આજે શેરબજારમાં શું કરશો?
રિલાયન્સ ઇન્ડસ્ટ્રીઝ, એચીએફસી બેન્ક, સિટી યુનિયન બેન્ક, નઝારા ટેક્નોલોજિસ, ટાટા કન્સલ્ટન્સી સર્વિસિસ સહિતના શેર્સમાં ટ્રેડિંગ કે ઇન્વેસ્ટમેન્ટ કરી શકાય
ફંડામેન્ટલની દ્રષ્ટિએ મજબૂત ગણાતા શેર્સમાં Reliance Industries Ltd. (RIL)ના શેરનો સમાવેસ થાય છે. રિલાયન્સ ઇન્ડસ્ટ્રીજ લિમિટેડના શેરનો વર્તમાન બજાર ભાવ રૂ. 1403 છ. તેમાં 20 ટકાનો સુધારો જોવા મળી શકે છે. કંપની પાસે આવકના વિવિધ સ્રોત છે. તેમાં જિયોનું વિસ્તરણ જવાબદાર બનશે. ટેલિકોમ સેક્ટરની આ કંપનીના ઓઈપીઓ વિસ્તરણ માટેનું ભંડોળ પૂરું પાડશે. તેના થકી તેની આવકમાં વધારો થશે. એનર્જી, ટેલિકોમ અને છૂટક વેચાણના સેક્ટરમાં આ કંપની સક્રિય છે. ત્રણેય સેક્ટરમાં કંપનીના કામકાજ અને આવકમાં વધારો થવાની સંભાવના છે.
ફંડામેન્ટલ્સની દ્રષ્ટિએ મજબૂત ગણાતો બીજો શેર એચડીએફસી બેન્ક-HDFC Bank Ltd.નો છે. આ લાર્જકેપ કંપનીની અસ્ક્યામતોની ગુણવત્તા મજબૂત છે. કરન્ટ એકાઉન્ટ અને સેવિંગ એકાઉન્ટમાં પડી રહેતી રોકડ તેને ઓછા વ્યાજ ખર્ચના બોજની ડિપોઝિટ થકી આવક કરવાની તક પૂરી પાડે છે. રિટર્ન ઓન ઇક્વિટી અને ક્રેડિટમાં થઈ રહેલો વધારો બેન્કના ટોપલાઈન-કામકાજમાં અને બોટમલાઈન-નફામાં વધારો કરી શકે છે. તેની સીધી અસર બેન્કના નાણાંકીય પરફોર્મન્સ પર અને તના થકી શેરબજારના પરફોર્મન્સ પર જોવા મળશે. બેન્કની લોન માટેની ડિમાન્ડ વધી રહી છે. તેમ જ તેના નેટ ઇન્ટરેસ્ટ માર્જિન વધી રહ્યા છે. શહેરી વિસ્તારોમાં છૂટક લોન લેનારાઓ થકી બેન્કની આવકમાં વધારો થવાની શક્યતા છે. શેરનો વર્તમાન બજાર ભાવ રૂ. 1600 પ્લસનો છે. ડિજિટલ માર્કેટમાં બેન્કના કામકાજ વધી રહ્યા છે.
ફંડામેન્ટલની દ્રષ્ટિએ વળતર આપતો ત્રીજો શેર Tata Consultancy Services (TCS)નો છે. લાંબા ગાળા સુધી ઇન્વેસ્ટમેન્ટ જાળવી રાખવા જેવો આ શેર છે. લાંબા ગાળા સુધી કંપનીનો વિકાસ થયા જ કરે તેવો આ શેર હોવાથી લાંબા ગાળા સુધી જાળવી રાખવા જેવો શેર છે. કંપનીના ફંડામેન્ટલ્સની વાત કરીએ તો આઈ.ટી. સર્વિસિસમાં કંપનીના માર્જિન ઘણાં જ સારા છે. ગ્લોબલ ડિજિટલ ટ્રાન્સફોર્મેશનની પ્રક્રિયા ચાલુ હોવાથી તેના શેરની ડિમાન્ડ વધી રહી છે. ટીસીએસ સતત ડિવિડંડ આપતી કંપની છે. કંપની પાસે આજની તારીખે મજબૂત ઓર્ડર બુક છે. આર્ટિફિશિયલ ઇન્ટેલિજન્સ અને ક્લાઉડ સર્વિસના કામકાજ સતત વધી રહ્યા છે. ડિજિટાઈઝેશનની સેવાની ડિમાન્ડ વધી રહી હોવાથી ટીસીએસનો શેર રોકાણ માટેનો એક ઉત્તર શેર છે.
