આજે શેરબજારમાં શું કરી શકાય?
એસબીઆઈ લાઈફ ઇન્શ્યોરન્સ (SBI Life Insurance – NSE: SBILIFE | BSE: 540879):ના શેરમાં રોકાણ કરી શકાય
અમદાવાદ, ૧૩ નવેમ્બર, ૨૦૨૬ઃ આજે શેરબજારમાં એસબીઆઈ લાઈફ ઇન્સ્યોરન્સના શેર્સમાં લેણ કરી શકાય છે. શેરબજારના લાઇવ અપડેટ્સ અને તકનીકી વિશ્લેષણ મુજબ, એસબીઆઈ લાઈફ ઇન્શ્યોરન્સનો શેર હાલમાં રૂ. ૧,૮૨૦ના સ્તરે ટ્રેડ થઈ રહ્યો છે આ શેરમાં નવેમ્બર મહિનાની શરૂઆતથી જ શાનદાર તેજી જોવા મળી રહી છે.
પ્રતિકાર સપાટી અને ટ્રેન્ડલાઇન બ્રેકઆઉટ: ગુરુવારે આ શેરે રૂ. ૧,૭૯૦ ના મહત્વના પ્રતિરોધ સ્તરને પાર કરી લીધો છે. એટલું જ નહીં, શેરે એક મુખ્ય ટ્રેન્ડલાઇન બેરિયરને પણ વટાવી દીધો છે, જે દર્શાવે છે કે શેરનો ટ્રેન્ડ હવે સંપૂર્ણપણે પોઝિટિવ (તેજી તરફી) બની ગયો છે.
ડે ટ્રેડર્સ અને શોર્ટ-ટર્મ ટ્રેડર્સ માટે આજની રણનીતિ
ખરીદી: વર્તમાન સ્તર રૂ. ૧,૮૨૦ આસપાસ ખરીદી કરવી અને જો ભાવ ઘટીને રૂ. ૧,૭૯૦ સુધી આવે તો વધુ શેર એક્યુમ્યુલેટ (એકત્ર) કરવા જોઈએ.
સ્ટોપ-લોસ: શરૂઆતમાં રૂ. ૧,૭૨૫ નો ચુસ્ત સ્ટોપ-લોસ રાખવો.જેમ જેમ ભાવ ઉપર જાય તેમ રિસ્ક મેનેજમેન્ટ કરવું શેરબજારમાં જરૂરી છે. જ્યારે ભાવ રૂ. ૧,૯00 ને સ્પર્શે ત્યારે સ્ટોપ-લોસ વધારીને રૂ. ૧,૮૪૦ કરી દેવો. જ્યારે ભાવ રૂ. ૧,૯૫૦ સુધી પહોંચે ત્યારે સ્ટોપ-લોસને કડક કરીને રૂ. ૧,૯૦૦ પર લાવવો જરૂરી છે.
ટાર્ગેટ અને પ્રોફિટ બુકિંગ: શેરમાં રૂ. ૧,૯૦0 ના સ્તરે થોડી અસ્થિરતા કે કોન્સોલિડેશન આવી શકે છે. કદાચ રૂ. ૧,૮૫0 સુધીનું કરેક્શન જોવા મળી શકે છે. પરંતુ અંતે શેર રૂ. ૧,૯૮0 ના લક્ષ્યાંક તરફ આગળ વધશે. તેથી રૂ. ૧,૯૮0 પર નફો બુક કરવો ટ્રેડર્સ અને ઇન્વેસ્ટર્સ માટે હિતાવહ છે.
મધ્યમ અને લાંબા ગાળાના રોકાણકારો માટે
અધિકૃત બજાર અહેવાલો અને ટેકનિકલ પ્લેટફોર્મના જણાવ્યા અનુસાર, મધ્યમ ગાળામાં આ શેર રૂ. ૧,૯૦૦ થી રૂ. ૧,૯૮૦ ના લક્ષ્યાંકને સર કરવા માટે સક્ષમ છે. લાંબા ગાળાના રોકાણકારો માટે ઇન્શ્યોરન્સ સેક્ટરના મજબૂત ફંડામેન્ટલ્સ અને સતત વધી રહેલા પ્રીમિયમ ગ્રોથને કારણે આ સ્ક્રિપમાં ડીપ પર ખરીદી કરવાની દીર્ઘકાલીન સંભાવના રહેલી છે.
