શેડોફેક્સ ટેક્નોલોજીસ IPO સબસ્ક્રિપ્શન માટે ખૂલી ગયો

કંપનીના નાણાંકીય પરફોર્મન્સને ધ્યાનમાં લેતા ટૂંકા ગાળા માટે નહિ પરંતુ લાંબા ગાળા માટે તેના શેર્સમાં રોકાણ કરી શકાય

અમદાવાદઃ લોજિસ્ટિક્સના ક્ષેત્રની કંપની શેડોફેક્સ ટેક્નોલોજીસનો IPO આજે સબસ્ક્રિપ્શન માટે ખૂલી ગયો છે. પબ્લિક ઇશ્યૂમાં 22 જાન્યુઆરી સુધી સબસ્ક્રાઈબ કરી શકાશે. કંપનીએ શેરદીઠ રૂ. 118 થી રૂ. 124નો ભાવબૅન્ડ નક્કી કર્યો છે. હાલમાં IPOનું ગ્રે માર્કેટ પ્રીમિયમ (GMP) અંદાજે 9  ટકા જેટલું એટલે કે રૂ. 11ની આસપાસ બોલાઈ રહ્યું છે. આ IPOનું કુલ કદ રૂ. 1,907.27 કરોડનું છે. તેમાં રૂ. 1,000 કરોડનો 8.6 કરોડ ફ્રેશ શેર્સનો ઇશ્યૂ અને રૂ. 907 કરોડના 7.32 કરોડ શેર ઓફર ફોર સેલ (OFS)ના માધ્યમથી વર્તમાન શેરહોલ્ડર્સ વેચાણ કરશે. શેર્સનું એલોટમેન્ટ 23 જાન્યુઆરીએ નક્કી થવાની શક્યતા છે અને કંપનીના શેર 28 જાન્યુઆરીએ BSE અને NSE પર લિસ્ટ થવાની સંભાવના છે.

IPOની મુખ્ય વિગતો

• ભાવબૅન્ડ: રૂ. 118 – 124 પ્રતિ શેર
• IPO તારીખ: 20 થી 22 જાન્યુઆરી 2026
• GMP: લગભગ 9%
• 120 શેર્સનો લોટ, મિનિમમ અરજી રૂ. 14,880
• એચએનઆઈ મિનિમમ 1680 શેર્સ રૂ. 2,08,320
• મોટા એચએનઆઈ 8160 શેર્સ, રૂ. 10,11,840
• આઈપીઓ પૂર્વેનું બજારમૂડીકરણ રૂ. 168.85 કરોડ
• એલેટમેન્ટ 23મી જાન્યુઆરી
• રિફંડ 27મી જાન્યુઆરી
• શેર જમા મળશે 27મી જાન્યુઆરી
• લિસ્ટિંગ 28મી જાન્યુઆરી

નાણાંનો ઉપયોગ ક્યાં થશે

ફ્રેશ ઇશ્યૂમાંથી મળનાર રકમનો મોટો હિસ્સો ડિલિવરી નેટવર્કના વિસ્તરણ માટે વાપરવામાં આવશે. રૂ. 423 કરોડ નવા ફર્સ્ટ-માઇલ, લાસ્ટ-માઇલ અને સોર્ટિંગ સેન્ટર બનાવવા માટે ખર્ચાશે. રૂ. 138 કરોડ ઈન્ફ્રાસ્ટ્રક્ચરના લીઝ પેમેન્ટ માટે અને રૂ. 88 કરોડ બ્રાન્ડિંગ તથા માર્કેટિંગ માટે ફાળવવામાં આવ્યા છે. આ IPO માટે ICICI Securities લીડ મેનેજર છે અને KFin Technologies રજિસ્ટ્રાર છે.

બિઝનેસ મોડેલ અને નેટવર્ક

શેડોફેક્સ બિઝનેસ-ટુ-બિઝનેસ-ટુ-કન્સ્યુમર મોડેલ પર કામ કરે છે. કંપની ઈ-કોમર્સ ડિલિવરી, હાઈપરલોકલ લોજિસ્ટિક્સ, ફૂડ ડિલિવરી અને ક્વિક કોમર્સ સેવાઓ આપે છે. કંપનીનું નેટવર્ક 14,700થી વધુ પિનકોડમાં ફેલાયેલું છે અને 4,200થી વધુ ટચપોઈન્ટ ધરાવે છે. કંપની એસેટ-લાઇટ મોડેલ પર કામ કરે છે અને મોટા ભાગની ગાડીઓ તથા વેરહાઉસ ભાડે લે છે. શેડોફેક્સની સ્થાપના જૂન 2016માં થયેલી છે. લોજિસ્ટિક્સના સોલ્યુશન્સ આપતી કંપની છે. કંપની ઈ-કોમર્સ એક્સપ્રેસ પાર્સ ડિલિવરી આપે છે. મૂલ્યવર્ધિત સેવાઓ પણ પૂરી પાડે છે. કંપની 4299 ટચ પોઈન્ટ ધરાવે છે. કંપની 14,758 પિનકોડમાં ડિલીવરી આપે છે. કંપનીનું કામકાજ સાડા ત્રણ લાખ ચોરસ ફૂટ એરિયામાંથી તેના કામકાજ કરી રહી છે. તેમાંથી 1.80 લાખ ચોરસ ફૂટ જગ્યામાં પાર્સલના સોર્ટિંગની, ડિસ્પેચની અને શિપમેન્ટની કામગીરી કરવામાં આવી રહી છે. દરરોજ તેને માટે 3000 ટ્રક ઓપરેટ કરે છે. કંપનીના ક્લાયન્ટ્સમાં મીશો, ફ્લિપકાર્ટ, મ્યંત્રા, સ્વિગી, બિગ બાસ્કેટ, ઝેપ્ટો, નાયકા, બ્લિન્કિટ, કાટ્રોકેટ, ઝોમેટો, ઉબર, પિનકોડ, પર્પલ, લાયસિયસ, ઓએનડીસી, મેજિકપિનનો સમાવેશ થાય છે.

