સતત ઘટી રહેલા બે શેર્સમાં કયો સાયલન્ટ ઇન્વેસ્ટર ઇન્વેસ્ટમેન્ટ કરી રહ્યો છે?

ભારતના શેરબજારના જાણીતા રોકાણકારોમાં રાધાકૃષ્ણ દામાણી કે પછી રાકેશ ઝૂનઝૂનવાલાના નામ જાણીતા છે. હવે બજારમાં કોઈક ઇન્વેસ્ટર સાયલન્ટ વૉરન બફેટની માફક ઇન્વેસ્ટમેન્ટ કરી રહ્યો છે. હા, તેનું નામ આકાશ ભાનુશાળી છે. આજે આકાશ ભાનુશાળીનો પોર્ટફોલિયો રૂ. 5700 કરોડનો છે. તેમના પોર્ટફોલિયોમાં સ્થાન મેળવી ચૂકેલી બે કંપનીઓના શેર વર્તમામ બજાર ભાવ તેના ઓલ-ટાઈમ હાઈથી 30 ટકાથી 46 ટકા સુધી નીચે ટ્રેડ થઈ રહ્યા છે. સામાન્ય રોકાણકારો માટે તો આ ભયજનક સ્થિતિ હોય છે, પરંતુ ભાનશાળી હજુ પણ આ શેર વેચવા તૈયાર નથી.

હવે સવાલ એ થાય છે કે શું આ શેર ખરાબ છે?  કે પછી આ એક મોટો ટર્નઅરાઉન્ડ શેર બની શકે છે.? આકાશ ભાનુશાળી લાંબા ગાળાના રોકાણ અને કોમ્પાઉન્ડિંગ પર વિશ્વાસ રાખે છે. આ જ તેમનો રોકાણ માટેનો અભિગમ છે. મજબૂત વિશ્વાસ સાથે લાંબા સમય સુધી રોકાણ જાળવી રાખવામાં આકાશ ભાનુશાળી માને છે. હાલના માર્કેટ વોલેટિલિટી વચ્ચે તેમનું પોર્ટફોલિયો હવે ઘણા સ્માર્ટ રોકાણકારોનું ધ્યાન ખેંચી રહ્યું છે.

આ કંપનીઓમાંની એક Gujarat Fluorochemicals Limited છે. કંપની ગ્રીન એનર્જી તરફ જઈ રહી છે.

આમ તો આ કંપની 2018માં સ્થાપિત અને INOX ગ્રુપનો ભાગ છે. Gujarat Fluorochemicals Limited ભારતની અગ્રણીઓમાંની એક કેમિકલ કંપની છે. તેના મુખ્ય ઉત્પાદનોમાં ફ્લુઓરો-પોલિમર્સ, સ્પેશિયાલિટી કેમિકલ્સ અને રેફ્રિજરન્ટ્સનો સમાવેસ થાય છે. કંપની માત્ર ભારતના સ્તરે જ નહિ. વૈશ્વિક સ્તરે હાજરી ધરાવે છે. તેના ઉત્પાદનોની યુરોપ, અમેરિકા, જાપાન અને એશિયામાં નિકાસ થાય છે. હવે કંપની ગ્રીન એનર્જી તરફ ઝડપથી આગળ વધી રહી છે. કંપની હવે માત્ર કેમિકલ બિઝનેસ સુધી સીમિત રહી નથી. કંપની ગ્રીન એનર્જીમાં મોટો પ્લેયર બનવાની દિશામાં આગળ વધવાનો પ્રયાસ કરી રહી છે.

કંપની સોલાર પેનલ માટે જરૂરી PVDF મટિરિયલ બનાવે છે. બેટરી સ્ટોરેજ માટે મહત્વપૂર્ણ કાચો માલ પૂરો પાડે છે. કંપનીએ સોલાર મેન્યુફેક્ચરિંગ માટે રૂ.1,500 કરોડનું ઇન્વેસ્ટમેન્ટ કર્યું છે. કંપની 2026ના અંત સુધીમાં 5 GW ક્ષમતા હાંસલ કરવાનો લક્ષ્ય ધરાવે છે. આ બધાની મદદથી કંપની એક “એન્ડ-ટુ-એન્ડ ગ્રીન એનર્જી ઇકોસિસ્ટમ” બનાવી રહી છે.

