ઇલેક્ટ્રિક વેહિકલ પર અપાતી સબસિડી ૩૧ માર્ચ ૨૦૨૭ સુધી સરકારે લંબાવી
ઇલેક્ટ્રિક વેહિકલ પરની સબસિડીની રકમ રોડ ટેક્સની ભરવાપાત્ર રકમમાંથી બાદ કરીને આપવામાં આવશે
અમેરિકા અને ઇઝરાયલે સાથે મળીને ઇરાન પર કરેલા આક્રમણને પરિણામે ક્રૂડનો સપ્લાાય ખોરવાઈ જતાં અને ઓછામાં ઓછું પ્રદુષણ ફેલાવતી સિસ્ટમોને પ્રોત્સાહન આપવાની નેમ સાથે ગુજરાત સરકારે ૩૦મી માર્ચે એક પરિપત્ર કરીને ઇલેક્ટ્રિક વેહિકલ પરની ૫ ટકાની સબસિડીની મુદત ૩૧મી માર્ચ ૨૦૨૭ સુધી લંબાવી આપવાની જાહેરાત કરી છે.
ઇલેક્ટ્રિક વેહિકલના સેક્ટરના જાણકારોનું કહેવું છે કે અત્યારે રોડ ટેક્સ પેટે વાહનની કિંમતના ૬ ટકા રકમ લેવામાં આવે છે. રોડ ટેક્સની ભરવાપાત્ર રકમમાંથી સબસિડીની રકમ બાદ કરી લઈને રોડ ટેક્સની રકમ જમા કરાવવાની રહેશે. ટુ વ્હિલરમાં ૧૦ જેટલી બ્રાન્ડ છે. આ બ્રાન્ડના ટુ વ્હિલરની કિંમતના ૫ ટકા રકમ સબસિડી તરીકે આપવામાં આવશે. ઇલેક્ટ્રિક વેહિકલમાં ટુ વ્હિલર સામાન્ય રીતે રૃા. ૧.૨૫થી રૃા. ૨.૦ લાખની કિંમતે બજારમાં વેચાય છે. તેમાં રૃા. ૬૨૫૦થી માંડીને રૃા,. ૧૦,૦૦૦ની આસપાસની સબસિડી મળવાપાત્ર બને છે. આ જ રીતે ફોર વ્હિલરમાં વેચાતા ઇલેક્ટ્રિક વેહિકલની કિંમત રુ. ૪૫ લાખની હોવાથી અંદાજે ૨.૨૫ લાખની સબસિડી મળવા પાત્ર ગણાય છે.
વેહિકલ માર્કેટના સૂત્રોનું કહેવું છે કે અમેરિકા અને ઇઝરાયલે સાથે મળીને ઇરાન પર કરેલા હુમલાને પરિણામે અખાતના દેશોમાં અશાંતિ હોવા છતાંય ગુજરાતમાં ઇલેક્ટ્રિક વેહિલકની ખરીદી રનારાઓની સંખ્યા સતત વધી રહી છે. ઇલેક્ટ્રિક વેહિકલની ખરીદી માટે ઇન્ક્વાયરીમાં ૨૦૦ ટકા જેટલો ઊછાળો આવીગય્ છે. જોકે ઇન્ક્વાયરીની તુલનાઓ વાસ્તવિક વેચાણ આટલું વધ્યુ નથી. છતાંય આગામી મહિનાઓમાં પણ ઇલેક્ટ્રિક વેહિકલના વપરાશ વધે તેવી શક્યતા છે. વાહનોના માર્કેટમાં ઇલેક્ટ્રિક વેહિકલનો હિસ્સો વધીને ૫૨ ટકાએ પહોંચવા આવ્યો છે.
