એક્વસનો પબ્લિક ઇશ્યૂ – Aequs IPO ત્રણ ડિસેમ્બરથી આવી રહ્યો છે. આ પબ્લિક ઇશ્યૂ કુલ રૂ. 921.81 કરોડનું બુક બિલ્ડિંગ ઇશ્યૂ છે. તેમાં રૂ. 670 કરોડ ઊભા કરવા માટે 5.40 કરોડ નવા શેરો (Fresh Issue) ઈશ્યૂ કરવામાં આવશે. તેમ જ રૂ. 251.81 કરોડનાં 2.03 કરોડ શેરોના ઓફર ફોર સેલ (OFS)નો સમાવેશ થાય છે. Aequs IPO માટેનું સબ્સ્ક્રિપ્શન 3 ડિસેમ્બર 2025 થી 5 ડિસેમ્બર 2025 સુધી ખુલ્લું રહેશે. IPOનું એલોટમેન્ટ 8 ડિસેમ્બર 2025એ થવાની શક્યતા છે. કંપની BSE અને NSE પર 10 ડિસેમ્બર 2025ના રોજ લિસ્ટ થવાની છે.

આઈપીઓનો પ્રાઈસ બેન્ડ

IPOનું પ્રાઇસ બેન્ડ ₹118 થી ₹124 પ્રતિ શેર નક્કી કરવામાં આવ્યો છે. એપ્લિકેશનનો લોટ સાઇઝ 120 શેરનો છે. રિટેઇલ ઈન્વેસ્ટર માટે અપર પ્રાઈસ બેન્ડ પ્રમાણે ઓછામાં ઓછું રોકાણ ₹14,880 કરવું જરૂરી છે. એસ-NII માટે ઓછામાં ઓછા 14 લોટ (1,680 શેરો) અને બી-NII માટે 68 લોટ (8,160 શેરો) માટે અરજી કરવી ફરજિયાત છે. બુક રનિંગ લીડ મેનેજર તરીકે JM Financial Ltd. અને રજિસ્ટ્રાર તરીકે Kfin Technologies Ltd. નિમણૂક કરવામાં આવ્યા છે.

Aequs IPO તારીખવાર માહિતી

• IPO તારીખ: 3 ડિસેમ્બર 2025 થી 5 ડિસેમ્બર 2025
• લિસ્ટિંગ: BSE, NSE
• ફેસ વેલ્યૂ: રૂ. 10 પ્રતિ શેર
• પ્રાઇસ બેન્ડ: રૂ. 118થી રૂ. 124
• લોટ સાઇઝ: 120 શેર
• કુલ ઇશ્યૂ સાઇઝ: 7,43,39,651 શેર
• આઈપીઓનું કુલ મૂલ્યઃ રૂ.921.81 કરોડ
• ફ્રેશ ઇશ્યૂ: 5,40,32,258 શેરનુ કુલ મૂલ્ય રૂ. 670 કરોડ
• ઓફર ફોર સેલ: 2,03,07,393 શેરનું મૂલ્ય રૂ. 251.81 કરોડ
• એમ્પ્લોયી ડિસ્કાઉન્ટ: ₹11
• ઇશ્યૂ પ્રકાર: Book Building
• પ્રી-ઇશ્યૂ શેરહોલ્ડિંગ: 61,66,17,677 શેર
• પોસ્ટ-ઇશ્યૂ શેરહોલ્ડિંગ: 67,06,49,935 શેર
• ઓપનિંગ: 3 ડિસેમ્બર 2025
• ક્લોઝિંગ: 5 ડિસેમ્બર 2025
• એલોટમેન્ટ: 8 ડિસેમ્બર 2025
• રિફન્ડ: 9 ડિસેમ્બર 2025
• ડિમેટ ક્રેડિટ: 9 ડિસેમ્બર 2025
• લિસ્ટિંગ: 10 ડિસેમ્બર 2025
• UPI કટ-ઓફ: 5 ડિસેમ્બર 2025, સાંજે 5 વાગ્યે