2020-21થી 2024-25ના ગાળામાં કંપનીના વેચાણમાં, આવકમાં અને નફામાં મજબૂત વધારો જોવા મળ્યો છે. 2020-21માં કંપનીનું વેચાણ રૂ. 2606 કરોડનું હતું. તે 2025-26માં વધીને રૂ. 4737 કરોડ થયું છે. આ ગાળા દરમિયાન તેનો સર્વગ્રાહી વિકાસ દર-સીએજીઆર અંદાજે 13 ટકાનો રહ્યો છે. ઈબીઆઈટીડીએ-એબેટા-વેરા પહેલાનો નફો વધીને રૂ. 1100 કરોડનો થયો છે. તેમાં 20 ટકાનો સરેરાશ વધારો જોવા મળ્યો છે.

કંપનીનો નફામાં ચઢાવ-ઉતાર

2020-21             રૂ. 189 કરોડ

2021-22              રૂ. – 222 કરોડ

2022-23             રૂ. 776 કરોડ

2023-24             રૂ. 1323 કરોડ

2024-25             રૂ. 435 કરોડ

2025-26             રૂ. 546 કરોડ

શેરના ભાવમાં વધઘટ

2021માં કંપનીના શેરનો ભાવ રૂ. 580નો હતો. 2026માં શેરનો ભાવ વધીને રૂ. 3232 થઈ ગયો છે.  પ્રાઈસ મૂવમેન્ટ દરમિયાન શેરનો ભાવમાં 450 ટકાથી વધુનો વધારો જોવા મળ્યો છે. અત્યારે શેરન ભાવ રૂ. 4881ના ઓલ ટાઈમ હાઈ પ્રાઈસ કરતાં 34 ટકા ઓછો છે.

શેરના ભાવમાં થયેલા ઘટાડાના કારણોમાં ઊંડા ઉતરીએ. કંપનીના રેફ્રિજરન્ટ બિઝનેસમાં માર્જિન ઘટી ગયા છે. ગ્લોબલ ક્વોટામાં ઘટાડો થયો છે. કાચા માલની કિંમત ખાસ્સી વધી ગઈ છે. તદુપરાંત અમેરિકાની ટેરિફના દરે તેની સામે નવો ખતરો ઊભો કર્યો છે. પરિણામે કંપનીના શેરબજારના પરફોર્મન્સની બાબતમાં રોકાણકારોનો વિશ્વાસ થોડો ઓછો થયો છે.

રોકાણ કરાય કે ન કરાય

હવે સવાલ એ છે કે આ શેરમાં વર્તમાન ભાવ સપાટીએ રોકાણ કરાય કે ન કરાય. આકાશ ભણશાળી માટે આ શેર લાંબી રેસનો મજબૂત ઘોડો છે. કંપનીનો ગ્રીન એનર્જી પ્લાન સફળ થાય તો કંપનીને મોટો ફાયદો થઈ શકે છે. બીજીતરફ નફામાં અસ્થિરતા ચાલુ રહે તો કંપનીના પરફોર્મન્સ સામે જોખમ ઊભું જ રહેશે.

આકાશ ભાનશાલી પોર્ટફોલિયો, સાઇલેન્ટ બફેટ ભારત, ગુજરાત ફ્લુઓરોકેમિકલ્સ શેર, ભારતીય શેરબજાર રોકાણકાર, મલ્ટિબેગર શેર ભારત, ઘટેલા શેર, શેરબજાર વિશ્લેષણ, લાંબા ગાળાનું રોકાણ, વેલ્યુ ઇન્વેસ્ટિંગ ભારત, ગ્રીન એનર્જી શેર, સોલાર એનર્જી શેર, PVDF મટિરિયલ, કેમિકલ સેક્ટર ભારત, સ્પેશિયાલિટી કેમિકલ્સ, શેરમાં ઘટાડો, ખરીદો કે વેચો શેર, હાઈ કોન્ફિક્શન રોકાણ, શેરબજાર 2026, ટોપ રોકાણકાર ભારત, ઝુન્ઝુનવાલા તુલના, દામાણી સ્ટ્રેટેજી, માર્કેટ વોલેટિલિટી, ટર્નઅરાઉન્ડ શેર, અન્ડરવેલ્યુડ શેર, ઇક્વિટી માર્કેટ સમાચાર, શેરબજાર ટીપ્સ, પોર્ટફોલિયો વિશ્લેષણ, શ્રેષ્ઠ શેર 2026, મિડકૅપ વિશ્લેષણ, રોકાણ માર્ગદર્શન, ફાઇનાન્સિયલ એનાલિસિસ, EBITDA વૃદ્ધિ, નફામાં વૃદ્ધિ, માર્કેટ ઇન્સાઇટ્સ, રોકાણ સ્ટ્રેટેજી, કેમિકલ ઉદ્યોગ, રિન્યુએબલ એનર્જી, સોલાર મેન્યુફેક્ચરિંગ, બેટરી મટિરિયલ, શેર ભાવ ઘટાડો, માર્કેટ ટ્રેન્ડ, લાંબા ગાળાની સંપત્તિ, કોમ્પાઉન્ડિંગ સ્ટ્રેટેજી, રોકાણ તક, જોખમ અને નફો, અન્ડરવેલ્યુડ તક, રોકાણ વિચારો, શેરબજાર સમાચાર, ઇક્વિટી રોકાણ ટીપ્સ, મલ્ટિબેગર તક,

