નિફ્ટીમાં હજુ ૫% ના ઘટાડાનું જોખમ? આ અઠવાડિયે કેવી રહેશે બજારની ચાલ

નિફ્ટીમાં હજુ ૫% ના ઘટાડાનું જોખમ? આ અઠવાડિયે કેવી રહેશે બજારની ચાલ

મુંબઈ: વૈશ્વિક અનિશ્ચિતતાઓ, ક્રૂડ ઓઈલના વધતા ભાવ અને વિદેશી રોકાણકારોની સતત વેચવાલીના કારણે ભારતીય શેરબજારમાં ટૂંકા ગાળા માટે નરમ કે મંદીનો ટ્રેન્ડ જળવાઈ રહેવાની શક્યતા છે. સપ્તાહના પ્રથમ દિવસે જ ભારતીય શેરબજારે શરૂઆતનો સુધારો ગુમાવીને મોટો ઘટાડો નોંધાવ્યો હતો. બીએસઈ સેન્સેક્સ ૫૪૭.૬૫ પોઈન્ટ (૦.૭૬ ટકા) ઘટીને ૭૧,૯૨૪.૬૮ પર અને એનએસઈ નિફ્ટી ૧૫૭.૧૦ પોઈન્ટ (૦.૭૦ ટકા) ના ઘટાડા સાથે ૨૨,૩૬૩.૩૫ ની સપાટીએ બંધ રહ્યો હતો.

બજારના નિષ્ણઆતોનું કહેવું છે કે ટૂંકા ગાળામાં નિફ્ટીમાં વધુ ૫ ટકા સુધીનો ઘટાડો જોવા મળી શકે છે. તેના કારણોમાં ઊંડા ઉતરીએ. એક, અમેરિકા દ્વારા રશિયન ક્રૂડ ઓઈલ સંબંધિત સંભવિત ટેરિફ (જકાત)ની કાર્યવાહી અંગેની અનિશ્ચિતતા ભારતીય બજાર માટે સૌથી મોટું જોખમ બની રહી છે. બે, આંતરરાષ્ટ્રીય બજારમાં ક્રૂડ ઓઈલના ભડકા અને શિપિંગ (દરિયાઈ પરિવહન)ના વધેલા ખર્ચના કારણે ઈનપુટ કોસ્ટ વધી રહી છે, જેની અસર ભારતીય અર્થતંત્ર અને કોર્પોરેટ નફાકારકતા પર પડી રહી છે. ત્રણ, જો બજારમાં વધુ ઘટાડો થશે અને મ્યુચ્યુઅલ ફંડના વળતર નકારાત્મક બનશે, તો રોકાણકારોનો વિશ્વાસ ડગમગી શકે છે. તેથી જ એસઆઈપી દ્વારા આવતું રોકાણ ધીમું પડી શકે છે અને મ્યુચ્યુઅલ ફંડમાંથી ઉપાડ વધી શકે છે. જો આવું થશે તો FII ની સાથે સ્થાનિક સંસ્થાકીય રોકાણકારો-ડોમેસ્ટિક ઇન્સ્ટિટ્યૂશનલ ઇન્વેસ્ટર્સ પણ વેચવાલીના મૂડમાં આવી શકે છે, જે બજાર પર ભારે દબાણ લાવશે.

આગામી અઠવાડિયામાં નિફ્ટીની ચાલ કેવી રહેશે?

ટૂંકા ગાળાનો ટ્રેન્ડ: આગામી અઠવાડિયે નિફ્ટીમાં વોલેટિલિટી (ઉતાર-ચઢાવ) વધુ રહેશે અને ઉપલી સપાટીએથી વેચવાલીનું દબાણ જોવા મળી શકે છે. જો નિફ્ટી ૨૨,૩૦૦ ની મહત્વની સપોર્ટ સપાટી તોડશે, તો તેમાં વધુ ૫ ટકાનો ઘટાડો (જે નિફ્ટીને ૨૧,૨૦૦ – ૨૧,૩૦૦ ની રેન્જ તરફ લઈ જઈ શકે છે) તેવી શક્યતા છે.

મિડકેપ અને સ્મોલકેપમાં સ્થિરતા: બેન્ચમાર્ક ઈન્ડેક્સમાં ઘટાડો હોવા છતાં, બ્રોડર માર્કેટમાં સ્થિરતા જોવા મળી છે. સપ્તાહના પ્રથમ દિવસે નિફ્ટી મિડકેપ ૧૦૦ માં ૦.૦૮ ટકા અને નિફ્ટી સ્મોલકેપ ૧૦૦ માં ૧.૪૨ ટકાનો ઉછાળો નોંધાયો હતો, જે દર્શાવે છે કે નાના અને મધ્યમ શેરોમાં નીચલી સપાટીએ ખરીદી જળવાઈ રહી છે.

મજબૂત સપોર્ટ ફેક્ટર્સ: ભારતીય રૂપિયાની મજબૂતી અને મ્યુચ્યુઅલ ફંડ્સમાં સિસ્ટમેટિક ઈન્વેસ્ટમેન્ટ પ્લાન (SIP) દ્વારા થઈ રહેલું રેકોર્ડ રોકાણ બજારને નીચલા મથાળે મોટો કડાકો બોલતા અટકાવી રહ્યું છે.

રોકાણકારો માટે એક્સપર્ટની સલાહ: શેરબજારના નિષ્ણાતોનું કહેવું છે કે ભારતની લાંબા ગાળાની ગ્રોથ સ્ટોરી મજબૂત છે. આથી, હાલની અનિશ્ચિતતા વચ્ચે રોકાણકારોએ આક્રમક રીતે એકસાથે નાણાં રોકવાને બદલે ધીમે-ધીમે (Progressively) રોકાણ કરવું જોઈએ અને માત્ર ફંડામેન્ટલી મજબૂત (મૂળભૂત રીતે સક્ષમ) શેરો પર જ ધ્યાન કેન્દ્રિત કરવું જોઈએ.

Share on Social Media

નિફ્ટીમાં હજુ ૫% ના ઘટાડાનું જોખમ? આ અઠવાડિયે કેવી રહેશે બજારની ચાલ

Most Popular