સોનાની  તેજી હળવી થાય તો 3 માઇક્રો-કૅપ શેરમાં તેજી જોવાય

• 2026માં સોનાં-ચાંદી કરતાં વધુ ચમકી શકે એવા 3 માઇક્રો-કૅપ બ્રેકઆઉટ શેર, ત્રણેય શેર્સમાં અણધાર્યો ઊછાળો જોવા મળી શકે 

સોના-ચાંદીમાં 2025માં મજબૂત તેજી જોવા મળી છે. 2025ની સાલમાં સોનાના ભાવમાં 82 ટકાનો ઊછાળો આવ્યો છે. તેમ જ ચાંદીમાં 175 ટકાનો કદાવર વધારો જોવા મળ્યો છે. આમ કિંમતી ધાતુની તુલનાએ ઇક્વિટી બજાર ઘણું શાંત રહ્યું છે. હવે 2026 નજીક આવી રહ્યું છે ત્યારે ચાર્ટ પર નજર કરીએ તો કેટલાક અવગણાયેલા માઇક્રો-કૅપ શેરોમાં મજબૂતી દેખાઈ રહી છે. રોકાણકારો આ માઈક્રોકેપ શેર્સ તેના પોર્ટફોલિયોમાં કે વૉચલિસ્ટમાં ઉમેરી શકે છે.

2025ના વર્ષમાં નિફ્ટી 50માં લગભગ 10 ટકાનો વધારો થયો અને BSE સેન્સેક્સ આશરે 9 ટકા વધ્યો છે. ઇક્વિટી રોકાણકારો માટે આ વર્ષ બહુ શાનદાર ન હતું. જોકે લાંબા ગાળાના રોકાણકારોને બજારમાં ટકાવી રાખવા પૂરતું હતું. 2025ના અંત સુધીમાં મિડ-કૅપ અને સ્મોલ-કૅપ શેરોના ચાર્ટ્સ, લાર્જ-કૅપની સરખામણીએ નબળા રહ્યા હતા. સંખ્યાબંધ રોકાણકારોએ તેને “સેફ રમવાનો” સંકેત માની લીધો હતો. અનિશ્ચિતતાના સમયમાં પૈસા સામાન્ય રીતે કમ્ફર્ટ ઝોન તરફ જ જાય છે.

મિડ-કૅપ અને સ્મોલ-કૅપ દબાણમાં હોવા છતાં, કેટલાક માઇક્રો-કૅપ શેર શાંતિથી મજબૂત બનતા રહ્યા છે. 2026માં મિડ-કૅપ, સ્મોલ-કૅપ અને માઇક્રો-કૅપમાં ફરી તકો જોવા મળી શકે છે, કારણ કે સોના અને ચાંદીમાં margin of safety હવે વધુ જોખમ સૂચવે છે. એટલે માઇક્રો-કૅપની બજારમાં ચાલતી વાતોને સાંભળીને તેમાં રોકાણ કરવા માટે દોડવાને બદલે, સાપ્તાહિક, માસિક અને ત્રિમાસિક ચાર્ટ્સ પર આધારિત એક સરળ ટેકનિકલ ચેકલિસ્ટ અપનાવ્યું છે. તેને આધારે કયા શેર્સ રોકાણ કરવાને લાયક છે અને કયા નથી તે નક્કી કરી રહ્યા છીએ. રોકાણ કરવાને લાયક માઈક્રો કેપ શેર્સની પસંદગી નીચેની બાબતોને ધ્યાનમાં લઈને કરવામાં આવી છે.