Aequs IPO રિઝર્વેશન

એક્વસના આઈપીઓ માટે ક્વોલિફાઈડ ઇન્સ્ટિટ્યૂશનલ બાયર-QIB માટે ઓછામાં ઓછા 75 ટકા શેર્સ અને છૂટર રોકાણકારો માટે વધુમાં વધુ 10 ટકા શેર્સ ફાળવવાનુંમ નક્કી કરવામાં આવેલું છે. તેમ જ NII માટે વધુમાં વધુ 15 ટકા શેર્સ ફાળવવામાં આવ્યા છે. પબ્લિક ઇશ્યૂ પહેલા એક્વિસના પ્રમોટર્સનુ હોલ્ડિંગ 64.48 ટકા છે. પબ્લિક ઇશ્યૂ પછી પ્રમોટર્સ કેટલા શેર્સ છૂટા કરે છે તેને આધારે તેમના હોલ્ડિંગનો અંદાજ આવશે.

એક્વસ લિમિટેડની સ્થાપના અને કામકાજ

Aequs Ltd-એક્વસ લિમિટેડની સ્થાપના 2000માં થઈ હતી. કંપની ભારતના સ્પેશિયલ ઇકોનોમિક ઝોનમાં Aerospace ક્ષેત્ર માટે સંપૂર્ણપણે vertically integrated precision manufacturing સુવિધાઓ ધરાવે છે. કંપની એન્જિન સિસ્ટમ્સ, લેન્ડિંગ સિસ્ટમ્સ, ઇન્ટીરિયર્સ, સ્ટ્રક્ચર્સ, એસેમ્બલીઝ અને અન્ય પ્રિસિઝન કોમ્પોનેન્ટ્સ બનાવે છે. કંપનીએ વર્ષો દરમિયાન consumer electronics, plastics અને consumer durables ક્ષેત્રમાં પણ પ્રવેશ કર્યો છે. આમ કંપની મુખ્યત્વે એરોસ્પેસ સેગમેન્ટ માટે પ્રેસિશન કોમ્પોનેન્ટ્સના મેન્યુફેક્ચરિંગમાં કાર્યરત છે. કંપની કન્ઝ્યુમર ઇલેક્ટ્રોનિક્સ, પ્લાસ્ટિક્સ અને કન્ઝ્યુમર ડ્યુરેબલ્સનું મેન્યુફેક્ચરિંગ પણ કરે છે. કંપનીનો એરોસ્પેસ ડિવિઝન નફો આપે છે, પરંતુ બાકીની બિઝનેસ ડિવિઝન્સ સતત નુકસાનમાં છે.  તાજેતરના નાણાકીય આંકડા મુજબ, IPO નું પ્રાઇસિંગ નેગેટિવ P/E પર કરવામાં આવેલું છે. સારી જાણકારી ધરાવતા અને કેશ સરપ્લસ ધરાવતા રોકાણકારો લાંબા ગાળાના દ્રષ્ટિકોણથી મર્યાદિત ફાળવણી કરી શકે છે.

Aequs Ltd. (AL) ભારતનું એકમાત્ર પ્રેસિશન કોમ્પોનેન્ટ બનાવતું такое કંપની છે, જે પૂર્ણ વર્ટિકલ ઇન્ટિગ્રેશન સાથે એક જ સ્પેશિયલ ઇકોનોમિક ઝોન (SEZ)માં એરોસ્પેસ સેગમેન્ટ માટે મેન્યુફેક્ચરિંગ કરે છે પ્રેસિશન કોમ્પોનેન્ટ્સ ખૂબ જ ચોકસાઈથી તૈયાર થતા પૂરજાઓ છે, આ પૂરજાઓ OEM અને સિસ્ટમ ઇન્ટિગ્રેટર્સને સપ્લાય કરવામાં આવે છે. કંપનીના પ્રોડક્ટ્સમાં એન્જિન સિસ્ટમ્સ, લેન્ડિંગ સિસ્ટમ્સ, કાર્ગો અને ઇન્ટિરિયર્સ, સ્ટ્રક્ચર્સ તથા એસેમ્બલી કોમ્પોનેન્ટ્સનો સમાવેશ થાય છે.

