્થિતિ છે.

પિતાએ ઔકિબને રૂમમાં બંધ કરી દીધો

ઔકિબ નબી ખરાબ હતો એટલે નહીં, પરંતુ પિતાની દ્રષ્ટિએ ‘ખોટી વસ્તુ’માં સારો હતો તેથી તેને રૂમમાં પૂરી દીધો હતો. તેના પિતા ગુલામ નબી દર શીરીમાં સરકારી શાળામાં અંગ્રેજી શીખવતા હતા. તેઓ જીવનનું ગણિત સમજતા હતા. ત્રણ બાળકો, એક જ પગાર. ક્રિકેટથી જીવન ચલાવી શકાતું નહોતું. જીવન સારુ બનાવવા માટે તો ડૉક્ટર જ બનવું પડે, એવી ગુલામ નબીની માન્યતા હતી. ઔકિબ ભણવામાં હોંશિયાર. આઠમા ધોરણમાં તેના વિસ્તારમાં ટોપર હતો. એટલે તેના ભાવિ ભણતર અંગેની યોજના સ્પષ્ટ હતી. ડૉક્ટર બનીને સફેદ કોટ પહેરવો, ક્રિકેટ કિટ સાથે ફરવું નહીં.

પરંતુ ઔકિબ નબીનો વિચાર અલગ જ હતો. બારામુલ્લાની ગલીઓમાં ટેપ બોલથી ક્રિકેટ રમતો હતો ઔકિબ. પથ્થર જવી જગ્યા પર આ ક્રિકેટ રમાતી હતી. તેમને પ્રોફેશનલ ક્રિકેટ – વ્યાવસાયિક ક્રિકેટની રમત ટીવીમાં જ જોવા મળતી હતી.

કહેવામાં આવે છે કે તેણે Dale Steynને જોઈને બોલિંગ શીખી હતી. તેનો અર્થ સાચે જ એ છે કે તે દુકાનની બહાર ઊભો રહીને તેની બોલિંગ ઍક્શનનું સતત અવલોકન કર્યા કર્યું હતું. ઔકિબને તાલીમ આપનાર કોઈ કોચ હતો જ નહીં. માત્ર તેની જિદ્દ જ તેને તેની મંજિલ સુધી લઈ ગઈ.

ક્રિકેટ રમવા માટે શૂઝ ઉધાર લીધા

જમ્મુમાં પ્રથમ ટ્રાયલમાં તે રૂ. 500ના સ્પોર્ટ્સ શૂઝ પહેરીને ગયો હતો. તેને કહ્યું કે ક્રિકેટ માટે સ્પાઇક્સ જોઈએ. તેણે એક સિનિયર પાસેથી તેના શૂઝ ઉધાર લીધા. તે શૂઝ તેણે વર્ષો સુધી સાચવી રાખ્યા હતા. આજે પણ શૂઝની તે જોડી તેની પાસે પડેલી છે.

ક્રિકેટર બનવા શ્રીનગર સુધીનો લાંબો રસ્તો કાપ્યો

ગુલામ નબી  પહેલા તો નારાજ હતા. પિતા ધીમે ધીમે રાજી થયા. લોન લઈને તેની મદદ કરી. શીરીથી શ્રીનગર સુધી 60 કિમીનો પ્રવાસ રોજનો ભાગ બન્યો. બસ ડ્રાઇવરો તેને મફતમાં લઈ જતા. બસ ટિકીટ વિના જ તેને પ્રવાસ કરવાની છૂટ આપતો હતો.  બરામુલ્લા ક્રિકેટ ક્લબે પણ ઔકિબ નબને મદદ કરી.

🏏 લેગ સ્પિનરથી ફાસ્ટ બોલર

ઔકિબ નબી શરૂઆતમાં લેગ સ્પિનર હતો. પરંતુ પરિસ્થિતિઓએ તેને ફાસ્ટ બોલર બનાવી દીધો. નૉર્થ કાશ્મીરમાં ફાસ્ટ બોલિંગ કોચ નહોતાં. માત્ર પોતાની મહેનત અને લાંબા સમય સુધી પ્રેક્ટિશ કરવાની ધગશે તેને ફાસ્ટ બોલર બનાવ્યો. ત્યારબાદ કાશ્મીરથી ઔકિબ નબી બેંગલોર ગયો.

બેંગલોરનો સમય

સૌથી પહેલા ચિંતામણી ક્લબમાંથી રમ્યો. પ્રથમ મેચમાં સદી બનાવી અને પાંચ વિકેટ પણ લીધી. વડોદરાના અને ભારતીય ક્રિકેટ ટીમનો હિસ્સો બની ગયેલા ઇરફાન પઠાણે 2018માં તેની પ્રતિભા ઓળખી લીધી. કોચ પી. કૃષ્ણ કુમારે-P. Krishnakumar એ તેની ટેકનિક પર કામ કર્યું. ઔકિબ નબી ખૂબ ઝડપી નહોતો (130-135 kmph), પરંતુ તેણે ટેકનિક પર ધ્યાન આપ્યું. બૉલ સીમ કરાવવા માટેની પોઝિશન પર ફોકસ કર્યું. બેકસ્પિન અને લેટ મુવમેન્ટ પર ફોકસ કર્યું. આમ ઔકિબ નબી થિંકિંગ બોલર બન્યો.

બદલાવ લાવતી સિઝન

રણજી સીઝનમાં ઔકિબ નબીએ 10 મેચમાં 60 વિકેટ લીધી. તેની એવરેજ 12.56ની હતી. સેમીફાઇનલમાં તેણે Mohammed Shami અને Mukesh Kumar કરતાં પણ સારું પ્રદર્શન કર્યું. ફાઇનલમાં કર્ણાટક સામે 5/54.

આખરે મહેનતનું ફળ મળ્યું

વર્ષો સુધી IPLમાં અવગણના થઈ. પછી ડિસેમ્બર 2025માં રૂ.30 લાખની બેઝ પ્રાઈસ સાથે ઓક્શનમાં જોડાયો. ઔકિબની અંતિમ કિંમત રૂ. 8.4 કરોડ બોલાઈ. આ કિંમત તેની બેઝ પ્રાઈસ કરતાં 28 ગણી હતી. ઔકિબની કારકીર્દિ પર નજર નાખીએ. તેણે 156 ફર્સ્ટ ક્લાસ વિકેટ લીધી છે. તે પણ 18.37ની એવરેજથી. લિસ્ટ એમાં 56 વિકેટ અને ટી ટ્વેન્ટીમાં 43 વિકેટ લીધી છે.

ઔકિબ નબી સ્વભાવે શાંત છે. સોશિયલ મીડિયા પર માત્ર એક શબ્દ મૂક્યો છે. Believe. બોલો નહિ, પોતાનામાં વિશ્વાસ રાખીને મહેનત કર્યા કરો. તેનો સ્વભાવ પરિસ્થિતિઓએ બનાવ્યો છે. Sourav Ganguly એ કહ્યું – ઈંગ્લેન્ડમાં તક મળી શકે છે. Dinesh Karthik એ તેની પ્રશંસા કરી છે.

અંતિમ છબી

એક IPL મેદાનમાં, બોલ હાથમાં છે. તેની ક્રિકેટર બનવા સુધીની આખી સફર પણ તેની સાથે જ છે. ઉધારના શૂઝથી શરૂ થયેલી કહાની હવે કાયમી કારકીર્દિ બની ગઈ છે.