ચોઈસ બ્રોકિંગના આકાશ શાહે કરેલી ભલામણ મુજબ ટેકનિકલી સાઉન્ડ ગણાતા બે શેર્સમાં રોકાણ કરીને લાંબા ગાળા સુધી જાળવી રાખવાની ભલામણ કરવામાં આવતી નથી. પહેલો શેર Hindustan Copper Ltd. (HINDCOPPER)નો છે. ટેકનિકલ ચાર્ટની દ્રષ્ટિએ આ શેર બાયિંગ ઝોનમાં છે. રૂ. 557ની ભાવ સપાટે તેમાં રૂ. 525નો સ્ટોપલૉસ રાખીને લેણ કરી શકાય છે. સ્ક્રિપનો ભાવ રૂ. 600ના ટાર્ગેટ ભાવ સુધી પહોંચી જાય તેવી સંભાવના વ્યક્ત કરવામાં આવી રહી છે. કંપનીનું વોલ્યુમ વધી રહ્યું છે. આ દર્શાવે છે કે તેની ડિમાન્ડ વધી રહી છે. તેથી મેટલ અને માઈનિંગના સેક્ટરની કંપનીના મહત્વના EMAની ઉપર મજબૂત બ્રેકઆઉટ આવે તેવું દેખાઈ રહ્યું છે.
આકાશ શાહ ટેકનિકલ ચાર્ટની દ્રષ્ટિએ ટ્રેડિંગ કરવાને લાયક બીજા શેર્સ તરીકે બેન્કિંગ સેક્ટરના City Union Bank (CUB)ના શેરની ભલામણ કરી રહ્યા છે. રૂ. 280ની ભાવ સપાટીએ રૂ. 266નો સ્ટૉપલૉસ રાખીને બેન્કના શેરમાં લેણ કરી શકાય છે. શેરનો ટાર્ગેટ ભાવ રૂ. 305નો છે. તેના કારણોની વાત કરીએ તો શેરનો ભાવ સતત વધી રહ્યો છે. ટેકનિકલ ચાર્ટમાં નવા ઊંચા ભાવ અને નવા નીચા ભાવ આ શેર બનાવી રહ્યો છે. કંપનીનો ઈએમએ-EMA શેરની સુધારા તરફી ગતિને ટેકો આપી રહ્યો છે. ટેકનિકલ એનાલિસિસમાં શેરની Exponential Moving Average (EMA) એક મહત્વનો સંકેત આપે છે. તાજેતરના ભાવની મુવમેન્ટને આધારે ભાવિ મુવમેન્ટનો નિર્દેશ આપે છે. ટ્રેડર્સ પણ 12, 26, 50 અને 200 દિવસની મુવિંગ એવરેજને આધારે શેરના ભાવના વધારા કે ઘટાડાના ટ્રેન્ડનો અંદાજ મેળવે છે. ઈએમએ ભાવના ઘટાડા કે વધારાનો નિર્દેશ આપતો ઝડપી સંકેત છે.
ટેકનિકલ એનાલિસ્ટની નજરે આજે ટ્રેડ કરવા લાયક શેરમાં ડિજિટલ અને ગેમિંગ ટેકનોલોજીના સેક્ટરની કંપની નઝારા ટેક્નોલોજીસ- Nazara Technologies (NAZARA)ના શેરનો સમાવેશ થાય છે.શેરમાં રૂ. 277ની સપાટીએ લેણ કરી શકાય છે. રૂ. 265નો સ્ટૉપલૉસ રાખીને ટ્રેડિંગ કરવું જોઈએ. રૂ. 300ના ટાર્ગેટ ભાવ સુધી જવાની સંભાવના ટેકનિકલ એનાલિસ્ટે વ્યક્ત કરી છે. કંપનીના શેરના ભાવમાં આવી રહેલા કરેક્શન પછી હવે નવા ઊછાળા માટે તેમાં બ્રેકઆઉટ આવવાનો નિર્દેશ ટેકનિકલ ચાર્ટ પરથી મળી રહ્યો છે. તદુપરાંત સ્ક્રિપનું વોલ્યુમ વધી રહ્યું હોવાનો નિર્દેશ પણ મળી રહ્યો છે.
આજે નિફ્ટી ફ્યુચરમાં શું કરશો?
NIFTY Futuresમાં આજે આરંભમાં નરમાઈ તરફી ચાલ જોવા મળી શકે છે. નિફ્ટી ફ્યુચર્સ તેની વર્તમાન સપાટીની આસપાસ જ રમ્યા કરે તેવી સંભાવના છે. આજે નિફ્ટી ફ્યુચર 25,000થી 25,100ની સપાટીએ ટેકો ધરાવે છે. 25,200થી 25,350ના ઝોનમાં પ્રતિકાર સપાટી જોવા મળી રહી છે. ડેરીવેટિવ્સ સેક્ટરના સેન્ટીમેન્ટ, ટેકનિકલ રેન્જ અને તાજેતરમાં બજારમાં જોવા મળેલી ચાલને આધારે વાત કરીએ તો આજે નિફ્ટિ ફ્યુચરમાં નરમાઈ તરફી ચાલ જોવા મળી શકે છે. તાજેતરના ભૂતકાળમાં તેમાં જોવા મળેલી વધઘટ પછી વર્તમાન સપાટીને આસપાસ જ નિફ્ટિ ફ્યુચર રમતો રહે તેવી સંભાવના રહેલી છે.
