તમારા કાર ઈન્સ્યોરન્સનું પ્રીમિયમ ઘટાડવાના સ્માર્ટ વિકલ્પોને અપનાવી શકાય

તમારા કાર ઈન્સ્યોરન્સનું પ્રીમિયમ ઘટાડવાના સ્માર્ટ વિકલ્પો

અમદાવાદઃ એક જ મોડલ, એક જ કંપની અને એક જ વર્ષમાં ખરીદેલી બે કાર હોવા છતાં, બંને માલિકોએ ચૂકવવું પડતું કાર ઈન્સ્યોરન્સ પ્રીમિયમ અલગ-અલગ હોઈ શકે છે. આવું શા માટે થાય છે? કારણ કે કાર વીમાનું પ્રીમિયમ માત્ર કારની કિંમત પર જ નહીં, પરંતુ તેના ઉપયોગ, પોલિસીધારકની પ્રોફાઇલ, કવરેજની પસંદગી અને સુરક્ષા ઉપકરણો પર પણ આધાર રાખે છે. તેથી જ પોલિસી રિન્યૂ કરતી વખતે પ્રીમિયમનો મોટો બોજ ન પડે અને પ્રીમિયમ ઓછું આવે તે માટે કેટલીક મહત્વપૂર્ણ બાબતો અને સૂચનાઓ ધ્યાનમાં રાખવી અત્યંત જરૂરી છે.

નો ક્લેમ બોનસ (NCB) જાળવી રાખો: નાના-મોટા અકસ્માતમાં કાર રિપેરિંગનો ખર્ચ ઓછો હોય, તો વીમા કંપની પાસે ક્લેમ કરવાનું ટાળો. સળંગ 5 વર્ષ સુધી ક્લેમ ન કરવાથી તમને પ્રીમિયમમાં 50 ટકા સુધીનું ડિસ્કાઉન્ટ મળે છે.

યોગ્ય IDV (Insured Declared Value) પસંદ કરો: કારની બજાર કિંમત મુજબ જ IDV સેટ કરો. બિનજરૂરી વધારે IDV રાખવાથી પ્રીમિયમ વધી જશે.

વોલન્ટરી ડિડક્ટિબલ (Voluntary Deductible) પસંદ કરો: જો તમે સુરક્ષિત ડ્રાઇવિંગ કરતા હોવ, તો સ્વેચ્છાએ ક્લેમ વખતે અમુક રકમ પોતે ભોગવવાનો વિકલ્પ (વોલન્ટરી ડિડક્ટિબલ) પસંદ કરીને પ્રીમિયમમાં મોટો ઘટાડો મેળવી શકો છો.

એન્ટિ-થેફ્ટ (Anti-Theft) ડિવાઇસ લગાવો: માન્યતા પ્રાપ્ત લોકીંગ અને સિક્યોરિટી સિસ્ટમ ઇન્સ્ટોલ કરવાથી વીમા કંપનીઓ પ્રીમિયમ પર વધારાનું ડિસ્કાઉન્ટ આપે છે.

જરૂરી હોય તે જ એડ-ઓન કવર (Add-on Covers) પસંદ કરો: ઝીરો ડેપ્રિશિયેશન કે એન્જિન પ્રોટેક્શન જેવા એડ-ઓન્સ જરૂરી છે, પરંતુ જે સેવાઓની જરૂર ન હોય તેને બાદ કરીને પ્રીમિયમ ઘટાડી શકાય છે.

ઓનલાઇન સરખામણી કરો: નવી પોલિસી કે રિન્યુઅલ વખતે વિવિધ કંપનીઓના ‘ઓનલાઇન કાર ઈન્સ્યોરન્સ કેલ્ક્યુલેટર’ નો ઉપયોગ કરી પ્રીમિયમની સરખામણી કરીને શ્રેષ્ઠ પ્લાન પસંદ કરો.

કાર ઈન્સ્યોરન્સ પ્રીમિયમ કેવી રીતે નક્કી થાય છે?

કોમ્પ્રિહેન્સિવ કાર ઈન્સ્યોરન્સના પ્રીમિયમમાં મુખ્યત્વે ત્રણ ભાગ હોય છે: ઓન ડેમેજ (OD) કવર, થર્ડ પાર્ટી લાયબિલિટી (TP) કવર અને પસંદ કરેલા એડ-ઓન કવર્સ. થર્ડ પાર્ટી પ્રીમિયમનો દર સરકારી નિયમો મુજબ નક્કી થાય છે, જ્યારે ઓન ડેમેજ અને એડ-ઓનનો ખર્ચ તમારી પસંદગી પર નિર્ભર રહે છે.

કારની ઇન્શ્યોર્ડ ડિક્લેર્ડ વેલ્યુ (IDV)

IDV એ તમારી કારની વર્તમાન બજાર કિંમત છે. તે કારની શો-રૂમ કિંમત અને તેના વપરાશ આધારિત ઘસારા (Depreciation) ના આધારે નક્કી થાય છે. જો કાર ચોરાઈ જાય કે સંપૂર્ણ નાશ પામે, તો વીમા કંપની તમને મહત્તમ IDV જેટલી રકમ આપે છે. IDV વધારે હશે તો ઓન ડેમેજ પ્રીમિયમ પણ વધારે આવશે. પ્રીમિયમ ઓછું કરવા કારની યોગ્ય કિંમત સેટ કરવી જરૂરી છે.

