અમેરિકા ૧૦૦ ટકા ટેરિફ લાદે તો ભારતના કાપડ ઉદ્યોગ પર તેની વ્યાવસાયિક અસરો મોટી પડે

બ્રિટન અને યુરોપના બજારોમાં વૃદ્ધિ છતાં કાપડની નિકાસ પર અસર પડી શકે

તાજેતરમાં થયેલા મુક્ત વ્યાપાર કરારને પગલે ભારતે બ્રિટનના ૫-૧૦ ટકા એપરલ ઓર્ડર મેળવી લીધા છે. આ ઓર્ડર  અગાઉ બાંગ્લાદેશ પાસે જતા હતા. અમેરિકા રશિયન તેલ સાથે સંકળાયેલા ભારતીય માલ પર ઊંચા ટેરિફ લાદવાનું વિચારતા ભારતનો કાપડ અને વસ્ત્ર ઉદ્યોગ સાવચેતીભર્યું વલણ અપનાવી રહ્યો છે. શુક્રવારે અમેરિકાની સેનેટે એક બિલ પસાર કર્યા પછી ભારતનો કાપડ અને વસ્ત્ર ઉદ્યોગ સાવચેતીભર્યું વલણ અપનાવી રહ્યો છે. ભારત રશિયન તેલ અને ગેસની આયાતને કારણે ભારતમાંથી આવતા માલ પર ૧૦૦ ટકા સુધીના ટેરિફ (જકાત) લાદવાનો માર્ગ મોકળો કરી શકે છે.

આ ઘટનાક્રમ એવા સમયે આવ્યો છે જ્યારે ચાલુ વર્ષના પ્રથમ છ મહિનામાં અમેરિકામાં ભારતની એપરલની-વસ્ત્રની નિકાસમાં ૧૮ ટકાનો ઘટાડો થયો છે, જ્યારે ઉદ્યોગના અંદાજ મુજબ તમામ દેશોમાંથી કુલ અમેરિકી એપરલ આયાતમાં સરેરાશ ૯-૧૩ ટકાનો ઘટાડો નોંધાયો છે.આ ઘટાડાનું મુખ્ય કારણ અમેરિકાના ખરીદદારો દ્વારા ૨૦૨૫ના પ્રથમ છ મહિનામાં સંભવિત નાકાબંધી અને પ્રતિબંધોની ધારણાને પગલે અગાઉથી જ મોટા પ્રમાણમાં ખરીદી  કરી લીધી હોવાથી અત્યારે થોડો ઘટાડો જોવા મળી રહ્યો હોવાનું માનવામાં છે.

જોકે, રાહતના સમાચાર આપતાં બાઇંગ એજન્ટોએ જણાવ્યું હતું કે, તાજેતરમાં હસ્તાક્ષર કરાયેલા કોમ્પ્રિહેન્સિવ ઇકોનોમિક એન્ડ ટ્રેડ એગ્રીમેન્ટને પગલે ભારતે બ્રિટનના  ૫-૧૦ ટકા ઓર્ડર મેળવી લીધા છે. આ ઓર્ડર અગાઉ બાંગ્લાદેશ પાસે જતા હતા. ઉદ્યોગના ખેલાડીઓ એવી પણ આશા રાખી રહ્યા છે કે ભારત સરકાર વોશિંગ્ટન સાથે વ્યાપાર વાટાઘાટોને ઝડપી બનાવીને અથવા વાટાઘાટો દ્વારા યુએસ-તરફના ઓર્ડરમાં થયેલા ઘટાડાનો ઉકેલ લાવશે.

પ્રથમ છ મહિના દરમિયાન, ભારતમાંથી મળેલા ઓર્ડરમાં ગયા વર્ષની સરખામણીએ ૧૮ ટકાનો ઘટાડો જોવા મળ્યો છે. અમે માર્કેટ શેર પણ ગુમાવ્યો છે. ચોક્કસપણે, અમેરિકા ૧૦૦ ટકા ટેરિફ લાદે તો તે ભારત માટે એક મોટો ખતરો બનશે અને તેની વ્યાવસાયિક અસરો કાપડ ઉદ્યોગપતિઓ માટે બહુવિધ હશે. અમેેરિકા સાથેની ભારત સરકારની વાટાઘાટો કામ કરશે કારણ કે ભારતે પણ ગયા વર્ષની સરખામણીએ અમેરિકા પાસેથી ક્રૂડની ખરીદીમાં ૪૦ ટકાનો વધારો કર્યો છે; અન્ય ચીજવસ્તુઓમાં પણ આવો જ ટ્રેન્ડ જોવા મળી રહ્યો છે.

