આજે શેરબજારના ખેલાડીઓ આ શેર્સ પર નજર રાખી શકે
નિકાસ ઓર્ડર, નવી ભાગીદારીઓ અને પૂર્ણ થયેલા પ્રોજેક્ટ્સને કારણે આજે આ શેરોમાં વધઘઠ જોવા મળી જોવા મળી શકે છે.
આજે શેરબજારમાં નજર રાખવા લાયક શેર્સની વિગતો આ સાથે જ આપવામાં આવી રહી છે.
પટેલ રિટેલ લિમિટેડઃ કંપનીને યુકે, ઇટાલી, યુએઈ અને સાઉદી અરેબિયાથી રૂ. 25 કરોડના નિકાસ ઓર્ડર મળ્યા છે, જે કંપનીની વૈશ્વિક હાજરીને વધુ મજબૂત બનાવે છે.
પેસ ડિજિટેક લિમિટેડઃ ટેલિકોમ ઇન્ફ્રાસ્ટ્રક્ચર અને ટર્નકી નેટવર્ક સોલ્યુશન્સ કંપની પેસ ડિજિટેકની સહાયક કંપની લાઇનેજ પાવર પ્રાઇવેટ લિમિટેડને BSNL પાસેથી રૂ. 94.35 કરોડનો બીજો એડવાન્સ પર્ચેસ ઓર્ડર મળ્યો છે. આ ઓર્ડરમાં લિથિયમ-આયન બેટરી સોલ્યુશન્સનો પુરવઠો, ઇન્સ્ટોલેશન, કમિશનિંગ અને પાંચ વર્ષનું જાળવણી કરી આપવાની કામગીરીનો સમાવેસ થાય છે. આ કરાર BSNLની રાષ્ટ્રીય ટેલિકોમ નેટવર્ક માટે 48V DC પાવર ઇન્ફ્રાસ્ટ્રક્ચરને મજબૂત કરશે.
HCLTech– HCLTech અને Carahsoft Technology Corp.એ અમેરિકાના જાહેર ક્ષેત્રમાં ડિજિટલ ટ્રાન્સફોર્મેશન ઝડપી બનાવવા માટે ભાગીદારીની જાહેરાત કરી છે. આ કરાર હેઠળ Carahsoft, HCLTechનો જાહેર ક્ષેત્ર માટે વિતરક તરીકે કાર્ય કરશે અને યુએસના ફેડરલ, સ્ટેટ, લોકલ અને એજ્યુકેશન એજન્સીઓને અદ્યતન ટેક્નોલોજી સોલ્યુશન્સ પૂરા પાડશે.
ABB India– ABB ઇન્ડિયાએ ભારત પેટ્રોલિયમ કોર્પોરેશનની વડિનાર-બીના પાઇપલાઇન માટે ઓટોમેશન અને મોનિટરિંગ સિસ્ટમ અપગ્રેડ કરી છે. 935 કિમી લાંબી આ પાઇપલાઇન દર વર્ષે 7.80 મિલિયન મેટ્રિક ટન તેલ પહોંચાડે છે. પ્રોજેક્ટમાં SCADA સિસ્ટમનું આધુનિકીકરણ, 35 રિમોટ ટર્મિનલ યુનિટ્સની બદલી, નવા સર્વર્સની સ્થાપના અને સાયબર સુરક્ષા મજબૂત કરવાની કામગીરી સામેલ છે.
RNIT AI Solutions Ltd– કંપનીને આંધ્રપ્રદેશ ટેકનોલોજી સર્વિસિસ લિમિટેડને (APTS) પાસેથી AI આધારિત બહુભાષી ઇન્ટરવ્યૂ પ્લેટફોર્મ ડિઝાઇન, ડિપ્લોયમેન્ટ અને ઇન્ટિગ્રેશન માટે નોટિફિકેશન ઓફ એવોર્ડ મળ્યો છે.
ACS Technologies Ltd– કંપનીને આંધ્રપ્રદેશ અર્બન ઇન્ફ્રાસ્ટ્રક્ચર એસેટ મેનેજમેન્ટ લિમિટેડ તરફથી વર્ક ઓર્ડર મળ્યો છે. આ ઓર્ડર હેઠળ QR આધારિત ડિજિટલ ઇકોસિસ્ટમ ડિઝાઇન, ડેવલપમેન્ટ, ટ્રેનિંગ, ઓપરેશન અને મેન્ટેનન્સની કામગીરી કરવામાં આવશે.
JSW Energy Ltd– JSW Energyની સહાયક કંપની JSW થર્મલ એનર્જી ટુ લિમિટેડે પશ્ચિમ બંગાળ સ્ટેટ ઇલેક્ટ્રિસિટી ડિસ્ટ્રિબ્યુશન કંપની સાથે 1,600 મેગાવોટ (2×800 MW) થર્મલ પાવર પ્લાન્ટ માટે પાવર પર્ચેસ એગ્રીમેન્ટ સહી કર્યો છે. આ પ્લાન્ટ સાલબોની, પશ્ચિમ બંગાળમાં છ વર્ષમાં કાર્યરત થશે.
રામકૃષ્ણા ફોર્જિંગ્સ- કંપનીએ ઝારખંડમાં 3,000 ટન પ્રતિ વર્ષ ક્ષમતાવાળી એલ્યુમિનિયમ ફોર્જિંગ યુનિટમાં વ્યાવસાયિક ઉત્પાદન શરૂ કર્યું છે. આ પ્રોજેક્ટથી કંપની ઇવી માર્કેટમાં પ્રવેશ વધારશે.
ઝેગલ પ્રીપેઈડ ઓશન સર્વિસિસ-ઝેગલે ફોરએવર ન્યૂ એપેરલ્સ સાથે કરાર કર્યો છે, જેમાં ઝેગલ કર્મચારીઓ માટે મોબાઇલ ફોન ખરીદી અને લીઝ પર આપશે.
એમ્બેસી ડેવલપમેન્ટ્સ (EDL)– કંપનીએ મુંબઈ મેટ્રોપોલિટન રીજનમાં પ્રવેશ કર્યો છે અને વર્લી, જુહુ અને અલીબાગમાં ત્રણ રહેણાંક પ્રોજેક્ટ્સ માટે રૂ.4,500 કરોડનું રોકાણ કરવાની યોજના બનાવી છે. કુલ ગ્રોસ ડેવલપમેન્ટ વેલ્યુ રૂ. 12,000 કરોડથી વધુ છે.
સ્ટેલિયન ઇન્ડિયા ફ્લુઓરોકેમિકલ્સ- કંપનીને રાજસ્થાનના RIICO ઔદ્યોગિક વિસ્તારમાં 28,650 ચોરસ મીટર જમીન ફાળવવામાં આવી છે.
RBL Bank– સ્પર્ધા આયોગે Emirates NBD દ્વારા RBL Bankમાં નિયંત્રક હિસ્સો ખરીદવાની મંજૂરી આપી છે. આ ડીલમાં જાહેર ઓફર, પ્રેફરન્સિયલ એલોટમેન્ટ અને Emirates NBDની ભારતીય બેંકિંગ કામગીરીનું વિલીનીકરણ સામેલ છે.
