SCSSમાં રોકાણ કરીને દર મહિને રૂ. 20,000થી વધુ કેવી રીતે કમાઈ શકાય?
સિનિયર સિટીઝન સેવિંગ સ્કીમમાં મહત્તમ રૂ. 30 લાખનું રોકાણ કરનાર માસિક રૂ. 20,500નું વ્યાજ મેળવી શકે છે
Senior Citizens Savings Scheme (SCSS) એ Government of Indiaએ શરૂ કરેલી નાની બચત યોજના છે. ખાસ કરીને નિવૃત્ત વરિષ્ઠ નાગરિકોને નિયમિત આવક અને નાણાકીય સુરક્ષા આપવા માટે બનાવવામાં આવી છે. ભારતમાં ઘણા વડીલો નિવૃત્તિ પછી નિયમિત આવક વગર રહી જાય છે. જો બચત સમજદારીથી રોકાણ ન થાય તો પૈસા ઝડપથી ખતમ થઈ શકે છે. તેથી જ SCSS જેવી યોજનાઓ મહત્વપૂર્ણ બની જાય છે.
SCSS શું છે?
SCSS એક સરકાર સમર્થિત રોકાણ યોજના છે, જેમાં 60 વર્ષથી વધુ ઉંમરના ભારતીય નાગરિકો સુરક્ષિત રીતે પૈસા રોકી શકે છે. તેમ જ નિયમિત વ્યાજની આવક મેળવી શકે છે.
55 થી 60 વર્ષની ઉંમરના VRS અથવા સુપરએન્યુએશનથી નિવૃત્ત થયેલા લોકો પણ આ સ્કીમનો લાભ લઈ શકે છે. સૈન્ય સાથે સંકળાયેલી સેવાઓમાંથી નિવૃત્ત કર્મચારીઓ 50 વર્ષની ઉંમર પછી પણ ખાતું ખોલી શકે છે. SCSS ખાતું વ્યક્તિગત કે જીવનસાથી સાથે સંયુક્ત રીતે ખોલી શકાય છે. તેની મુદત 5 વર્ષ છે અને પછી 3 વર્ષ માટે વધારી પણ શકાય છે.
SCSS માં કેટલું રોકાણ કરી શકાય?
સિનિયર સિટીઝન્સ સેવિંગ સ્કીમમાં ન્યૂનતમ રોકાણ રૂ. 1,000 અને ત્યારબાદ રૂ. 1,000 ના ગુણાકારમાં રોકાણ કરી શકાય છે. આ સ્કીમમાં એક વ્યક્તિ વધુમાં વધુ રૂ. 30 લાખનું કરી શકે છે. ઉચ્ચ મર્યાદા હોવાથી તાજેતરમાં નિવૃત્ત થયેલા લોકો પોતાની નિવૃત્તિ રકમ સુરક્ષિત રીતે આ યોજનામાં રોકી શકે છે.
હાલનું વ્યાજદર કેટલું છે?
હાલ SCSS પર 8.2 ટકા વાર્ષિક વ્યાજ મળે છે, જે ત્રિમાસિક ધોરણે ચૂકવાય છે. આ દર સમયાંતરે બદલાઈ શકે છે. જો તમે SCSS માં મહત્તમ ₹30 લાખ રોકાણ કરો તો તમને વાર્ષિક વ્યાજ રૂ. 2.46 લાખ મળી શકે છે. આ દ્રષ્ટિએ માસિક વ્યાજની આવક રૂ. 20,500ની થાય છે. આમ સિનિયર સિટીઝન સેવિંગ સ્કીમમાં રોકાણ કરનારાઓ દર મહિને રૂ. 20,000થી વધુ કમાઈ શકે છે.
ટેક્સ લાભ શું મળે?
- SCSS માં કરેલું રોકાણ ઇન્કમ ટેક્સ એક્ટની કલમ 80C હેઠળ રૂ. 5 લાખ સુધી કપાત માટે પાત્ર છે. તેના થકી વ્યાજની થતી આવક પર ટેક્સ લાગુ પડે છે. દરેક વ્યક્તિની આવક અને આવકના સ્લેબ પ્રમાણે તેના પર ટેક્સ ભરવો પડે છે. જો વાર્ષિક વ્યાજ રૂ. 1 લાખથી વધુ થાય તો 10 TDS કપાય છે. જો કુલ આવક બેઝિક એક્ઝેમ્પશન લિમિટથી ઓછી હોય તો Form 15H આપીને TDS ટાળી શકાય છે. હવે પછી 15એચને બદલે નવું ફોર્મ ભરવાનું આવશે.
સિનિયર સિટીઝન સેવિંગ સ્કીમના ધ્યાનાકર્ષક પાસાંઓ
- SCSS વરિષ્ઠ નાગરિકો માટે સુરક્ષિત સરકારી યોજના છે
- ₹30 લાખ રોકાણથી દર મહિને ₹20,000થી વધુ આવક શક્ય
- 80C હેઠળ ટેક્સ લાભ મળે છે
- નિવૃત્તિ પછી સ્થિર આવક માટે યોગ્ય વિકલ્પ
