50 ટકા સુધીનો ભાવ વધારાની સંભાવના ધરાવતા શેર્સ પર નજર રાખી શકાય
2024-25 Q3 ના ત્રિમાસિક પરિણામો આવી રહ્યા હોવાથી, ટોચની બ્રોકરેજ હાઉસોએ ઘણા સ્ટોક્સ પર તેમના અંદાજોમાં ફેરફાર કર્યા છે.
ગઈ કાલે પૂરા થયેલા સપ્તાહમાં બજારમાં લગભગ 2 ટકાનો સુધારો જોવા મળ્યો છે. 2024-25 Q3 ના ત્રિમાસિક પરિણામો આવી રહ્યા હોવાથી, ટોચની બ્રોકરેજ હાઉસોએ ઘણા સ્ટોક્સ પર તેમના અંદાજોમાં ફેરફાર કર્યા છે. Motilal Oswal, Goldman Sachs, Nuvama Wealth Management અને JM Financial જેવી અગ્રણી બ્રોકરેજ સંસ્થાઓએ પોતાની નવી ભલામણો જાહેર કરી છે.બ્રોકરેજ હાઉસોએ કરેલી ભલામણોને આધારે બેંકિંગ, ફાઇનાન્સ, ઓટો અને કન્ઝ્યુમર સેક્ટરના 10 સ્ટોક્સની શોર્ટલિસ્ટ કર્યા છે.
JM Financial on Eternal (Zomato)
JM Financial એ Eternal પર ‘Buy’ રેટિંગ યથાવત રાખ્યું છે. તેનો ટાર્ગેટ પ્રાઇસ રૂ. 400 નક્કી કર્યો છે. આ ટાર્ગેટ ભાવ સ્ક્રિપના વર્તમાન ભાવથી 54.1 ટકાનો વધારો થવાની શક્યતા દર્શાવે છે. બ્રોકરેજ હાઉસના એક્સપર્ટ્સના જણાવ્યા મુજબ Blinkit એ EBITDA બ્રેકઈવન હાંસલ કર્યું છે. બ્રેકઇવન અપેક્ષા કરતાં છ મહિના વહેલું આવી ગયું છે. Blinkit ની નેટ ઓર્ડર વેલ્યુમાં વર્ષે 121 ટકાનો વધારો થયો છે.
Motilal Oswal on Bandhan Bank
Motilal Oswal એ Bandhan Bank પર ‘Buy’ રેટિંગ યથાવત ચાલુ રાખ્યું છે અને ટાર્ગેટ પ્રાઇસ રૂ. 175 નક્કી કર્યો છે. ટાર્ગેટ પ્રાઈસ તેના વર્તમાન ભાવમાં લગભગ 23 ટકાનો સુધારો થવાની શક્યતાનો સંકેત આપે છે. બેંક ઘણા વર્ષોથી NPA સમસ્યાથી પસાર થઈ રહી હતી, જે હવે ધીમે ધીમે સુધરી રહી છે.
Nuvama on United Spirits
Nuvama એ United Spirits પર ‘Buy’ રેટિંગ જાળવી રાખ્યું છે. પરંતુ ટાર્ગેટ પ્રાઇસ રૂ. 1,660 સુધી ઘટાડ્યો છે. આ ટાર્ગેટ લગભગ 25.3 ટકાનો સુધારો થવાની સંભાવના દર્શાવે છે. મહારાષ્ટ્રની નીતિ બદલાવ અને આંધ્ર પ્રદેશમાં ગયા વર્ષના સ્ટોક ભરાવાના અસરને કારણે વેચાણમાં ઘટાડો નોંધાયો છે.
Motilal Oswal on Supreme Industries
Motilal Oswal એ Supreme Industriesના શેર્સમાં પણ લેવાલી કરવા માટે ‘Buy’ રેટિંગ જાળવી રાખ્યું છે. તેનો ટાર્ગેટ પ્રાઇસ રૂ. 4,200 સુધી જવાની શક્યતા દર્શાવી છે. ટાર્ગેટ ભાવ 25 ટકાથી વધુ અપસાઇડ સૂચવે છે. Q3માં કંપનીના EBITDAમાં 7 ટકાનો વધારો જોવા મળ્યો છે અને વોલ્યુમ ગ્રોથ 13 ટકાનો રહ્યો છે.