નેટ પ્રોફિટ બાબતમાં કંપનીની સ્થિતિ થોડી અસ્થિર દેખાય છે, કારણ કે છેલ્લા 5 વર્ષમાં નફામાં ભારે ઉતાર-ચઢાવ જોવા મળ્યો છે. નાણાંકીય વર્ષ 2025-26ના પ્રથમ 3 ક્વાર્ટર (ડિસેમ્બર 2025 સુધી)માં કંપનીએ રૂ. 465 કરોડનો નફો નોંધાવ્યો છે. 2020-21માં નુકસાનમાંથી 2022-23માં રૂ. 1,323 કરોડ સુધીનો મોટો ઉછાળો આવ્યો હતો. પરંતુ 2023-24માં ફરી મોટો ઘટાડો જોવા મળ્યો હતો. આ ઘટાડાએ શેરના ભાવ પર અસર કરી હતી. છેલ્લા થોડા મહિનામાં શેરમાં ભારે ઘટાડો થયો છે. હાલમાં શેર તેની ઓલ-ટાઈમ હાઈ રૂ. 4,881થી લગભગ 34 ટકા નીચે ટ્રેડ થઈ રહ્યો છે. તેના કારણો જોઈએ તો રેફ્રિજરન્ટ સેગમેન્ટમાં માર્જિન ઘટાડો થયો છે. બીજું, સીઝનલ કમજોરી પણ જોવા મળી રહી છે. કંપનીના પ્રમોટરના શેર્સ-સ્ટેક વેચાણ કરવામાં આવ્યું છે. તેમ જ ભારતીય બજારમાં વોલેટિલિટી-અફરાંતફરી પણ તેને માટે જવાબદાર છે. શેરની કિંમત હવે કંપનીની હાલની સ્થિતિ અને પડકારોને અનુરૂપ બની રહી છે

કંપનીના શેરનો ભાવ તેના વર્તમાન PEથી 53 ગણો છે. આ જ ઇન્ડસ્ટ્રી સરેરાશ પીઈ 25 ગણો છે. કંપનીનો 10 વર્ષનો સરેરાશ PE 47 ગણો છે. આમ શેર હજુ પણ મોંઘો ગણાય છે.

One 97 Communications (Paytm) – 46% ઘટાડા છતાં નવી શરૂઆત?

• કંપનીની સ્થાપના: 2000ની સાલમાં કરવામાં આવી હતી. તેનું બજાર મૂડીકરણ-માર્કેટ કેપ અત્યારે રૂ. 67,298 કરોડની આસપાસનું છે. તેની માલિકી પે ટીએમ બ્રાન્ડની છે. આ કંપનીના અંદાજે 1.24 શેર્સ આકાશ ભાનુશાળી પાસે છે. આ શેર્સનું કુલ મૂલ્ય રૂ. 835 કરોડની આસપાસનું થવા જાય છે.
• ⚠️ મોટો ઝટકો – RBI કાર્યવાહી