એક, Weekly, Monthly અને Quarterly ચાર્ટ્સ પર RSI-રિલેટિવ સ્ટ્રેન્ગ્થ ઇન્ડેક્સ 60થી વધુ હોય તેવા શેર્સની પસંદગી કરવામાં આવી છે. રિલેટીવ સ્ટ્રેન્ગ્થ ઇન્ડેક્સ શેરના ભાવમાં થતી વધઘટની ઝડપનો અને ભાવમાં થતાં ફેરફારનો અંદાજ આપે છે. તેથી શેર ઓવરબોટ કે ઓવર સોલ્ડ છે તેનો અંદાજ આવી જાય છે. 14 દિવસના ગાળામાં થતી વધઘટને આધારે તેનો અંદાજ મૂકવામાં આવી રહ્યો છે. આરએસઆઈ 70 કે તેનાથી ઉપર હોય તો તે ઓવરવેલ્યુડ હોવાનું દર્શાવે છે. તેમ જ તેના ભાવમાં કરેક્શન આવવાની શક્યતાનો નિર્દેશ આપે છે. તેમ જ આરએસઆઈ 30થી નીચે હોય તો તે સ્ક્રિપનો ઓવરસોલ્ડ ગણવામાં આવે છે. તેમ જ શેર અન્ડરવેલ્યુડ હોવાનું જણાય છે. સામાન્ય રીતે આર.એસ.આઈ. 40થી 90ની રેન્જમાં રહે છે અને 40થી 50ની રેન્જને ટેકાના ભાવની સપાટી તરીકે જોવામાં આવે છે. તેમ જ 50થી 60ની રેન્જને પ્રતિકાર સપાટી તરીકે જોવામાં આવે છે. આરએસઆઈ 10થી 60ની વચ્ચે હોય તો તેમાં ઘટાડો જોવા મળી શકે છે. એસેટની કિંમત અને આરએસઆઈ પરસ્પર અલગ ડાયરેક્શનમાં જતાં જોવા મળે ત્યારે સ્ક્રિપ શક્તિશાળી હોવાનો નિર્દેશ મળે છે.

બે, Weekly, Monthly અને Quarterly ચાર્ટ્સ પર MACD Integer Line ઉપર હોવો અને Bullish Crossover હોય તેવા શેર્સની પસંદગી કરવામાં આવી છે. MACD Integer Line સામાન્ય રીતે તેની મધ્યમાં આવેલી ઝીરોની લાઈનની ઉપર અને નીચે ફરતી હોવાનું જોવા મળે છે. તેનાથી ઉપર જાય તો તેમાં ખરીદી કરવાની તક હોવાનો નિર્દેશ આપે છે. MACD Integer Line વિશેષ કરીને 12 વખતની સરેરાશ વધઘટની લાઈનનો નિર્દેશ આપે છે. બાર વખત થયેલી વધઘટ વચ્ચેના તફાવતનો નિર્દેશ આપે છે. તેમ જ 26 વખત થયેલી ભાવની વધઘટનો તફાવવતનો પણ નિર્દેશ આપે છે. MACD Integer Line ટ્રેડરને શેરની વધઘટના ડાયરેક્શન અને તાકાતનો  અંદાજ મેળવવામાં મદદ કરે છે. મધ્યમાં આવેલી ઝીરો લાઈનની ઉપર હોય તો તેમાં પોઝિટિવ ડેવલપમેન્ટ એટલે કે તેજીની ચાલ હોવાનો નિર્દેશ મળે છે. આજ રીતે ઝીરો લાઈનની નીચે હોય તો તેમાં મંદી હોવાનો નિર્દેશ મળે છે. શેર તેજીની દિશામાં વધતો હોય નવ વખત શેર્સમાં થયેલી વધઘટને આધારે નિર્દેશ આપે છે. તેમાં ઉપરની તરફ હોય તો તે શેર્સના ભાવમાંમ વધારો થવાની શક્યતા સાથે ખરીદી કરવાનો નિર્દેશ આપે છે. સેન્ટરમાં આવેલી ઝીરો લાઈનની ઉપર જાય તો પણ તેમાં તેજી થવાનો નિર્દેશ મળે છે. આ પ્રકારના સંકેતોને ટેકનિકલ એનાલિસિસ સાથે જોડીને જ ટ્રેડર્સે જોવા જોઈએ. તેમાંય ખાસ કરીને શેર્સમાં તોફાની વધઘટ હોય ત્યારે ટેક્નિકલ ચાર્ટ સાથે જોતરીને આ મુવમેન્ટનો અભ્યાસ કરવો જોઈએ.

માસિક ચાર્ટ પર એડીએક્સ 25થી વધારે હોય તો તે સ્ક્રિપને પસંદ કરી શકે છે. એડીએક્સ એવરેજ ડાયરેક્શનલ ઇન્ડેક્શ છે. તેમાં શેરનું મૂલ્ય 25થી વધારે હોય તો તેને શેરના ભાવની વધઘટ મજબૂતી તરફ આગળ થઈ રહી હોવાનો નિર્દેશ મળે છે. 25થી ઉપર જાય તો તેમાં ખાસ્સી મજબૂતી આવી રહી હોવાનો સંકેત મળે છે. એડીએક્સ 25થી નીચે આવી જાય તો તેના ભાવમાં નરમાઈ આવી રહી હોવાનો નિર્દેશ મળે છે.