Goldman Sachs on Havells India
Goldman Sachs એ Havells India પર ‘Buy’ રેટિંગ પૂર્વવત રાખ્યું છે અને ટાર્ગેટ પ્રાઇસ રૂ. 1,880 સુધી જવાની સંભાવના વ્યક્ત કરી છે. ટાર્ગેટ પ્રાઈસ તેના વર્તમાન બજાર ભાવમાં લગભગ 30.1 ટકાનો વધારો થવાની શક્યતા દર્શાવે છે. 2025-26ના નાણાંકીય વર્ષના ત્રીજા ત્રિમાસિક ગાળામાં-Q3 માં કંપનીની આવકમાં 14 ટકાનો વધારો નોંધાયો છે.
Motilal Oswal on IndiGo
Motilal Oswal એ IndiGo પર ‘Buy’ રેટિંગ યથાવત જાળવી રાખ્યું છે. તેના શેરનો ટાર્ગેટ પ્રાઇસ રૂ. 6,100 નક્કી કર્યો છે. ટાર્ગેટ ભાવ તેના વર્તમાન બજાર ભાવમાં લગભગ 24 ટકાનો વધારો થવાની શક્યતાનો અણસાર આપે છે. કંપની આંતરરાષ્ટ્રીય રૂટ્સમાં વિસ્તરણ કરી રહી છે.
Nuvama on JSW Infrastructure
Nuvama એ JSW Infrastructure પર ‘Buy’નું રેટિંગ જાળવી રાખ્યું છે. તેનો ટાર્ગેટ પ્રાઇસ રૂ. 360 રાખ્યો છે. વર્તમાન બજાર ભાવથી તેમાં 40 ટકાનો વધારો થવાની સંભાવના વ્યક્ત કરવામાં આવી રહી છે. તેના કાર્ગો વોલ્યુમમાં 8 ટકાનો વધારો થયો છે.
Motilal Oswal on Indian Hotels
Motilal Oswal એ Indian Hotels Company પર ‘Buy’ જાળવી રાખ્યું છે. તેના ટાર્ગેટ પ્રાઇસ રૂ. 850નો નક્કી કર્યો છે. ટાર્ગેટ પ્રાઈસ સ્ક્રિપના વર્તમાન બજાર ભાવથી લગભગ 30 ટકાનો વધારો થઈ જવાની સંભાવના દર્શાવે છે. હોટેલ ઉદ્યોગમાં માંગ સતત વધી રહી હોવાથી કંપનીની આવક અને નફામાં વધારો થવાની સંભાવનાને ધ્યાનમાં રાખીને લેણ કરવાની ભલામણ કરવામાં આવી રહી છે.
JM Financial on LG Electronics India
JM Financial એ LG Electronics Indiaના શેર્સમાં લેણ કરવાની ભલામણ કરી છે. તેમાં લેવાલી કરવા માટે ‘Buy’ રેટિંગ સાથે જ ટાર્ગેટ પ્રાઇસ રૂ. 1,630 નક્કી કર્યો છે. આમ કંપનીના શેર્સના વર્તમાન બજાર ભાવમાં લગભગ 19 ટકાનો વધારો થવાની સંભાવના વ્યક્ત કરવામાં આવી છે.
Motilal Oswal on LTIMindtree
Motilal Oswal એ LTIMindtree પર ‘Buy’ જાળવી રાખ્યું છે અને ટાર્ગેટ પ્રાઇસ રૂ. 7,900 નક્કી કર્યો છે, જે વર્તમાન બજાર ભાવમાં લગભગ 23 ટકા અપસાઇડ સૂચવે છે. કંપનીના ડીલ રેમ્પ-અપ અને મોટા એકાઉન્ટ્સમાં સ્થિરતાથી આવનારા ત્રિમાસિકમાં પણ મજબૂત પ્રદર્શનની અપેક્ષા છે.
