પ્રોસેસ્ડ ફૂડના ઉત્પાદકોએ વધારાની ચેતવણી પેકેજની આગળા ભાગમાં લખવી પડશેઃ FSSAI નો મોટો નિર્ણય
પ્રોસેસ્ડ ફૂડના ઉત્પાદકોએ વધારાની ચેતવણી પેકેજની આગળા ભાગમાં લગાવવી પડશેઃ FSSAI નો મોટો નિર્ણય: પેક્ડ ફૂડ પર ‘ફ્રન્ટ ઓફ ધ પેક’ વોર્નિંગ લેબલિંગ સિંગલ-ફેઝમાં લાગુ કરવા પ્રસ્તાવ
નવી જોગવાઈને કારણે કોઈપણ ખાદ્યપદાર્થ ગ્રાહકના આરોગ્ય માટે હાનિકારક છે કે નહિ તેની અંદાજ આવી શકશેઃ ગ્રાહકો લેબલ જોઈની પ્રોડક્ટ્સ ન ખરીદવાનો નિર્ણય લઈ શકશે
નાના નાના ઉત્પાદકોએ એડવાન્સમાં છપાવી રાખેલા તેમના જૂના લેબલ ફેંકી દઈને નવા લેબલ છપાવવાના વધારાના ખર્ચનો બોજ વેંઢારવો પડી શકે છે
અમદાવાદઃ ફૂડસેફ્ટી એન્ડ સ્ટાન્ડર્ડ્સ ઓથોરિટી ઓફ ઇન્ડિયા (FSSAI)એ સુપ્રીમ કોર્ટમાં સબમિટ કરેલી પોતાની એફિડેવિટમાં પેક્ડ ફૂડ અને પીણાં માટે ‘ફ્રન્ટ-ઓફ-ધ-પેક ન્યુટ્રિશન લેબલિંગ’ને એક જ તબક્કામાં લાગુ કરવાનો મહત્વપૂર્ણ પ્રસ્તાવ રજૂ કર્યો છે. અગાઉ FSSAI એ તેને બે તબક્કામાં લાગુ કરવાનું વિચાર્યું હતું. આ નિયમ હેઠળ, જો કોઈ પેક્ડ ખાદ્ય પદાર્થમાં નક્કી કરેલી મર્યાદા કરતા વધુ પ્રમાણમાં ઉમેરેલી ખાંડ, ચરબી કે મીઠું હશે, તો કંપનીઓએ પેકેટની આગળના ભાગે લાલ રંગના ‘હેક્સાગોન’ (ષટ્કોણ) આકારનું સ્પષ્ટ વોર્નિંગ લેબલ લગાવવું ફરજિયાત બનશે. આ સાથે, જો પ્રોડક્ટમાં ‘નોન-કેલોરિક સ્વીટનર’ (કૃત્રિમ ખાંડ) હશે તો પણ પેકેટની આગળ નું ચેતવણી સૂચક નિવેદન છાપવું પડશે. આ મુસદ્દાને અંતિમ રૂપ આપવા અને સ્ટેકહોલ્ડર્સ સાથે ચર્ચા-વિચારણા માટે ૪ મહિનાનો સમય લાગશે, ત્યારબાદ નોટિફિકેશન બહાર પડ્યા પછી કંપનીઓને સ્વેચ્છાએ અમલ કરવા માટે ૩૬૫ દિવસ (૧ વર્ષ) નો સંક્રમણ સમય આપવામાં આવશે.
કોના પર કેવી અસર પડશે
ફૂડ સેફ્ટી સ્ટાન્ડર્ડ ઓથોરિટી ઓફ ઇન્ડિયાના આ નિર્ણયની સીધી અસર પેક્ડ ફૂડ અને પીણાં બનાવતી તમામ કંપનીઓ તથા ગ્રાહકો પર પડશે. બિસ્કિટ, ચિપ્સ, કોલ્ડ ડ્રિંક્સ, નૂડલ્સ અને તૈયાર નાસ્તા બનાવતી ફાર્મ્સને તેમની પ્રોડક્ટ્સના પેકેજિંગમાં મોટા ફેરફારો કરવા પડશે. કંપનીઓ મોટા જથ્થામાં પેકેજિંગ મટીરિયલ અગાઉથી છાપીને રાખતી હોવાથી તેમને વ્યાપારી નુકસાન ન થાય તે માટે ફૂડ સેફ્ટી સ્ટાન્ડર્ડ ઓથોરિટી ઓફ ઇન્ડિયાએ એક વર્ષનો સમય આપ્યો છે. વધુમાં, જે પ્રોડક્ટ્સમાં ખાંડ, ફેટ કે સોલ્ટ વધુ હશે, તેનું વેચાણ ઘટી શકે છે, જેથી કંપનીઓએ તેમની રેસિપી બદલવાની ફરજ પડશે.
ગ્રાહકોને ખબર પડશે કે પ્રોડક્ટ્સ હાનિકારક છે કે નહિ
ગ્રાહકો હવે પેકેટ પાછળ આપેલા ઝીણા અક્ષરો વાંચ્યા વિના, પેકેટની આગળ જ લાલ હેક્સાગોન જોઈને સરળતાથી સમજી શકશે કે આ ખોરાક તેમના સ્વાસ્થ્ય માટે કેટલો હાનિકારક છે. કૅનેડાના મોડેલ પર આધારિત, સફેદ બેકગ્રાઉન્ડ પર લાલ હેક્સાગોન લેબલ ગ્રાહકને તુરંત જ ખ્યાલ આપી દેશે છે. ઉદાહરણ આપીને વાત કરીએ તો કોઈ સોફ્ટ ડ્રિંકમાં માત્ર ખાંડ વધુ હશે તો તે જ એક ન્યુટ્રિએન્ટ દર્શાવશે અને જો કોઈ ચિપ્સના પેકેટમાં સોલ્ટ અને ફેટ બંને વધુ હશે તો એક જ હેક્સાગોનમાં તે બંને દર્શાવવામાં આવશે.
