મોટી છલાંગ લગાવવા માટે નિફ્ટી તૈયાર થઈ રહ્યો છે

નિફ્ટી ટેકનિકલ આઉટલુકમાં કેમ 90 ટકા શેરોમાં તેજીના-બુલિશ સેટઅપના સંકેત મળે છે

દલાલ સ્ટ્રીટમાં ભય છવાયો છે અને ઇન્ડેક્સ તેના રેકોર્ડ હાઇમાંથી નીચે સરકી ગયો છે. ટેકનિકલ એનાલિસિસ યોગ્ય થાય છે કે કેમ તેવા સવાલો ઊઠી રહ્યા છે. ટેકનિકલ ચાર્ટ્સમાં મોટાભાગના શેર્સમાં અંદરખાને તો હજી પણ તેજીનો નિર્દેશ આપતી બુલિશ રચના જાળવી રાખી છે. અત્યારે મહત્વના સેક્ટરો ડિમાન્ડ ઝોનમાં છે. તેમાં મોમેન્ટમ ઓવરસોલ્ડ ઝોનમાં હોવાથી ઠંડા પડી રહ્યા છે. આ સ્થિતિ સંકેત આપે છે કે આ વિરામ બ્રેકડાઉન નહીં પરંતુ આગળના ઉછાળાનો સેટઅપ હોઈ શકે છે.

ટેકનિકલ ડેટા કેમ બતાવે છે કે 1,400 પોઈન્ટના ઘટાડા છતાં બુલ રન હજી પૂરું થયું નથી. દલાલ સ્ટ્રીટમાં ભય વધી રહ્યો છે કારણ કે નિફ્ટી 50 બેન્ચમાર્ક ઇન્ડેક્સ તેના તાજેતરના હાઇ 26,373માંથી 1,400 પોઈન્ટથી વધુ ઘટી ગયો છે. યુનિયન બજેટ નજીક હોવાથી ટ્રેડર્સ અને ઇન્વેસ્ટર્સ ફરી એકવાર અચોક્કસતા-અનિશ્ચિતતાનો અનુભવ કરી રહ્યા છે કે હવે બજારમાં કરવું શું?

શેરબજારની વધઘટની સતત ચાલ બતાવતા કોમ્પ્યુટર સ્ક્રીનો હવે લાલ દેખાય છે, વોટ્સએપ ગ્રુપ્સમાં અભિપ્રાયો ભરાઈ રહ્યા છે. હવે સવાલ એ થાય છે કે, “શું આ કોઈ મોટા ફેરફારની શરૂઆત છે કે લાંબી મુસાફરીમાં એક વધુ પડાવ?” પ્રસિદ્ધ ટ્રેડર જેસી લિવરમોરે એકવાર કહ્યું હતું, “સ્ટોક માર્કેટ ક્યારેય સ્પષ્ટ હોતું જ નથી.” આ ઉક્તિ આ સમય માટે એકદમ યોગ્ય છે. મોટા ભાગે તે ટ્રેડર્સને ગેરમાર્ગે દોરે છે. તેથી જ અનુભવી ટ્રેડર્સ ભય અથવા ઉત્સાહના આધાર પર ખરીદી કે વેચાણ કરતા નથી. તેઓ ચાર્ટ્સ અને ડેટા શું કહે છે તેના આધાર પર નિર્ણય લે છે.

નિફ્ટી ઇન્ડેક્સમાં જવા પહેલાં, ચાલો એક પગલું પાછળ લઈએ અને નિફ્ટી-50ના ઘટક શેરો જોઈએ કે બજાર અંદરખાને કેટલું મજબૂત છે. ઘણી વખત સાચી કહાણી હેડલાઇન નંબર કરતાં અંદર ચાલતા ટ્રેન્ડમાં છુપાયેલી હોય છે.

