આજે શેરબજારમાં શું કરશો?
હિન્દુસ્તાન યુનિલીવર અને કોટક મહિન્દ્રા બેન્ક તથા બીએસઈ લિમિટેડના શેરમાં લેણ કરી શકાય, નિફ્ટી રેન્જ બાઉન્ડ રહેવાની સંભાવના
આજે શેરબજારમાં ટ્રેડિંગ કરવા કે રોકાણ કરવા માટેના ફંડામેન્ટલની દ્રષ્ટિએ મજબૂત ગણાતા શેર્સમાં એફએમસીજીના સેક્ટરની કંપની હિન્દુસ્તાન યુનિલીવર લિમિટેડના શેરનો સમાવેશ થાય છે. Hindustan Unilever Ltd (HUL)ના ફંડામેન્ટલ્સ મજબૂત હોવાનું એસબીઆઈ સિક્યોરિટીઝના ટેકનિકલ રિસર્ચ એન્ડ ડેરિવેટિવ્સના વડા સુદીપ શાહ કહે છે. હિન્દુસ્તાન યુનિલીવર ભારતમાં કરવામાં આવતા નાસ્તાઓના પ્રોડક્ટ્સનો વેપાર કરતી એક અગ્રણી કંપની છે. આ પ્રોડક્ટ્સને બિઝનેસ તેને સતત મળતો રહે તેમ છે. તેમ જ પ્રોડક્ટ્સના ભાવ વધારીને વેચવાની તેની ક્ષમતા અજબની છે. સમગ્રતયા બજારમાં મંદીનો માહોલ હોય ત્યારે પણ હિન્દુસ્તાન યુનિલીવરના આ પ્રોડક્ટ્સનું વેચાણ જળવાઈ રહે છે. હિન્દુસ્તાન લીવરના શેરનું ટ્રેડિંગ તેની વધઘટની એવરેજ કિંમત કરતાં ઉપરની સપાટીએ ટ્રેડિંગ થઈ રહ્યું છે. ટેકનિકલ ચાર્ટની દ્રષ્ટિએ પણ તેમાં તેજી જોવા મળી રહી છે. હિન્દુસ્તાન લીવરના શેરનો વર્તમાન બજાર ભાવ 23મી જાન્યુઆરીએ બજાર બંદ રહ્યું ત્યારે રૂ. 2410નો હતો. ટ્રેડરો કે ઇન્વેસ્ટર્સ તેમાં રૂ. 2410થી રૂ. 2420ની ભાવ સપાટીએ લેણ કરી શકાય છે. ટૂંકા ગાળામાં એટલે કે બેથી ત્રણ મહિનામાં શેરનો ભાવ વધીને રૂ. 2585ના મથાળાને આંબી જાય તેવી શક્યતા દર્શાવવામાં આવી રહી છે. શેરમાં તેજી આવવાના કારણોમાં ઊંડા ઉતરીએ તો કંપનીના પ્રોડક્ટ્સના વેચાણમાં માર્જિન તગડાં છે. કંપનીનો રોકડનો પ્રવાહ મજબૂત છે. એફએમસીજીનું સેક્ટર પણ મજબૂત છે.
આજે ટ્રેડિંગ કે રોકાણ કરવા લાયક બીજો શેર Kotak Mahindra Bankનો છે. 2026ની સાલના રોકાણ કરવા પાત્ર શેર્સની યાદીમાં પણ આ શેરને સ્થાન આપવામાં આવેલું છે. કોટક મહિન્દ્રા બેન્કનો કોર્પોરેટ લોનનો પોર્ટફોલિયો મજબૂત છે. બેન્કની અસ્ક્યામતોની ક્વોલિટી સ્થિર છે. કોટક મહિન્દ્રા બેન્કની આવક સતત વધી રહી છે. Kotak Mahindria Bankના શેરનો વર્તમાન બજાર ભાવ રૂ. 424.20નો છે. લાંબા સમયથી વર્તમાન ભાવ સપાટીએ કોન્સોલિડેશન જોવા મળી રહ્યું હતું. તેમાં બ્રેકાઆઉટ આવી ગયું છે. કોટક મહિન્દ્રા બેન્કના ફંડામેન્ટલ્સ મજબૂત છે. તેની નફાકારકતામાં સતત વધારો થઈ રહ્યો છે.
