આજે શેરબજારમાં શું કરશો?
ચોઈસ બ્રોકિંગના એક્ઝિક્યુટિવ ડિરેક્ટર સુમિત બગડિયાએ આજે ટ્રેડિંગ કરવા કે ઇન્વેસ્ટ કરવા માટે ફંડામેન્ટલની દ્રષ્ટિએ મજબૂત સ્ક્રિપ તરીકે આઈશર મોટર્સ લિમિટેડના નામની ભલામણ કરી છે. બજેટ રજૂ કરવામાં આવ્યું તે દિવસથી એનએસઈ અને બીએસઈમાં લિસ્ટ થયેલી આ સ્ક્રિપમાં લેણ કરવા જણાવવામાં આવી રહ્યું છે. Eicher Motors Ltd.માં રૂ. 7122ના ભાવે રૂ.6900નો સ્ટોપલૉસ રાખીને લેણ કરવાની ભલામણ કરવામાં આવી છે. સ્ક્રિપનો ટાર્ગેટ ભાવ રૂ. 7650નો દર્શાવવામાં આવ્યો છે. આઈશર મોટર્સના શેરનો વર્તમાન ભાવ રૂ. 7050ની રૂ. 7200ની રેન્જમાં જોવા મળી રહ્યો છે. કન્ઝ્યુમર ડ્યૂરેબલ્સની ડિમાન્ડ વધી જવાની સંભાવનાને કારણે કંપનીના કામકાજ, આવક અને નફામાં વધારો થવાની શક્યતા છે. માત્ર ઓટોમોબાઈલ સેક્ટર ચઢાવઉતારની સાઈકલમાં ઉતાર તરફ ઢળવા માંડે કે પછી તેનુ વોલ્યુમ ઘટી જાય તો જ ટાર્ગેટ ભાવ સુધી પહોંચવામાં જોખમ ઊભું થઈ શકે છે. ઓટોમોબાઈલ સેક્ટરન વપરાશ જ કંપનીના શેર્સના ભાવમાં વધારો લાવી શકે તેમ જણાય છે.
હિન્દુસ્તાન લીવર લિમિટેડના શેર્સમાં પણ લેણ કરી શકાય છે. એફએમસીજીના સેક્ટરની આ કંપનીના શેર્સમાં ટ્રેડિંગ – ઇન્વેસ્ટ કરવાની ભલામણ કરવામાં આવી રહી છે. કન્ઝ્યુમર ડિમાન્ડ તેના શેરના ભાવમાં સુધારો લાવી શકે છે. કંપનીનો મજબૂત પ્રાઈસિંગ પાવર પણ લાભદાયી સાબિત થઈ શકે છે. કંપનીનું ડિફેન્સિવ પ્રોઈસ મોડેલ અને વિતરણનું વિશાળ નેટવર્ક લાભ અપાવી શકે છે.
સ્ટેટ બેન્ક ઓફ ઇન્ડિયાના શેર્સમાં પણ ટ્રેડિંગ કે ઇન્વેસ્ટમેન્ટ કરી શકાય છે. રિટેઈલ ક્રેડિટનો પોર્ટફોલિયો સંગીન છે. બેન્કની અસ્ક્યામતોની ગુણવત્તા ઘણી જ સારી છે. લોન બુક મોટી થઈ રહી છે. ક્રેડિટ ગ્રોથ મજબૂત હોવાથી તથા ડિજિટલ ફીની આવક વધી રહી હોવાથી બેન્કની આવકમાં વધારો થશે. હા, સિક્યુરિટી ટ્રાન્ઝેક્શન ટેક્સ વધી જતાં બજારમાં અફરાંતફરી વધી જાય તો તેના પર નકારાત્મક અસર આવી શકે છે.
ટેકનિકલી સાઉન્ડ સ્ટોકની વાત કરવામાં આવે તો તેમાં અસાહી ઇન્ડિયા ગ્લાસ લિમિટેડનો સમાવેશ થાય છે.
ટેકનિકલી સાઉન્ડ સ્ટોકની વાત કરવામાં આવે તો તેમાં અસાહી ઇન્ડિયા ગ્લાસ લિમિટેડ- Asahi India Glass Ltd.નો સમાવેશ થાય છે. ટેકનિકલ પેટર્ન અને બ્રોકરોએ દર્શાવેલા ભાવને કારણે આ સ્ક્રિપની પસંદગી કરવામાં આવી છે. ટેકનિકલ ચાર્ટ તેમાં તેજીનો સંકેત આપે છે. તેજીની જ પેટર્ન સતત રચાઈ રહી છે. શેરના ભાવ સતત નવા નીચા ટોપ-મથાળા બનાવી રહ્યા છે. શેરનો વર્તમાન ભાવ તેની ભાવની સરેરાશ વધઘટના ભાવ કરતાં ઊંચો છે. શેરમાં રૂ. 1,001થી રૂ. 1,010ના ભાવથી લેણ કરી શકાય છે. ટાર્ગેટ ભાવ રૂ. 1077 નક્કી કરવામાં આવ્યો છે.
ટેકનિકલી સાઉન્ડ કંપનીમાં Star Health & Allied Insurance Ltd.માં લેવાલી કરવાની ભલામણ કરવામાં આવી રહી છે. શેરનો વર્તમાન બજાર ભાવ રૂ. 469નો છે. ટાર્ગેટ ભાવ રૂ. 505 નક્કી કરવામાં આવ્યો છે. શેરનો ભાવ તેની રોજબરોજની વધઘટના સરેરાશ ભાવથી ઉપર પહોંચવા માંડ્યો છે. શેરનો રિલેટીવ સ્ટ્રેન્ગ્થ ઇન્ડેક્સ સુધરી રહ્યો છે.
