આગામી સાત દિવસ વરસાદ વિના કોરાં રહેવાની સંભાવનાઃ હવામાન કચેરી
ચોમાસું ક્યાં ગાયબ છે?, આગામી એક સપ્તાહ સુધી ભારતમાં ચોમાસાના વ્યાપક પુનરાગમનની કોઈ શક્યતા ન હોવાથી ખરીફ વાવણી પર અસર પડવાની સંભાવના જોવામાં આવી રહી છે.
ચોમાસાની ગતિમાં આવેલો વિરામ નિયમિત વરસાદ પર નિર્ભર વિસ્તારોમાં ખરીફ પાકની વાવણીને પ્રભાવિત કરી શકે છે, ખાસ કરીને જો આ સૂકું વાતાવરણ આગામી સપ્તાહ પછી પણ ચાલુ રહેશે તો ચિંતા વધશે. જુલાઈ મહિનો ડાંગર (પૅડી), સોયાબીન, કપાસ અને કઠોળ જેવા પાકો માટે અત્યંત મહત્વનો છે, જેથી મોસમના કુલ વરસાદ જેટલું જ વરસાદનું સમાન વિતરણ પણ અગત્યનું બની જાય છે. ચોમાસું ક્યાં ગાયબ છે?, આગામી એક સપ્તાહ સુધી ભારતમાં ચોમાસાના વ્યાપક પુનરાગમનની કોઈ શક્યતા ન હોવાથી ખરીફ વાવણી પર અસર પડવાની સંભાવના જોવામાં આવી રહી છે.
ભારતીય હવામાન વિભાગ (IMD) ની આગાહી અનુસાર, દેશના મોટાભાગના વિસ્તારોમાં દક્ષિણ-પશ્ચિમ ચોમાસું (Southwest Monsoon) આગામી ઓછામાં ઓછા એક સપ્તાહ સુધી નબળું પડવાની ધારણા છે, અને મોટાભાગના પ્રદેશોમાં વરસાદી પ્રવૃત્તિમાં કોઈ મોટો સુધારો જોવા નહીં મળે. સમગ્ર દેશમાં ચોમાસાની ઝડપી પ્રગતિ થયા બાદ આ લાંબો શુષ્ક ગાળો આવ્યો છે, જેણે વરસાદ આધારિત ખેતી કરતા વિસ્તારોમાં ચિંતા વધારી દીધી છે. ભારતીય હવામાન કચેરીના નિષ્ણાતોના જણાવ્યા અનુસાર, ચોમાસાને ફરીથી સક્રિય કરી શકે તેવી કોઈ મજબૂત હવામાન પ્રણાલી- વેધર સિસ્ટમ સક્રિય ન હોવાને કારણે આગામી છ થી સાત દિવસ દરમિયાન મધ્ય, પશ્ચિમ અને દ્વીપકલ્પ (પેનિનસ્યુલર) ભારતમાં વરસાદ ઓછો રહેશે.
સૂકો ગાળો ખરીફ વાવણીને અસર કરી શકે છે
વરસાદના આ લાંબા વિરામથી નિયમિત વરસાદ પર આધારિત વિસ્તારોમાં ખરીફ વાવણી પર માઠી અસર પડી શકે છે. ડાંગર, સોયાબીન, કપાસ અને કઠોળ જેવા મુખ્ય પાકો માટે જુલાઈ મહિનો ખૂબ જ કટોકટીપૂર્ણ હોય છે. હવામાન વિભાગે વરસાદના આ નબળા તબક્કા માટે વાતાવરણની એવી પરિસ્થિતિઓને જવાબદાર ગણાવી છે, જે બંગાળની ખાડી (Bay of Bengal) માં લો-પ્રેશર સિસ્ટમ (હળવા દબાણનો પટ્ટો) બનવા માટે સાનુકૂળ નથી. સામાન્ય રીતે આ લો-પ્રેશર સિસ્ટમ જ મધ્ય અને ઉત્તર-પશ્ચિમ ભારતમાં વ્યાપક વરસાદ લાવતી હોય છે.
કેટલાક વિસ્તારોમાં ભારે વરસાદ ચાલુ રહેશે
જ્યારે દેશના મોટાભાગના ભાગોમાં સામાન્ય કરતાં ઓછો વરસાદ થવાની સંભાવના છે, ત્યારે ઉત્તર-પૂર્વીય રાજ્યો, પૂર્વીય ભારત ગંગાના મેદાની વિસ્તારો, હિમાલયની તળેટીના પશ્ચિમ બંગાળ (Sub-Himalayan West Bengal), સિક્કિમ, બિહાર અને પૂર્વીય ઉત્તર પ્રદેશમાં આગામી થોડા દિવસો દરમિયાન મધ્યમથી ભારે વરસાદ ચાલુ રહેવાની ધારણા છે.
IMD એ સપ્તાહાંત (વીકેન્ડ) દરમિયાન ઉત્તર-પૂર્વીય ભારત, બિહાર, પૂર્વીય ઉત્તર પ્રદેશ, પશ્ચિમ બંગાળના હિમાલયન વિસ્તારો અને સિક્કિમના કેટલાક ભાગોમાં છૂટાછવાયા સ્થળોએ ભારેથી અતિભારે વરસાદની આગાહી પણ કરી છે. આ સાથે જ પૂર્વીય અને હિમાલયન રાજ્યોમાં તેજ પવન સાથે ગાજવીજ થવાની સંભાવના છે.