બજારની કરોડરજ્જુ પર નજર કરો

નિફ્ટી-50ના 50માંથી 45 શેર માસિક ચાર્ટ પર 10-EMA (એક્સપોનેન્શિયલ મૂવિંગ એવરેજ)થી ઉપર ટ્રેડ થઈ રહ્યા છે. આ માત્ર એક આંકડો નથી; તે લાંબા ગાળાના ટ્રેન્ડની મજબૂતી દર્શાવે છે. લાંબા ગાળાના ઇન્વેસ્ટર્સ માટે માસિક ચાર્ટમાં 10-EMA એ દર્શાવે છે કે શોર્ટ-ટર્મ કરેક્શન છતાં મુખ્ય ટ્રેન્ડ હજી મજબૂત છે. તમે કહી શકો કે આ બજાર કરોડરજ્જુ છે. આ લેવલ ટકી રહે છે, ત્યાં સુધી બુલ ટ્રેન્ડ સ્વસ્થ રહે તેમ લાગે છે.

બીજી તરફ, જો ભાવ આ રેખા નીચે જાય તો તેનો અર્થ એ થાય છે કે ટ્રેન્ડ થાકી રહ્યો છે અથવા બજાર વધુ કન્સોલિડેશનમાં જઈ રહ્યું છે. હાલ, ઇન્ડેક્સના 90 ટકા ઘટકો હજી પણ આ લેવલથી ઉપર છે, જે સૂચવે છે કે ભય દેખાઈ કે વર્તાઈ રહ્યો છે. પરંતુ લાંબા ગાળાના ચાર્ટ્સ પર નુકસાન એટલું મોટું નથી.

મજબૂતીનો સંકેત આપતા 94 ટકા શેર

ચાર્ટ પર રચાતોગોલ્ડન ક્રોસ એ બુલિશ-તેજીનો સંકેત છે. ટૂંકા ગાળાની મૂવિંગ એવરેજ (જેમ કે 50 દિવસનો પિરિયડ) લાંબા ગાળાની એવરેજ (જેમ કે 200 દિવસનો-પિરિયડ)ને પાર કરે છે. ટ્રેડર્સ માને છે કે આ બુલ્સ એટલે કે તેજીમાં મોમેન્ટમ આવી રહી છે અને મોટો અપટ્રેન્ડ શરૂ થઈ શકે છે. સાપ્તાહિક ચાર્ટ પર લગભગ 94 ટકા શેર ગોલ્ડન ક્રોસ રચનામાં ટ્રેડ થઈ રહ્યા છે. આ મધ્યમ ગાળાના બુલિશ ઝુકાવનો મજબૂત સંકેત છે. તાજેતરના કરેક્શન પછી પણ 50માંથી 35 શેરો (અંદાજે 70 ટકા) હજી પણ ડેઇલી ચાર્ટ પર ગોલ્ડન ક્રોસ ધરાવે છે. ઇન્ડેક્સ ઘટ્યો છે, છતાં મોટાભાગના શેરોએ હજી તેમની મુખ્ય ટ્રેન્ડ રચના તોડી નથી.

નિફ્ટી50 ટેકનિકલ્સ: ચેનલ સપોર્ટ પર

ઇન્ડેક્સ હાલ ઊભરતી ચેનલના સપોર્ટ નજીક ટ્રેડ થઈ રહ્યો છે. આ ટેકાની સપાટીએ ઐતિહાસિક રીતે ખરીદદારો પ્રવેશ કરે છે. સ્પિનિંગ ટોપ કેન્ડલસ્ટિક પેટર્ન પરિસ્થિતિને વધુ રસપ્રદ બનાવે છે. આ પેટર્ન દર્શાવે છે કે ટ્રેડર્સ અચોક્કસ છે. તેમના પર  ન તો બુલ્સ-તેજી હાવી છે ન તો મંદી-બેયર્સ હાવી છે. પરંતુ જો ઇન્ડેક્સ 25,300 આસપાસના તાજેતરના સ્વિંગ હાઇને તોડે તો તેમાં રિવર્સલ આવી શકે છે. 200D-EMA મૂવિંગ એવરેજ ચેનલ ત્યાં ડિમાન્ડ બતાવે છે. લાંબા ગાળાના ટ્રેડર્સ માટે આ એક્ઝિટ કરતાં એન્ટ્રીની તક બને છે.
RSI મોમેન્ટમ સાઇડ પર ઓવરસોલ્ડ ઝોનમાં ગયો છે. ઓવરસોલ્ડ હોવાનો અર્થ તરત જ ભાવ ઉછળશે એવો નથી, પરંતુ તે સૂચવે છે કે વેચાણ દબાણ નબળું પડી રહ્યું છે. ભાવ સપોર્ટની સપાટી પર છે અને મોમેન્ટમ ઠંડું પડી રહ્યું છે, તેથી બુલિશ રિવર્સલ શક્ય છે, ખાસ કરીને જો અન્ય સેક્ટરો તરફથી સપોર્ટ મળે.