આ ફિલ્ટર્સમાંથી પસાર થયા પછી નિફ્ટી માઇક્રો-કૅપ સેગમેન્ટના ત્રણ શેર ખાસ ઊભા રહ્યા હોવાનું જણાતા તેની પસંદગી કરવામાં આવી છે. આ કેટેગરીમાં આવતો પહેલો શેર સ્ટાર ફાર્મા સાયન્સ લિમિટેડ Strides Pharma Science Ltd (STAR) છે.

STAR – Monthly Chart

છેલ્લા થોડા મહિનાઓની વધઘટ અને મુવમેન્ટ STARને રસપ્રદ બનાવે છે. Strides Pharmaના શેરની કિંમત માસિક ચાર્ટ પર 14 વર્ષના ભાવ રેન્જમાંથી બહાર નીકળી છે. પરિવર્તન માટેની લાંબી રાહ  જોવડાવ્યા બાદ 14 વર્ષ પછી સ્ટાર-સ્ટ્રાઈડ ફાર્મા સાયન્સ લિમિટેડે બ્રેકઆઉટ બતાવ્યો છે. લાંબા consolidation પછી જ્યારે બ્રેકઆઉટ આવે છે, ત્યારે ચાલ સામાન્ય રીતે મોટી અને લાંબા સમય સુધી ચાલતી હોય છે. જો momentum ચાલુ રહે, તો STAR 2026 દરમિયાન લાંબા ગાળે રોકાણકારોને મજબૂત રનથી આશ્ચર્યચકિત કરી શકે છે.

આ કેટેગરીમાં આવતો બીજો શેર Cemindia Projects Ltd (CEMPRO) છે.

CEMPRO – Monthly Chartમાંથી મળતા નિર્દેશ મુજબ નવેમ્બર 2023માં Cemindiaનો શેર ઘણા વર્ષો પછી પહેલી વખત બ્રેકઆઉટ થયો હતા. ત્યારબાદ શેર મજબૂત રહ્યો છે. 2025માં સતત બજારને outperform કરી રહ્યો હોવાનું દર્શાવે છે કે રોકાણકારો ધીરજ રાખી રહ્યા છે અને ઉતાવળમાં વેચી રહ્યા નથી. ટેકનિકલ દૃષ્ટિએ ₹700 આસપાસના ડિપ્સ લેવલ લાગે છે જ્યાં ખરીદદારો સક્રિય થાય છે. જો હાલની ચાલ અને ચાર્ટની રચના જળવાઈ રહે તો ચાર્ટ્સ સૂચવે છે કે 2026માં ભાવ ₹1,300 થી ₹1,400 સુધી પહોંચવાની સંભાવના છે.

આ કેટેગરીમાં આવતો બીજો શેર Sandur Manganese and Iron Ores Ltd (SANDUMA) છે.

2023માં NSE પર લિસ્ટિંગ થયા પછી જ બજારનું ધ્યાન Sandur Manganese તરફ ગયું. શેર માત્ર ત્રણ મહિનામાં ₹80થી ₹200 સુધી પહોંચી ગયો અને ઘણા લોકોને લાગ્યું કે હવે રમત પૂરી થઈ ગઈ છે. પરંતુ શેરે વધુ સારો રસ્તો પસંદ કર્યો હોવાનું જણાય છે.

SANDUMA – Monthly Chart

ફેબ્રુઆરી 2024થી ઓક્ટોબર 2025 સુધી ભાવ એક જ રેન્જમાં રહ્યા, જે એક ક્લાસિક “re-accumulation phase” કહેવાય છે. ₹215 ઉપર ભાવ ગયા ત્યારે ટ્રેન્ડ પૂર્ણ થયો નહોતો, માત્ર થોભી ગયો હતો. આ બ્રેકઆઉટ 2026માં પણ મજબૂતી ચાલુ રહેવાની શક્યતા દર્શાવે છે.

🔹 2026માં આ શેર ઉમેરવા માટે તમે તૈયાર છો?

બજાર હંમેશાં આપણું અનુમાન સાચું સાબિત કરતું નથી એ આપણે 2025માં શીખી લીધું છે.  માઇક્રો-કૅપ્સ ઝડપથી ઉત્સાહિત થવા માટે નથી. તે શરૂઆતમાં મજબૂતી ઓળખી, તેને વિકસવા માટે સમય આપવા વિશે છે. આ ત્રણ શેર બતાવે છે કે જ્યારે સોનું હેડલાઇનમાં હોય, ત્યારે પણ ઇક્વિટી તકો ક્યારેય ગાયબ થતી નથી. તે શાંતિથી રાહ જુએ છે.