રીઝર્વ બેન્ક ઓફ ઇન્ડિયાએ પે ટીએમ પેમેન્ટ બેન્ક પર પ્રતિબંધ મૂકાતા કંપનીને મોટો ઝટકો લાગ્યો છે. તેથી કંપનીને પોતાનું બેન્કિંગ મોડલ બંધ કરવું પડ્યું છે. તેમ જ અન્ય બેન્ક સાથે ભાગીદારી કરવી પડી છે. કંપનીએ હાઈ-માર્જિન બિઝનેસ ગુમાવ્યો છે. કંપની હવે બિઝનેસ મોડેલમાં ફેરફાર કરવા પર ફોકસ કરી રહી છે. લોન, ઇન્શ્યોરન્સ, હાઈ-માર્જિન ફાઇનાન્સિયલ સર્વિસ અને ખર્ચ ઘટાડવા પર ફોકસ કરી રહી છે. તેમ જ નોકરીઓમાં કપાત કરી રહી છે. તદુપરાંત નોન-કોર એસેટનું વેચાણ પણ કરી રહી છે.

કંપનીની નાણાંકીય સ્થિતિ

કંપનીનું વેચાણ 2020માં રૂ. 3279 કરોડ હતું તે 2025-26માં વધીને રૂ. 6900 કરોડને વટાવી જાય તેમ લાગી રહ્યું છે. ચાલુ નાણાંકીય વર્ષના પહેલા ત્રિમાસિક ગાળામાં કંપનીએ રૂ. 6173 કરોડનું વેચાણ કરી લીધું છે. કંપનીનો વેરા પહેલાનો નફો વધી રહ્યો છે. 2020માં માઈનસ 2685 કરોડ હતો તે 2024-25માં માઈનસ 1506 કરોડ પર આવી ગયો છે. 2025-26ના પહેલા નવા માસમાં કંપનીએ રૂ. 367 કરોડનો નફો કર્યો છે. દસ વર્ષમાં પહેલીવાર કંપનીએ નફો કર્યો છે. 2021-માં લિસ્ટ થયેલી કંપનીના શેરનો ભાવ 25મી માર્ચ 2026ના રૂ. 1051નો હતો. તેના શેરના ભાવમાં 46 ટકાનો ભારે ઘટાડો જોવા મળ્યો છે. શેરનો વર્તમાન બજાર ભાવ તેના ઓલ-ટાઈમ હાઈ રૂ. 1,961થી 46 ટકાનો ઘટાડો દર્શાવી રહ્યો છે. કંપનીએ ખર્ચ ઘટાડીને નફો કર્યો છે. હવે સરકારી સબસિડી બંધ થવાની ભીતિ કંપનીને સતાવી રહી છે. કંપનીએ ગેમિંગ બિઝનેસમાં નુકસાન બહુ જ કર્યું છે. તેથી મોટા રોકાણકારો પણ તેમના સ્ટેક ઘટાડી રહ્યા છે. કંપનીના શેરનું મૂલ્ય તેના પીઈના 124 ગણો છે. ઇન્ડસ્ટ્રીઝના પીઈની તુલનાએ 20 ગણો છે. આ સ્થિતિમાં કંપનીના શેરનો ભાવ વર્તમાન બજાર ભાવે પણ અત્યંત મોંઘો જણાય છે. છતાં આકાશ ભાનુશાળી લાંબા ગાળાનો દ્રષ્ટિકોણ રાખીને તેમાં રોકાણ કરી રહ્યા છે.

ટૂંકમાં ગુજરાત ફ્લુરોકેમિકલ ગ્રીન એનર્જી પર મોટો દાવ લગાડી રહી છે. તેથી લાંબા ગાળે મોટી તક મળી શકે છે. તેમ જ પે ટીએમમાં દસ વર્ષની નુકસાની પછી પછી નફો શરૂ થયો છે. જોકે હજુ પણ તેના પરફોર્મન્સમાં અનિશ્ચિતતા વધારે જ છે. રોકાણકારોને માટે શું આ સસ્તા ભાવે રોકાણ કરવાની સોનેરી તક છે? કે પછી ઇન્વેસ્ટર માટે તે વેલ્યુ ટ્રેપ બની જાય તેવી શક્યતા છે? રોકાણકારો અત્યારે તો આ બંને શેરને તેમના વૉચલિસ્ટમાં રાખી શકે છે. આ કંપનીઓના આવનારા વાર્ષિક અને તે પછીના ત્રિમાસિક પરિણામો પર નજર રાખવી જોઈએ. શેરનો ભાવ નહિ, કંપનીનો બિઝનેસ કેવું પરફોર્મ કરી રહ્યો છે તેના પર ફોકસ કરો.