30મી સપ્ટેમ્બર 2025ના પૂરા થયેલા છ માસના ગાળામાં એક્વસ  લિમિટેડે એરોસ્પેસ સેગમેન્ટ થકી નેટ રેવન્યુ રૂ. 473.95 કરોડ જનરેટ કરી છે. પરંતુ નાણાંકીય વર્ષ 2024-25માં તેની કુલ આવક રૂ. 824.64 કરોડની હતી. કંપનીએ એરોસ્પેસ ઉપરાંત કન્ઝ્યુમર ઇલેક્ટ્રોનિક્સ, પ્લાસ્ટિક ટોય્સ અને મોલ્ડિંગ, કૂકવેર અને સ્મોલ એપ્લાયન્સિસના ઉત્પાદનમાં પણ પ્રવેશ કર્યો છે. એક્વિસ લિમિટેડ તેની ઉચ્ચ સ્તરની મેટલર્જી ક્ષમતાઓ માટે જાણીતી છે, ખાસ કરીને ટાઇટેનિયમ એલોય્સની પ્રોસેસિંગ પર તેનું પ્રભુત્વ ઘણું જ સારું છે.

કંપની IPOમાંથી મળનારી રકમનો ઉપયોગ નીચે મુજબ કરશે

AL-એક્વસ લિમિટેડ પાસે ત્રણ એન્જિનિયરિંગ આધારિત વર્ટિકલ ઇન્ટિગ્રેટેડ મેન્યુફેક્ચરિંગ એકોસિસ્ટમ્સ છે. આ એકોસિસ્ટમ્સ મારફતે કંપનીની સપ્લાય ચેઇન અને જોઈન્ટ વેન્ચર્સને મજબૂતી આપવા ઉપરાંત કંપનીને વન-સ્ટોપ-શોપ સોલ્યુશન બનાવવામાં પણ મોટો ફાળો પી રહી છે. Airbus અને Boeing જેવી કંપનીઓ આ પ્રકારના સપ્લાયર્સને પસંદ કરે છે. કંપની પાસે ISO 9001:2015, AS9100D અને NADCAP જેવી ઘણા આંતરરાષ્ટ્રીય પ્રમાણપત્રો છે. દરેક યુનિટ પાસે સમર્પિત QA-ક્વોલિટી એસેસમેન્ટ માટેની ટીમ છે. આ ટીમ કાચા માલ- રૉ-મટિરિયલથી માંડીને ફાઇનલ પ્રોડક્ટ સુધી ગુણવત્તા ચેક કરે છે.

એક્વસ લિમિટેડ 2009થી Belagavi Manufacturing Clusterમાં એરો-સ્ટ્રક્ચર અને એન્જિન કોમ્પોનેન્ટ્સનું ઉત્પાદન કરે છે. 2015 અને 2016માં ઉત્તર અમેરિકા અને ફ્રાન્સમાં એક્વસ લિમિટેડે કેટલાક અક્વિઝિશન્સ કર્યા હતા.  SQuAD Forging, API (Magellan Aerospace JV) અને Tramontina JV જેવા સહભાગી પ્રોજેક્ટ્સ દ્વારા ક્ષમતા વધારી દીધી છે.