આજે બીએસઈ લિમિટેડ-BSE Ltdના શેર્સમાં પણ સોદા કરી શકાય છે. કંપનીનું બિઝનેસ મોડેલ બહુ જ સંગીન છે. માર્કેટનું ઇન્ફ્રાસ્ટ્રક્ચર ઊભું કરી આપવાના સેક્ટર સાથે સંકળાયેલી કંપનીના માર્જિન ઘણાં તગડાં છે. ટેકનિકલ ઇન્ડિકેટલ અને ક્વોલિટી પરફોર્મન્સને આધારે તેમાં લેવાલી કરવાનું એટલે કે Buy રેટિંગ આપવામાં આવ્યું છે. પુટ ઓપ્શનમાં વોલેટાલિટી એટલે કે ભાવમાં મોટી વધઘટ આવતી હોવાનું જોવા મળી રહ્યું છે. સમગ્રતયા શેર્સના ફંડામેન્ટલ્સ મજબૂત જણાઈ રહ્યા છે. શેરનો વર્તમાન બજાર ભાવ રૂ. 2685.40ની આસપાસ છે. બીએસઈ લિમટેડના શેરનો ભાવ સુધરીને રૂ. 2900થી 3300ની રેન્જમાં પહોંચી શકે છે. બીએસઈ લિમિટેડનો રોકડનો પ્રવાહ સંગીન છે. તેને લાઈસન્સ ઇશ્યૂ કરવાની આવક સતત થઈ રહી છે. તેમ જ ડેરીવેટિવ્સના બજારમાં ચાલતી ગતિવિધિઓને કારણે પણ સતત આવક થઈ રહી છે.
આજે ધ્યાન રાખવા જેવો અન્ય એક શેર ITC Ltd છે. ઇન્ડેક્સમાં હેવે વેઈટ ગણાતા આ શેર્સમાં નરમાઈ જોવા મળી રહી છે. તેના પ્રોડક્ટ્સના વપરાશમાં ઘટાડો જોવા મળી રહ્યો છે. સ્ક્રિપમાં નરમાઈ આવે તેવા પરિબળો જોર લગાવી રહ્યા છે. 23મી જાન્યુઆરીએ નરમાઈ સાથે રૂ.323ની સપાટીએ બંધ આવ્યો છે. બીજા શબ્દોમાં કહીએ તો કંપની માટે માર્કેટમાં પડકાર ઊભા થઈ રહ્યા છે તેને પરિણામે નોન એસેન્શિયલ-બિન આવશ્યક વસ્તુઓ પરના ખર્ચા કસ્ટમર્સ ઘટાડી રહ્યા છે. તેથી કંપનીની નફાકારકતમાં વધારો થવાની સંભાવનામાં ઘટાડો થઈ રહ્યો છે. કંપનીના ઓપરેટિંગ માર્જિન ઘટી રહ્યા છે. ઓપરેટિંગ માર્જિનમાં કોઈ જ વધારો થતો જોવા મળી રહ્યો નથી. ટેકનિકલ ચાર્ટ પણ તેમાં નરમાઈ જોવા મળી રહી હોવાનો નિર્દેશ આપી રહ્યા છે. ટૂંકા ગાળાના ટેકાને ધ્યાનમા લેતા પણ તેમાં નરમાઈ જોવા મળી રહી છે. આ એક સ્થિતિમાં સ્ક્રિપમાં રોકાણ ધરાવનારાઓએ તેમનુ હોલ્ડિંગ કાઢી નાખવું જોઈએ તેવી કહેવા માગતા નથી. છતાં પણ તેમણે આ સ્ક્રિપના ભાવની વધઘટ પર સતત નજર રાખવા જેટલી સાવધાની રાખવા જેવી છે.
આજે NIFTY 50માં શું કરશો?
