શેરબજારમાં ટ્રેડિંગ કે ઇન્વેસ્ટમેન્ટ કરનારાઓ આ બે શેર્સ પર નજર રાખી શકે
શેરબજારમાં ટ્રેડિંગ કે ઇન્વેસ્ટમેન્ટ કરનારાઓ આ બે શેર્સ પર નજર રાખી શકે: કંપનીમાં આશિષ કચોલિયાનું મોટું રોકાણ છે.
વી-માર્ક ઇન્ડિયા લિમિટેડ
હરિદ્વાર સ્થિત આ કંપની વાયર અને કેબલ (કોપર, એલ્યુમિનિયમ વગેરે) ના ઉત્પાદન સાથે જોડાયેલી છે. આશિષ કચોલિયા ઓગસ્ટ૨૦૨૪માં પ્રેફરન્શિયલ એલોટમેન્ટ દ્વારા આ કંપનીમાં રોકણકાર તરીકે જોડાયા હતા અને હાલમાં તેઓ ૨.૭૧ ટકા હિસ્સો ધરાવે છે. ઓગસ્ટ ૨૦૨૧માં જે શેરનો ભાવ રૂ. ૬ હતો, તે ૪ ઓગસ્ટ ૨૦૨૬ સુધીમાં વધીને રૂ.૨૬૦ થયો છે—એટલે કે ૫ વર્ષમાં ૪,૨૦૦ ટકા વળતર આપ્યું છે.
નાણાકીય પાસાં (પોઝિટિવ/પ્લસ પોઇન્ટ્સ):
મજબૂત વૃદ્ધિ: છેલ્લા ૫ વર્ષમાં કંપનીનું વેચાણ ૬૦ ટકા અને નેટ પ્રોફિટ ૭૬ ટકાના ચક્રવૃદ્ધિ દર (CAGR) થી વધ્યું છે.
નાણાકીય વર્ષ ૨૦૨૬ના પરિણામ: વેચાણ બમણું થઈને રૂ. ૧,૭૯૭ કરોડ અને ચોખ્ખો નફો ૧૭૮ ટકા વધીને રૂ. ૧૦૦ કરોડ પહોંચ્યો છે.
રિટર્ન રેશિયો: ROE ~૪૨ ટકા અને ROCE ~૪૧ ટકા પર મજબૂત છે. કંપનીએ FY27 માટે ૪૦%+ રેવન્યુ ગ્રોથનું માર્ગદર્શન આપ્યું છે.
જોખમો અને નકારાત્મક પાસાં:
SME લિસ્ટિંગ અને પ્રમોટર પ્લેજ: SME પ્લેટફોર્મ પર હોવાના કારણે ઓછી લિક્વિડિટીનું જોખમ છે. પ્રમોટર્સે તેમના ૪૩ ટકા શેર ગીરો મૂકેલા છે અને દેવું વધીને રૂ. ૨૧૪ કરોડ થયું છે.
સરકારી તપાસ અને એકાઉન્ટિંગ સ્પષ્ટતા: મે ૨૦૨૬માં સ્ટોક એક્સચેન્જે પરિણામોના બેલેન્સિંગ ફિગર અંગે સ્પષ્ટતા માંગી હતી, જ્યારે જૂન ૨૦૨૬માં ઉત્તરાખંડ ટેક્સ ડિપાર્ટમેન્ટે કંપનીના સ્થળ પર સર્વે હાથ ધર્યો હતો.
મોંઘું વેલ્યુએશન: સ્ટોકનો PE ૨૯x ના ઉદ્યોગ સરેરાશ સામે ૩૮x પર ટ્રેડ થઈ રહ્યો છે.
તાનફેક ઇન્ડસ્ટ્રીઝ લિમિટેડ)
તમિલનાડુ સ્થિત આ કંપની ફ્લોરિન કેમિકલ્સ (જેમ કે એનહાઇડ્રસ હાઇડ્રોફ્લોરિક એસિડ) બનાવે છે, જે બેટરી, સોલાર, રેફ્રિજરન્ટ અને સેમિકન્ડક્ટર ચિપ ઉદ્યોગમાં વપરાય છે. આશિષ કચોલિયા આમાં ૧.૫ ટકાથી વધુ હિસ્સો ધરાવે છે. ઓગસ્ટ ૨૦૨૧માં રૂ. ૧૫૫ પર રહેલો આ શેર વધીને રૂ. ૩,૧૦૩ થયો છે—એટલે કે ૫ વર્ષમાં ૧,૯૦૦% (૨૦ ગણું) રિટર્ન આપ્યું છે.
નાણાકીય પાસાં:
લાંબા ગાળાનો ટર્નઅરાઉન્ડ: એક દાયકા પહેલા નુકસાનમાં રહેલી આ કંપનીએ દેવું ચુકવીને મજબૂત કમબેક કર્યું છે. ૫ વર્ષમાં સેલ્સ CAGR ૩૭ ટકા અને પ્રોફિટ CAGR ૩૩ ટકા રહ્યો છે.
કેપેક્સ અને ભવિષ્યની માંગ: કંપની ₹૪૯૫ કરોડના મોટા ડાઉનસ્ટ્રીમ વિસ્તરણ પર કામ કરી રહી છે, જે ૨૦૨૬ના અંત સુધીમાં શરૂ થવાની ધારણા છે.
જોખમો અને નકારાત્મક પાસાં:
નફામાં ઘટાડો (FY26): નાણાકીય વર્ષ ૨૦૨૬માં કંપનીનો નફો રૂ. ૮૮ કરોડથી ઘટીને રૂ. ૭૦ કરોડ થયો છે અને ઓપરેટિંગ માર્જિન ૨૪ ટકાથી ઘટીને ૧૬ ટકા થયો છે.
અતિશય મોંઘું વેલ્યુએશન: નફામાં ઘટાડો થયો હોવા છતાં, સ્ટોક ૯૭x ના ભારે PE (ઇન્ડસ્ટ્રી મીડિયન ૨૧x સામે) અને બુક વેલ્યુ કરતા ૧૩ ગણા ભાવે ટ્રેડ થઈ રહ્યો છે.
કેશ ફ્લો અને હિસ્સેદારી: કેપેક્સના કારણે ઋણ મુક્ત કંપની પર દેવું વધી રહ્યું છે અને ફ્રી કેશ ફ્લો નેગેટિવ બન્યો છે. વિસ્તરણ માટે ફંડ એકઠું કરવાથી પ્રમોટરનો હિસ્સો ઘટીને ૪૮.૭ ટકા થયો છે.
નિષ્કર્ષ: આશિષ કચોલિયાએ ખૂબ શરૂઆતના તબક્કે ઓછા ભાવે રોકાણ કર્યું હતું. હાલના સ્તરે V-Marc માં ગવર્નન્સ/રિપોર્ટિંગ અને Tanfac માં અતિશય મોંઘા વેલ્યુએશનનું જોખમ હોવાથી નવા રોકાણકારોએ સાવચેતી રાખવી પણ એટલીજ જરૂરી છે.