સરકારી યોજનાઓ હેઠળ લાભ

કંપની PLI સ્કીમ, રાજ્ય સ્તરની સબસિડી અને SGST રિઇમ્બર્સમેન્ટ જેવી યોજનામાં ભાગ લેવા ઈચ્છે છે. આ યોજનાઓ દ્વારા કંપનીની  Domestic value addition વધારો થશે. કંપની Import substitution ઊભા કરવાની સરકારની ઇચ્છાને વેગ આપશે. એક્વસ લિમિટેડ સસ્તી મૂડી સાથે ક્ષમતાઓમાં પણ વધારો કરશે. 30 સપ્ટેમ્બર, 2025ની સ્થિતિએ 1892 કર્મચારી કામ કરતાં હતા. તેમ જ 1834 કોન્ટ્રેક્ટ લેબર હતા. તદુપરાંત તેની પાસે 55 ટ્રેઇની કર્મચારીઓ અને 432 એપ્રેન્ટિસ પણ છે. કંપની પાસે 325 ફિક્સ્ડ ટર્મ કર્મચારીઓનો કાફલો છે.

ઇશ્યૂના નાણાંનું શું કરશે?

કંપની ફ્રેશ શેર્સ-નવા શેર્સ ઇશ્યૂ કરીને રૂ. 921 કરોડ ઊભા કરશે તેમાંથી રૂ. 433.17 કરોડ કંપનીનું જૂનું દેવું ચૂકવવા માટે કરશે. તદુપરાંત રૂ. 64.00 કરોડનો ખર્ચ નવી મશીનરી ખરીદવા માટે કરશે. એક્વસ લિમિટેડ તેની સહાયક કંપનીઓમાં રૂ. 415.62  કરોડનું રોકાણ કરશે. AeroStructures Manufacturing India Pvt Ltdમાં રૂ.174.82 કરોડ, Aequs Consumer Products Pvt Ltdમાં રૂ. 231.16 કરોડ, Aequs Engineered Plastics Pvt Ltdમાં રૂ. 9.63 કરોડનું રોકાણ કરશે. કંપનીના પોતાના ઉપયોગ માટે રૂ. 17.55 કરોડનો ખર્ચ કરશે. બાકીના નાણાંનો ઉપયોગ કંપનીના ઇનઓર્ગેનિક વિકાસ માટે તથા કોર્પોરેટ જરૂરિયાત પૂરી કરવા માટે કરશે.

નાણાંકીય પરફોર્મન્સ

કંપનીએ ટોપ લાઈન એટલે કે કામકાજમાં સતત વધારો જોવા મળી રહ્યો છે. પરંતુ છેલ્લા ત્રણ વર્ષથી કંપનીએ નુકસાન જ કર્યું છે. એક્વસ લિમિટેડનો એરોસ્પેસ બિઝનેસ નફાકારક છે, પરંતુ કન્ઝ્યુમર અને પ્લાસ્ટિક બિઝનેસનું નુકસાન કુલ નફાને ખાઈ જાય છે. કંપનીની સરેરાશ શેરદીઠ કમાણી-EPS રૂ. 1.37ની છે. સરેરાશ રિટર્ન ઓન નેટવર્થ-RoNW 15.07 ટકાની છે. કંપનીની નેટ એસેટ વેલ્યુ આદારિત પ્રાઈસ ટુ બુક વેલ્યુ પબ્લિક ઇશ્યૂ પહેલા રૂ. 9.12ની અને પબ્લિક ઇશ્યૂ પછીની પ્રાઈસ ટુ બુક વેલ્યુ રૂ. 5.01ની થશે. નાણાંકીય વર્ષ 2024-25 અને 2025-26 વાર્ષિક ગણિતોને આધારે તેનો P/E નેગેટિવ આવે છે.