જાન્યુઆરીથી જૂન સુધીમાં, અમેરિકાની એપરલ આયાત આશરે $૩૫.૧ બિલિયન રહી હતી. ITF ડેટા અનુસાર, વિયેતનામ ૨૨.૪ ટકા સાથે પ્રથમ ક્રમે છે, ત્યારબાદ બાંગ્લાદેશ ૧૧.૪ ટકા, ચીન ૧૦.૨ ટકા, ઇન્ડોનેશિયા ૬.૬૫ ટકા અને ભારત ૬.૦૫ ટકા સાથે આવે છે. ઉદ્યોગના નિષ્ણાતોએ જણાવ્યું હતું કે યુએસ ટેરિફ અંગેની ચિંતાઓ છ ભારતના હિસ્સામાં માત્ર મામૂલી ફેરફાર થયો છે.

“અમેરિકામાં કરવામાં આવતી નિકાસના ઓર્ડરમાં કોઈ તાત્કાલિક ઘટાડો જોઈ રહ્યા નથી. ભયભીત થવું બહુ વહેલું ગણાશે. અમે એમ પણ માનીએ છીએ કે સરકાર ટૂંક સમયમાં દ્વિપક્ષીય સંધિ પર હસ્તાક્ષર કરી શકે છે. તું.

બાંગ્લાદેશથી ભારતમાં મોટા પ્રમાણમાં ઓર્ડર શિફ્ટ થતા પણ જોઈ રહ્યા છીએ.  બ્રિટન સાથેના મુક્ત કરારને કારણે બાંગલાદેશને મળતા  આશરે ૫-૧૦ ટકા ઓર્ડર ભારત તરફ ડાયવર્ટ થઈ રહ્યા છે. યુરોપિયન યુનિયનમાં પણ આવો જ શિફ્ટ જોવા મળી રહ્યો છે. આપણે ઈન્ફ્રાસ્ટ્રક્ચર અને વર્કફોર્સ સાથે તૈયાર રહેવાની જરૂર છે. મને અપેક્ષા છે કે મોટે ભાગે કોર બેસિક પ્રોડક્ટ્સ બાંગ્લાદેશ તરફ જશે.

અમેરિકાની સેનેટ દ્વારા પસાર કરવામાં આવેલું બિલ પ્રમુખ ડોનાલ્ડ ટ્રમ્પને તે પાંચ દેશોમાંથી આવતા માલ પર ટેરિફ લાદવાની સત્તા આપશે જે હાલમાં રશિયન તેલ અને ગેસના સૌથી મોટા આયાતકારો છે. તેમાં ચીન, ભારત, અઝરબૈજાન, હંગેરી અને સ્લોવેકિયાનો સમાવેશ થાય છે. આ કાયદો હવે અમેરિકાના હાઉસ ઓફ રિપ્રેઝન્ટેટિવ્સમાં જશે અને જો મંજૂર થશે, તો અંતિમ મંજૂરી માટે ટ્રમ્પને મોકલવામાં આવશે. “મને નથી લાગતું કે કોંગ્રેસ આને પસાર કરશે. આપણે થોભો અને રાહ જુઓની નીતિ અપનાવવી પડશે.

દરમિયાન, કોન્ફેડરેશન ઓફ ઈન્ડિયન ટેક્સટાઈલ ઈન્ડસ્ટ્રી (CITI) દ્વારા શેર કરવામાં આવેલા ડેટા અનુસાર, જૂન ૨૦૨૬ માં ભારતની ટેક્સટાઈલ નિકાસમાં લગભગ ૧૦ ટકાનો વધારો થયો હતો, પરંતુ એપરલ શિપમેન્ટમાં ૧૧.૨૫ ટકાનો ઘટાડો થયો હતો. જૂનમાં કુલ ટેક્સટાઈલ અને એપરલ નિકાસ $૨.૯૧ બિલિયન રહી હતી, જે ગયા વર્ષના સમાન સમયગાળા કરતા માત્ર ૦.૨૧ ટકા વધુ છે. ભારતીય નિકાસકારો માટે આ ચિંતાનો વિષય છે. આપણે યુરોપિયન યુનિયન મુક્ત વ્યાપાર કરાર પર વહેલા હસ્તાક્ષર કરવા અને વૈવિધ્યકરણ પર વધુ કામ કરવાની જરૂર છે,

શું રાહત શક્ય છે?

H1CY2026 માં યુએસમાં ભારતની એપરલ નિકાસ ૧૮ ટકા ઘટી છે. અગાઉ બાંગ્લાદેશ પાસે જતા યુકેના ૫-૧૦% ઓર્ડર ભારતે મેળવતા આ ઘટાડામાં આંશિક રાહત મળી; EU ઓર્ડર પણ વધી રહ્યા છે.

અપેક્ષા છે કે યુએસ સાથેનો વેપાર કરાર નિકાસમાં થયેલા ઘટાડાને દૂર કરવામાં મદદ કરી શકે છે.