શેરબજારનો ઇન્ડેક્સ 200 દિવસની મુવિંગ એવરેજની નીચે આવી ગયો છે. તેથી ટેકનિકલ ચાર્ટમાં પણ નરમાઈનો સંકેત મળી રહ્યો છે. 23મી જાન્યુઆરીએ 25048.65ની સપાટીએ બંધ આવ્યો છે. 23મી જાન્યુઆરીએ તેમાં 241.25 પોઈન્ટની નરમાઈ જોવા મળી હતી. આજે પણ બજારમાં નબળાઈ જોવા મળે તેવી સંભાવના છે. નિફ્ટી 50 24,900થી 25000ની સપાટીએ ટેકો ધરાવે છે. 25,500ની ઉપર પ્રતિકાર સપાટી ધરાવે છે. 25,500થી 25,800ની રેન્જમાં પ્રતિકાર સપાટી ધરાવે છે. નિફ્ટી 50 બસ્સો દિવસની વધઘટની સરેરાશ કરતાં નીચી સપાટીએ રહે તો તેમાં નરમાઈ જોવા મળી શકે છે.
Bank Niftyમાં કોટક અને એસબીઆઈના શેર્સમાં મિશ્ર વલણ જોવા મળી રહ્યું છે. બેન્ક નિફ્ટી રેન્જબાઉન્ડ રહેવાની સંભાવના છે. 23મી જાન્યુઆરીએ 727 પોઈન્ટના ઘટાડો સાથે 58,473.10 પર બંધ આવ્યો હતો. બેન્ક નિફ્ટીને નજીવી તેજીનો ટેકો મળી રહેવાની શક્યતા છે. હા, 2025-26ના નાણાંકીય વર્ષના ત્રીજા ત્રિમાસિક ગાળાના પરિણામો ક્રેડિટ-ધિરાણમાં સતત વૃદ્ધિ થવાના નિર્દેશ આપે તો તેમાં થોડીક તેજી જોવા મળી શકે છે.
SME Indexમાં લિક્વિડિટીને કારણે સામાન્ય સંવેદનશીલતા જોવા મળી શકે છે. તેમાં મોટો વધઘટ થવાનો નિર્દેશ મળતો નથી. બજારના સેન્ટીમેન્ટ પ્રમાણે જ તેમાં આજે વધઘટ જોવા મળી શકે છે. 23મી જાન્યુઆરીએ 821.71ના ઘટાડા સાથે 86,632.88 પોઈન્ટ પર બંધ આવ્યો હતો.
ખાસ નોંધઃટ્રેડર્સ અને ઇન્વેસ્ટર્સ એક વાત સમજી લે. શેરબજારમાં રોકાણ કરવું કે ટ્રેડિંગ કરવું એ એક જોખમી બાબત છે. તેથી કેટલીકવાર રોકાણ કે ટ્રેડિંગ કરીને આબાદ કે બરબાદ થઈ શકાય છે. આ સ્થિતિમાં રોકાણકારોએ પોતે સમજી વિચારીને અમે સૂચવેલી સ્ક્રિપમાંથી કઈ સ્ક્રિપમાં રોકાણ કરવાનો નિર્ણય લેવાનો રહેશે. તેમાં રોકાણ કરવાથી થતાં નફા કે નુકસાન માટે અમે જવાબદાર નથી. અમે માત્ર માર્ગદર્શન આપ્યું છે. માત્ર સંભાવનાને વ્યક્ત કરી છે. છતાં રોકાણકાર કે ટ્રેડરે પોતાની બુદ્ધિ વાપરીને કે પછી પોતાની જોખમ લેવાની કે રોકાણ કરવાની મર્યાદાને સમજીને સ્ક્રિપમાં રોકાણ કરવાનો નિર્ણય લેવાનો રહેશે. તેને માટે પોતે નક્કી કરેલા એક્સપર્ટનો અભિપ્રાય લઈને પણ આગળ વધી શકાય છે. કોઈપણ સ્થિતિ માટે આ રિપોર્ટ રજૂ કરનાર જવાબદાર નથી. દરેક નિર્ણય માટે વાચક કે રોકાણકાર પોતે જ જવાબદાર છે.