એન્જિન કેપેસિટી (સીસી) – થર્ડ પાર્ટી પ્રીમિયમ

કારના એન્જિનની ક્ષમતા (Cubic Capacity) ના આધારે થર્ડ પાર્ટી પ્રીમિયમ નક્કી થાય છે. માર્ગ પરિવહન અને રાજમાર્ગ મંત્રાલય દ્વારા આ દરો નક્કી કરવામાં આવે છે, જે 1 જૂન 2022 થી સમાન રાખવામાં આવ્યા છે. મોટી કેપેસિટીવાળા (વધુ સીસી) એન્જિન માટે થર્ડ પાર્ટી પ્રીમિયમ વધુ હોય છે. ઇલેક્ટ્રિક કાર માટે અલગથી નિયમ આધારિત દરો નક્કી કરવામાં આવ્યા છે.

કારની ઉંમર (Age of the Car)

જેમ જેમ કાર જૂની થાય છે તેમ તેનો ઘસારો વધતો જાય છે, જેનાથી તેની IDV ઘટે છે. જૂની કારનું ઓન ડેમેજ પ્રીમિયમ નવી કાર કરતાં ઓછું હોય છે. પરંતુ જૂની કારમાં ‘ઝીરો ડેપ્રિશિયેશન’ જેવા કેટલાક એડ-ઓન્સ મેળવવાની મર્યાદા આવી જાય છે.

ક્લેમ હિસ્ટ્રી અને નો ક્લેમ બોનસ (NCB)

જે વર્ષે તમે કારનો કોઈ વીમા ક્લેમ નથી કરતા, તે વર્ષ માટે તમને No Claim Bonus મળે છે. નાની નાની બાબતો માટે ઇન્સ્યોરન્સનો લાભ ન ઊઠાવો. તેમ કરવાથી પ્રથમ ક્લેમ-ફ્રી વર્ષે 20 ટકા થી શરૂ કરીને સતત 5 વર્ષ ક્લેમ ન કરવા પર 50 ટકા સુધીનું ડિસ્કાઉન્ટ પ્રીમિયમમાં મળે છે. જો તમે નવી કાર ખરીદો છો, તો જૂની કારનો NCB નવી કારની પોલિસીમાં ટ્રાન્સફર કરી શકાય છે.

એડ-ઓન કવર્સની પસંદગી (Add-on Covers)

એડ-ઓન્સ તમારી બેઝિક પોલિસીને વધારાનું રક્ષણ આપે છે. જેમ કે ઝીરો ડેપ્રિશિયેશન, એન્જિન પ્રોટેક્શન, રોડસાઇડ અસિસ્ટન્સ અને રિટર્ન ટુ ઇન્વોઇસનો વિકલ્પ પસંદ કરો તો. દરેક એડ-ઓન ઉમેરવાથી પ્રીમિયમ વધે છે. તેથી તમારી જરૂરિયાત મુજબ જ એડ-ઓન ચૂંટો. દા.ત., જો તમે પૂરગ્રસ્ત કે પાણી ભરાતા વિસ્તારમાં રહેતા હોવ તો જ એન્જિન પ્રોટેક્શન ઉમેરો.

વોલન્ટરી ડિડક્ટિબલ (સ્વેચ્છિક કપાત)

ડિડક્ટિબલ એટલે ક્લેમ વખતે તમારી જે ખિસ્સામાંથી આપવાની થતી રકમ. એક ફરજિયાત (Compulsory) કપાત હોય છે અને બીજી સ્વેચ્છિક (Voluntary) કપાત. તમે સ્વૈચ્છિક કપાતમાં કોઈક બાબતોનો ઉમેરો કરી શકો છો. જો તમે ઊંચું વોલન્ટરી ડિડક્ટિબલ પસંદ કરો છો, તો વીમા કંપની પ્રીમિયમમાં ઘટાડો કરે છે, કારણ કે ક્લેમ સમયે એક નિશ્ચિત રકમ તમે પોતે ચૂકવવાનું સ્વીકારો છો.

કારનું રજીસ્ટ્રેશન લોકેશન અને વપરાશ

તમારી કાર ક્યાં રજીસ્ટર થયેલી છે તેના પર પણ પ્રીમિયમનો આધાર છે. મેટ્રો સિટી અને વધુ ટ્રાફિક કે અકસ્માતના જોખમવાળા ઝોનમાં રજીસ્ટર થયેલી કારનું પ્રીમિયમ ના નાના શહેરો કરતાં વધુ હોય છે. આ ઉપરાંત, કારમાં અનાધિકૃત મોડિફિકેશન (ફેરફારો) કરાવવાથી ક્લેમ રદ થઈ શકે છે, જ્યારે એન્ટિ-થેફ્ટ લોક લગાવવાથી પ્રીમિયમમાં ડિસ્કાઉન્ટ મળે છે.

કાર વીમો ખરીદતા કે રિન્યૂ કરતા પહેલા ઓનલાઇન કાર ઈન્સ્યોરન્સ કેલ્ક્યુલેટરનો ઉપયોગ કરીને વિવિધ કંપનીઓના પ્લાન, IDV અને એડ-ઓન કવરની સરખામણી કરવી એ સમજુ નિર્ણય છે. ઝુરીચ કોટક જનરલ ઈન્સ્યોરન્સ જેવી જાણીતી કંપનીઓ ઓનલાઇન પ્રીમિયમની સંપૂર્ણ વિગતો આપે છે. આ તમામ પરિબળોને ધ્યાનમાં રાખીને વીમો લેવાથી પ્રીમિયમ નિયંત્રણમાં રહે છે અને ઉત્તમ કવરેજ પણ મળે છે.

Share on Social Media

તમારા કાર ઈન્સ્યોરન્સનું પ્રીમિયમ ઘટાડવાના સ્માર્ટ વિકલ્પોને અપનાવી શકાય

તમારા કાર ઈન્સ્યોરન્સનું પ્રીમિયમ ઘટાડવાના સ્માર્ટ વિકલ્પો