સ્વાસ્થ્ય સંબંધિત રોગોમાં ઘટાડો: ડાયાબિટીસ, બ્લડ પ્રેશર અને મોટાપો જેવા રોગો અટકાવવામાં આ પારદર્શિતા અત્યંત મદદરૂપ થશે.
વ્યાપારી બોજ અને ખર્ચ: સિંગલ-ફેઝ અમલીકરણથી નાના અને મધ્યમ કદના ફૂડ ઉત્પાદકો પર એકસાથે નવી પ્રિન્ટિંગ ડિઝાઇન અને રીફોર્મ્યુલેશનનો મોટો આર્થિક બોજ આવી શકે છે.
જૂનો સ્ટોક વેડફાવાનો ભય: જોકે ફૂડ સેફ્ટી સ્ટાન્ડર્ડ ઓથોરિટી ઓફ ઇન્ડિયા-FSSAIએ ૩૬૫ દિવસનો ‘વોલન્ટરી પીરિયડ’ આપ્યો છે, છતાં મોટો જથ્થો ધરાવતી કંપનીઓને જૂનું પેકેજિંગ મટીરિયલ બદલવામાં અને ગ્રાહકોમાં પ્રોડક્ટ બ્રાન્ડ ઇમેજ જાળવવામાં મુશ્કેલી પડી શકે છે.
FSSAI ની સુપ્રીમ કોર્ટમાં રજૂઆતનો અંશ
“ખાદ્ય પદાર્થોની કંપનીઓ સામાન્ય રીતે પેકેજિંગ સામગ્રી અગાઉથી અને મોટા જથ્થામાં પ્રિન્ટ કરીને રાખતી હોય છે. તેથી, લેબલિંગ નિયમોના સુધારાના નોટિફિકેશન તારીખથી ઓછામાં ઓછો ૩૬૫ દિવસનો ટ્રાન્ઝિશન પિરિયડ આપવાનો પ્રસ્તાવ છે, જેથી ફૂડ પ્રોડ્યુસર્સને કોઈ કોમર્શિયલ મુશ્કેલી કે નુકસાનનો સામનો ન કરવો પડે.”— FSSAI (સુપ્રીમ કોર્ટ સમક્ષ કરેલી અરજીમાંથી)
Tags: Canada FoPL Format India Consumer Food Awareness FBO Packaging Compliance FMCG Packaging Regulations Food Business Operators Rules Food Labelling Changes India Food Packaging Red Label Food Processing News India Food Product Reformulation Food Safety Regulations India Food Safety Standards Authority FoPL Framework India FSSAI Draft Regulations FSSAI Latest Updates FSSAI New Regulations 2026 FSSAI Packaging Guidelines FSSAI Supreme Court Filing FSSAI Sweetener Advisory FSSAI Transition Period 365 Days FSSAI ટ્રાન્ઝિશન પીરિયડ FSSAI નવા નિયમો FSSAI નવો પ્રસ્તાવ FSSAI લાલ હેક્સાગોન FSSAI લેબલિંગ માર્ગદર્શિકા FSSAI સિંગલ ફેઝ અમલ FSSAI સુપ્રીમ કોર્ટ નિર્ણય Health Warning Packaged Food Healthy Food Labelling High Sugar Salt Fat Label India Packaged Food Industry Indian Food Industry News Junk Food Warning Tag Non Caloric Sweetener Warning Nutrition Labelling India Packaged Food Safety Rules Packaged Food Warning Label Processed Food Rules 2026 Red Hexagon Warning Label Single Phase FoPL Implementation ઓર્ગેનિક અને પેક્ડ ફૂડ ખાંડ અને ફેટ ચિહ્ન ખાદ્ય પદાર્થ ચકાસણી ગ્રાહક જાગૃતિ સમાચાર ગ્રાહક સુરક્ષા અને ખોરાક નોન કેલોરિક સ્વીટનર ચેતવણી ન્યુટ્રીશન માહિતી પેકેટ પેકેજિંગ સુધારા ૨૦૨૬ પેક્ડ ખોરાકની ગુણવત્તા પેક્ડ જ્યુસ અને ચિપ્સ લેબલ પેક્ડ ફૂડ નિયમો ૨૦૨૬ પેક્ડ ફૂડ વોર્નિંગ લેબલ પ્રોસેસ્ડ ફૂડ વોર્નિંગ ફાર્મા અને ફૂડ કાયદા ફૂડ ઈન્ડસ્ટ્રી ન્યૂઝ ગુજરાતી ફૂડ કંપનીઓ પર અસર ફૂડ પ્રોડક્ટ પેકેજિંગ નિયમ ફૂડ પ્રોસેસિંગ નિયમો ફૂડ બિઝનેસ ઓપરેટર્સ નિયમ ફૂડ લેબલિંગ ન્યુઝ ગુજરાતી ફૂડ સેફ્ટી કાયદો ભારત ફૂડ સેફ્ટી ન્યૂઝ ભારત ફ્રન્ટ ઓફ ધ પેક લેબલિંગ ભારત ફૂડ સેફ્ટી ઓથોરિટી હેક્સાગોન વોર્નિંગ લેબલ હેલ્ધી ફૂડ હેબિટ્સ