બેન્ક્સ અને IT આગેવાની લઈ રહ્યા છે

બેન્કિંગ અને IT શેરો મળીને નિફ્ટી-50ના લગભગ 34 ટકા શેર્સ છે. આ બે સેક્ટર માત્ર ટ્રેન્ડ ફોલો કરતા નથી, ઘણી વખત તે ટ્રેન્ડ સેટ કરે છે. નિફ્ટી બેન્ક મજબૂત લીડરશિપ ધરાવે છે.
બેન્કનિફ્ટી-નિફ્ટી50 રેશિયો લાઇન છેલ્લા 27 મહિનામાં સૌથી ઊંચા સ્તરે છે, જે દર્શાવે છે કે બેન્કિંગ શેરોએ સમગ્ર બજાર કરતાં સારું પરફોર્મ કર્યું છે. આવી રિલેટિવ સ્ટ્રેન્થ સ્વસ્થ બજાર રચનાનો સંકેત છે. નિફ્ટી બેન્ક સાપ્તાહિક ચાર્ટ પર ક્લાસિક બ્રેકઆઉટ–રીટેસ્ટ–ટ્રેન્ડ રિઝમ્પશન પેટર્ન અનુસરી રહ્યો છે. 21W-EMA મૂવિંગ એવરેજ ચેનલ 2023થી ડિમાન્ડ ઝોનમાં રહી છે. ઇન્ડેક્સ ફરી આ ઝોનમાં આવ્યો છે, જે સૂચવે છે કે લાંબા ગાળાના ઇન્વેસ્ટર્સ તેને જોખમ નહીં પરંતુ તક માને છે.

નિફ્ટી IT: ડિપ પર ખરીદી
IT સેક્ટર નિફ્ટી-50માં લગભગ 14 ટકા વજન ધરાવે છે. નિફ્ટી IT ચાર્ટ બતાવે છે કે ઇન્ડેક્સ તેના સપોર્ટ ઝોનમાં ખરીદદારો શોધી રહ્યો છે, જે 21W-EMA ડિમાન્ડ ચેનલ સાથે સુસંગત છે. આ સ્થિરતા દર્શાવે છે કે સંસ્થાગત ઇન્વેસ્ટર્સ લાંબા ગાળાના રોકાણની વાતમાં વિશ્વાસ રાખી રહ્યા છે. જો ભાવ 39,530 નજીકના માઇનર રેઝિસ્ટન્સ ઉપર જાય, તો નવો બુલિશ ટ્રેન્ડ શરૂ થઈ શકે છે અને સમગ્ર ઇન્ડેક્સને ટેકો મળી શકે છે.

ચાર્ટ્સ સામે સમાચાર

બજારમાં આવતા ફેરફારો ટ્રેડર્સ સુધી અને ઇન્વેસ્ટર્સ સુધી પહોંચે છે. તેનો પ્રભાવ પણ બજાર પર પડે જ છે. બજેટ્સના પણ સમાચાર બને છે. અભિપ્રાયો ગૂંચવણ ઊભી કરે છે. પરંતુ ચાર્ટ્સ સ્પષ્ટતા આપે છે. દલાલ-સ્ટ્રીટ પર હાલ ભય વધી રહ્યો છે, પરંતુ ડેટા બતાવે છે કે બજારની લાંબા ગાળાની રચના હજી મજબૂત છે. મોટાભાગના શેરો બુલિશ પેટર્નમાં છે, મહત્વના સેક્ટરો ડિમાન્ડ ઝોનમાં છે અને મોમેન્ટમ સૂચકાંકો તૂટફૂટ નહીં પરંતુ થાકના સંકેત પણ આપી  રહ્યા છે.