બ્રોકરેજ અભિપ્રાય

SBI Securitiesના જણાવ્યા અનુસાર કંપનીએ ઓફર કરેલા ભાવબૅન્ડે IPO EV/Sales 2.4 ગણું અને EV/EBITDA 106.5 ગણું મૂલ્યાંકન ધરાવે છે. કંપનીએ FY23-25 દરમિયાન 32.5 ટકા CAGRથી આવકમાં વૃદ્ધિ નોંધાવી છે. કંપનીનો FY24થી EBITDA પોઝિટિવ છે. તેમ છતાં IPO થોડી પ્રીમિયમ કિંમત પર હોવાનું જણાય છે. તેથી જ બ્રોકરેજે “Neutral” રેટિંગ આપ્યું છે.

જોખમોઃ મોટા ક્લાયન્ટ્સ પર ઊંચી નિર્ભરતા, ગિગ વર્કર્સ પર આધાર, વધતા લીઝ ખર્ચ અને શ્રમ કાયદાના નિયમોમાં ફેરફાર મુખ્ય જોખમ તરીકે જણાવાયા છે. ઈ-કોમર્સ કંપનીઓના ઇન-હાઉસ ડિલિવરી નેટવર્ક્સથી સ્પર્ધા પણ પડકારરૂપ બની શકે છે.

·       ક્યૂઆઈબીને કુલ ઓફરના 75 ટકા શેર્સની ઓફર કરી છે  ·       રિટેઈલર્સને કુલ ઓફરના 10 ટકા શેર્સની ઓફર કરી છે   ·       એનઆઈઆઈને કુલ ઓફરના 15 ટકા શેર્સ ઓફર કર્યા છે.

સ્પર્ધાત્મક તાકાત-Competitive Strength

• કંપની કાર્યકુશળ લોજિસ્ટિક અને કસ્ટમાઈઝ લોજિસ્ટિક સર્વિસ પૂરી પાડે છે. તેથી ગ્રાહક  સુધીની ડિલીવરી અત્યંત ઝડપથી પહોંચી જાય છે. છેલ્લામાં છેલ્લા માઈલ સુધી ડિલીવરી આપવા માટેના પાર્ટનર્સનું નેટવર્ક તેની પાસે મોજૂદ છે. મજબૂત ડિલીવરી સિસ્ટમ ઊભી કરી છે. ટેકનોલોજીનો પણ ઉત્તમ ઉપયોગ કંપનીએ કર્યો છે. કંપનીનું બિઝનેસ મોડેલ પુરવાર થયું છે. કંપની નફાકારકતા પર ફોકસ કરી રહી છે. કંપનીનો વિકાસ તન્દુરસ્ત છે. કંપની પાસે મેનેજમેન્ટની અનુભવી ટીમ છે. કંપનીના સ્થાપકોની સાહસિકતા અદભૂત છે.

આઈપીઓના નાણાંનો ઉપયોગ

મહત્વના નિર્દેશકો -KPI

શેડોફેક્સ ટેક્નોલોજીસ લિમિટેડ નવા જમાનાની કંપની છે. ટેક્નોલોજીનો મહત્તમ ઉપયોગ કરીને ચલાવવામાં આવતી લોજિસ્ટિકના ક્ષેત્રની કંપની છે. 2023-24 અને 2024-25માં કંપનીની ખોટમાં ખાસ્સો ઘટોડો થઈ ગયો છે. આમ 2025ની સાલમાં કંપનીના પરફોર્મન્સમાં ખાસ્સો સુધારો જોવા મળ્યો છે. 2026ના પહેલા છ માસિકગાળામાં કંપનીના પરફોર્મન્સમાં સુધારો થવાનો અંદાજ મળી રહ્યો છે. કંપનીના છેલ્લામાં છેલ્લા નાણાંકીય પરફોર્મન્સના ડેટા પર નજર નાખતા જણાય છે કે કંપનીના શેરની ઓફર પ્રાઈસ ઘણી ઊંચી છે. હા, તેમાં લાંબા ગાળા માટે રોકાણ કરી શકાય છે. ટૂંકા ગાળા કરતાં લાંબા ગાળા માટે તે લાભદાયી સાબિત થઈ શકે છે. કંપની અંગે સારી માહિતી મેળવીને વધારાના નાણાં ધરાવતા રોકાણકારો આ સ્કિપમાં રોકાણ કરી શકે છે. હા, તેમાં થોડું જોખમ છે. તેથી રોકાણકારો મધ્યમસરનું રોકાણ કરી શકે છે. આ રોકાણ લાંબા ગાળા માટે જાળવી રાખવાની ગણતરી સાથે રોકાણ કરવું જોઈએ.