એક્વિસ લિમિટેડના વેરા પછીના માર્જિન ઘટી રહ્યા છે. છેલ્લા ત્રણ વર્ષની વાત કરવામાં આવે તો વેરા પછીના માર્જિન અનુક્રમે માઈનસ 13.48 ટકા, માઈનસ 1.48 ટકા, અને માઈનસ 11.07 ટકા રહ્યા છે. તેમ જ રિટર્ન ઓન કેપિટલ એમ્પ્લોઈડ માઈનસ 3.72 ટકા, 2.84 ટકા અને 0.87 ટકા તથા 1.81 ટકા રહ્યા છે. એક્વસ લિમિટેડ અત્યાર સુધી ડિવિડન્ડ જાહેર કર્યું નથી. મે 2025માં ડિવિડન્ડ નીતિ અપનાવી છે. કંપનીના EBITDA Margin: 11.68 ટકા છ. તેમ જ કંપનીનું બજાર મૂડીકરણ રૂ.8,316.06 કરોડનું છે.

નાણાંકીય સ્થિતિ(₹ કરોડમાં)

એક્વસ લિમિટેડની હરીફ કંપનીઓમાં આઝાદ એન્જિનિયરિંગ, યુનિમેક એરોસ્પેસ, એમ્બર એન્ટરપ્રાઈસ, કેયનેસ ટેક્નોલોજી, ડિક્સોન ટેક્નોલોજી અને પીટીસી ઇન્ડસ્ટ્રીજનો સમાવેશ થાય છે. આ તમામ કંપનીઓના કામકાજ સરખા ન હોવાથી તેમની સરખામણી કરવામાં સચોટ નિર્ણય પર આવી શકાય તેમ જ નથી. કંપનીના પી.ઈ.ની રેન્જ 62.5થી 433ની છે.

એક્વસ લિમિટેડ-Aequs Ltd.એ એરોસ્પેસ માટે પ્રેસિશન કોમ્પોનેન્ટ્સનું અગ્રણી ઉત્પાદન કરે છે. એરોસ્પેસ વિભાગ મજબૂત અને નફાદાયક છે, પરંતુ કન્ઝ્યુમર અને પ્લાસ્ટિક વિભાગ નુકસાનમાં છે.નાણાકીય ડેટા પ્રમાણે IPO નેગેટિવ P/E પર પ્રાઇસ્ડ છે. તેથી આઈપીઓને જોખમી ગણવામાં આવે છે. પરંતુ કંપનીની વૈશ્વિક ગ્રાહક યાદી અને ક્ષમતા ભવિષ્ય માટે આશાવાદી છે. લાંબા ગાળાના રોકાણકારો મર્યાદિત ફંડ્સ ફાળવી શકે છે.

પ્રોડક્ટ પોર્ટફોલિયો

30 સપ્ટેમ્બર 2025 સુધી, કંપની Aerospace ક્ષેત્ર હેઠળ 5,000થી વધુ પ્રોડક્ટ્સનું ઉત્પાદન કરતી હતી, જેમાં A220, A320, B737, A330, A350, B777, B787 જેવા commercial aircrafts નો સમાવેશ થાય છે. Structures: Bracket, corner fitting, latch assembly, gearbox bracketનું ઉત્પાદન કરે છે.  Interiors & Cargo: Power tray, side panel, beam-back support, housing leftનું ઉત્પાદન કરે છે. કંપની Landing Systems: Main landing gear, bracket assembly, rim, half wheelનું પણ ઉત્પાદન કરે છે. કંપની પાસે Actuation Systems: Housing, manifold, actuator piston, radarbox બનાવવાની પણ સુવિધા છે.

કંપનીના કર્મચારીઓ (30 સપ્ટેમ્બર 2025)

• 30મી સપ્ટેમ્બર 2025ની સ્થિતિએ એક્વસ લિમિટેડમાં 1,892 ફૂલ-ટાઇમ કર્મચારીઓ છે. તેમ જ 1,834 કોન્ટ્રાક્ટ લેબર તરીકે કામ કરે છે. તેમ જ 55 તાલીમાર્થી કર્મચારીઓ છે. તદુપરાંત 432 અપ્રેન્ટિસ તરીકે જોડાયેલા છે. કંપની પાસે325 ફિક્સ-ટર્મ એમ્પ્લોયી છે.